Apocalipsis 16:5 - Qullan Arunaka DC

⁵ Ukatsti umanakar apnaqir angelar akham arsur ist'arakta: “Jumax chiqapapunïtawa, akham taripatamata Qullan Dios Tatay. Jumax utjasktawa, utjaskapunïyätawa, jichhas utjskapuntawa.

Aymar Bibliia 1986

⁵ Ucatsti umancquis uca angelaruraquiw aqham siri ist'aracta: “Jumajj chekapapunïtawa aqham taripatamata kollan Dios Tatitu. Jumajj utjascapunïyätawa, jichhas utjascapuntawa.

Qullan Arunaca

⁵ Ucatsti umancquis uca angelaruraquiw aqham siri ist'aracta: “Jumajj chekapapunïtawa aqham taripatamata kollan Dios Tatitu. Jumajj utjascapunïyätawa, jichhas utjascapuntawa.

Apocalipsis 16:5 Jak'a apnaqawi uñst'ayäwi

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Salmos 129:4

Tatitusti chiqapar uñjasir kankañapanxa, ñanqha lurir jaqinakan amparapat qhispiyitu.

Salmos 145:17

Tatitux taqi sarnaqäwipan chiqap uñjiriwa, taqi luräwinakapan munasiñaniwa.

Lamentaciones 1:18

Tatitux kunatix askïki uk luraski, nayan kamachi arunakapar jan yäqataxata. ¡Taqi markanaka, ist'apxita; t'aqhisitaxsa uñjapxarakim! ¡Markaxankir waynanakasa, tawaqunakasa, katuntat apataw uñjasipxi!

Daniel (hebreo) 9:14

Ukat Tatay, aka jach'a jan walinak wakichasin nanakxar apayaniraktaxa; jumasti, nanakan Tatit Diosaxay, taqi luratanakaman chiqapapunïtawa; ukampis nanakaw jumaru jan ist'añ munapksmati.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Romanos 3:5

Ukampis jiwasan jan wali luratasatix Diosan askïtap jach'ar aptañatakïchixa, ¿kamsarakiñänisti? ¿Diosax aliqatak mutuyistu sañäniti? (Jaqinakan amuyuparjamakiw uk arsta.)

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 11:17

akham sasa: “Taqi ch'aman Dios Tatay, yuspagarapxsmawa, jumax jakasktawa, utjaskapunïyätawa, utjaskaktawa, jichhas utjaskakipunïtawa. Jichhax jach'a ch'amam katxartaxa, aka uraqi apnaqañ qalltaraktaxa.

Apocalipsis 16:4

Kimsïr angelasti jawiranakxaru, uma jalsunakxaruw qirup warxatarakïna, jawiranakampi uma jalsunakampisti wilaruw tukuwayxäna.

Apocalipsis 16:7

Ukatsti maynirakiw altarat art'asinïna akham sasa: “Jïsa, taqi ch'aman Dios Tatay, juman taripatamax chiqapapuniwa, askirakiwa” sasa.

Apocalipsis 19:2

jupax chiqapar uñjasaw markanakar taripi; jach'a q'añusirirusti juchañchiwa, uka q'añusitapampiw taqi jaqinakar jan walir apaskäna; Diosan luqtirinakapar jiwarayatapat juchañcharaki” sasa.

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.

Apocalipsis 6:10

Ukanakasti jach'at art'asisaw sapxäna: “Taqi ch'aman Dios Tata, jumax qullanätawa, arsutamax chiqawa. ¿Kunapachkamarak jan juchañchkäta, uraqin jakapki uka nanakar jiwarayirinakarusti?” sasa.