Apocalipsis 16:4 - Qullan Arunaka DC

⁴ Kimsïr angelasti jawiranakxaru, uma jalsunakxaruw qirup warxatarakïna, jawiranakampi uma jalsunakampisti wilaruw tukuwayxäna.

Aymar Bibliia 1986

⁴ Quimsïri angelasti jawiranacjjaru, uqhamarac uma jalsunacjjaruw warjjataraquïna. Ucatsti take jawiranacampi uma jalsunacampisti wilaraquiw tucuwayjjäna.

Qullan Arunaca

⁴ Quimsïri angelasti jawiranacjjaru, uqhamarac uma jalsunacjjaruw warjjataraquïna. Ucatsti take jawiranacampi uma jalsunacampisti wilaraquiw tucuwayjjäna.

Apocalipsis 16:4 Jak'a apnaqawi uñst'ayäwi

Salmos 78:44

jawir umanakar wilar tukuykän ukata, Egiptonkirinakax uka umanak jan umirjamäpkän ukata.

Éxodo 8:5

5 (1) Tatitusti Moisesarux saskakïnwa: —Aaronar akham sam: “Thujrupxa jawiranakxaru, qutanakxar aytpan, ukat k'ayra jamp'atunakax uka chiqanakat misturanisin Egipto uraqir phuqhantani” —sasa.

Isaías 50:2

¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.

Ezequiel 35:8

Jach'a qullunakamsa, jisk'a qullunakamsa, qhirwanakamsa, jawiranakamsa nuwasïwin jiwarir amayanakampiw phuqhantarakï.

Oseas 13:15

Israel, inas wasitat qamiriptchisma, ukampis nayax q'al t'unjäma, kunjämtix wasarat sartankis uka thayax uma jalsu phuch'unaksa q'al wañt'ayki ukhama. Ukatsti uñisirinakamax suma imasitanakam q'al katuntasxapxani.

Apocalipsis 11:6

Jupanakax alaxpach jist'antañatakisa munañanïpxiwa, Diosat katuqat arunak parlapkani uka urunakan jallun jan puriñapatakisa, umanakan wilar tukuñapataki, akapach jaqinakar kunayman mutuñanakampi munataparjam qawqha kuti t'aqhisiyañatakis munañanïpxarakiwa.

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 16:5

Ukatsti umanakar apnaqir angelar akham arsur ist'arakta: “Jumax chiqapapunïtawa, akham taripatamata Qullan Dios Tatay. Jumax utjasktawa, utjaskapunïyätawa, jichhas utjskapuntawa.