Apocalipsis 16:16 - Qullan Arunaka DC

¹⁶ Uka ñanqha ajayunakasti mä chiqawjaruw reyinakarux tantachapxi, hebreo arunsti uka chiqax Harmagedón satawa.

Aymar Bibliia 1986

¹⁶ Ucatsti reyinacarojj Armagedón satäquis uca chekaruw tantachapjjäna. Uca sutisti hebreo sutiwa.

Qullan Arunaca

¹⁶ Ucatsti reyinacarojj Armagedón satäquis uca chekaruw tantachapjjäna. Uca sutisti hebreo sutiwa.

Apocalipsis 16:16 Jak'a apnaqawi uñst'ayäwi

2 Crónicas 35:22

Josías reyisti janiw qhipar kuttkänti, jan ukasti nuwasiñ munapunïnwa, janiw jupax amuyaskänti Diosan Necao reyi tuqi jupar parlaskatapa. Ukhamasti jupax, Meguido qhirwan, nuwasïwiruw mantäna,

Zacarías 12:11

Jerusalenanxa jach'a jachañaw utjani, kamisatix Meguido uraqina Hadad-rimón sat diosapat jachañax utjki ukhama.

Juan 19:13

Pilatosti uk ist'asinxa, Jesusaruw irpsuyanïna, jupasti taripañ chiqaruw qunt'asïna, uka chiqasti Gabatá satänwa, hebreo arunxa, Qalampi Suk'suta sañ muni.

Juan 19:17

Jesusasti cruzap q'ipt'ataw Calavera sat chiqar sarañatak mistuwayäna, hebreo arunxa, Gólgota satawa.

Juan 5:2

Jerusalén markana, “Ovej uyu punku” sat jak'an mä uma püñaw utji phisqa jach'a punkuni, ukasti hebreo arunxa Betzatá satawa.

Hechos 26:14

Ukatsti taqiniw uraqir liwirtapxta. Nayasti mä aru ist'arakta, uka arusti hebreo arut nayar situ: ‘Saulo, Saulo, ¿kunatarak arknaqistasti? Wali ch'amaw jumatakix nayatak sayt'añamaxa. Juma pachpaw chhuxriñchjastaxa, kamisatix mä vacax ari hierror mat'aqt'asax jupa pachpa usuchjaski ukhama’ sasa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 9:11

Uka t'iju t'ijunakan jilïripasti manqha pachan angelapawa. Aka angelasti hebreo arunxa Abadón satawa, griego arunsti Apolión satarakiwa, paypach arunsti sutipax “T'unjiri” sañ muni.

Jueces 4:7

Nayaw Jabín reyin ejercitopan Sísara sat jilïriparux Quisón sat jawir thiyaru jutayä, carronakapampi, soldadonakapampi jumar katuntañataki. Ukampis nayaw jupanakarux amparamar katuyäma” —sasa.

Jueces 5:19

“Ukatsti reyinakax Taanac chiqaruw jutapxäna, Meguido markan umanakap jak'aru; cananeo reyinakax nuwasiñ amtampiw jutapxäna, jupanakasti janiw qullqsa, qamir yänaksa apasipkänti.