Apocalipsis 16:15 - Qullan Arunaka DC

¹⁵ “Amuyasipxam, nayax lunthatar uñtataw akatjamat jutä. Suyasapun sarnaqir jaqix kusisiñanïniwa, isinakap imasir jaqis kusisiñanïniwa, q'alal jan sarnaqaskañapataki, p'inqapa jan uñachayaskañapataki.”

Aymar Bibliia 1986

¹⁵ “Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”

Qullan Arunaca

¹⁵ “Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”

Apocalipsis 16:15 Jak'a apnaqawi uñst'ayäwi

Éxodo 32:25

Moisesasti markar jan jark'añjamätap amuyäna, uñisirinakapatakis laruskayätap uñjarakïna, Aaronax janiw jark'irjamäkataynati.

Isaías 47:3

Janchimas q'alal uñstpan, mä p'inqapuniw chhuxurasiñamas uñstani. Jichhaw jumanakampix phuqsusïxa, janirakiw khitis achikt'asitapampix jark'kitaniti”.

Ezequiel 16:37

Ukatpï jichhax juma jak'ar tantacht'äxa, taqi waynanakamaru, munirinakamaru, ukhamaraki juman uñisita chachanakaru; jupanak nayräxan jumarux q'alalsuyäma, taqinis jumar q'alal uñjapxañapataki.

Oseas 2:3

3 (5) Janitix uka jan wali sarnaqañanakap apanukkanixa, q'alalsuyäwa: kunjämtix taykapan purakapat yurkän ukhama, ch'usa wasararuw tukuyarakï, waña uraqiruw kipstayä, ukatsti umat pharjayasin jiwayarakï.

Habacuc 2:15

¡Ay kunakïkan juma Babiloniatxa, jaqi masinakamaru machjayañataki vinoru jan wali qullanakampi uchas churatamata, ukhamat q'alalakïtap uñjasin jisk'achjañataki!

Mateo 25:13

“Ukapachaw Jesusax yatiqirinakapar säna: Jumanakax p'arxtatapun suyapxam, janiw yatipktati Jaqin Yuqapan kunür jutañapsa, kunapacha jutañapsa.

Mateo 26:41

Jichhax jan ikipxamti, yant'äwir jan puriñatak Diosat mayisipxam. Chiqpachansa jumanakax aski lurañ munasipktawa, ukampis jan ch'amaniw jikxatasipxtaxa.

Marcos 14:38

Jan ikipxamti; yant'ar jan mantañatakix Diosat mayisipxam. Chiqpachansa jumanakax taqi kunsa sum lurañ munapxtaxa, ukampis jan ch'amaniw jikxatasipxtaxa —sasa.

Lucas 21:36

Jumanakax wakicht'atäpxam, Diosat mayisipxapunim, ukhamat taqi ukanak luraskani ukat jaltapxañamataki, ukatsti Jaqin Yuqap nayraqatan uñstapxañamataki.

Hechos 20:31

Walpun amuyt'asipxäta. Kimsa maran sapa mayni jumanakar uruy aruma, jan qarjasisa, jacht'asisaraki iwxt'atanakax janiw armasipxätati.

2 Corintios 5:3

uka jakañampisti isimpjamarakiw isintayatäñäni jan q'alaläskañasataki.

1 Tesalonicenses 5:4

Ukampis juma jilatanakax janiw ch'amakankapktati, ukhamat Tatitun kutiniñap urux lunthatar uñtat jan katjayasiskañataki.

1 Tesalonicenses 5:6

ukat mayninakjam jan ikiñasäkiti, jan ukasti taqi amuyusan p'arxtatäñasawa.

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

Apocalipsis 22:7

“¡Jank'akiw jutä! ¡Khititix aka qillqatankir profecía arunak chuymapar katuqkani ukax, kusisiñaniwa!”

Apocalipsis 3:11

Jank'akiw jutä. Nayar iyawsañ chuyma katxäsiskakim, ukhamat janiw khitis churäwim apaqkätamti.

Apocalipsis 3:18

Ukatpï nayax amuyt'aysmaxa: ninar naksuyat suma quri nayat alasita, ukampi qamiriptañamataki, isthapisiñamatakisti, janq'u isinak nayat alasita, uka p'inqa q'alal janchim imxatañataki, ukatsti nayramatak qulla nayat alasita, nayramar ch'aqt'ayasisin uñjañamataki.