Apocalipsis 10:5 - Qullan Arunaka DC

⁵ Ukapachaw kawkïr angelatix qutxaru, uraqxaru takt'atäkän uka angelax, kupi amparap alaxpachar aytäna,

Aymar Bibliia 1986

⁵ Ucatsti cawquïri angelatï kotjjaru, uqhamarac orakjjaru tact'atäcän ucajja, cupi amparapwa alajjpacharu aytäna.

Qullan Arunaca

⁵ Ucatsti cawquïri angelatï kotjjaru, uqhamarac orakjjaru tact'atäcän ucajja, cupi amparapwa alajjpacharu aytäna.

Apocalipsis 10:5 Jak'a apnaqawi uñst'ayäwi

Génesis 14:22

Ukampis Abram chachax sarakïnwa: —Alaxpacha, akapach lurir jach'a Diosaruw juramentompi arsta,

Nehemías 9:6

Esdrasasti sarakïnwa: “Jumakïtaw Tatituxa, janiw yaqha Diosax utjkiti. Jumaw alaxpachsa, alaxpachat juk'amp amstankki uksa, taqi warawaranaksa lurtaxa; jumarakiw uraqsa lurtaxa taqi kunatix ukan utjki ukanakamppacha, jach'a qutanaksa, ukhamarak kunatix ukan utjki taqi ukanaksa. Jumaw taqi kunanakarus jakañ churtaxa. Ukatarak alaxpachankir warawaranakas yupaychapxtamxa.

Salmos 146:5

Jacobun Diosapan yanapat jaqix kusisiñaniwa, Tatitu Diosapar suyt'irix kusisiñaniwa.

Éxodo 20:11

Tatitux suxta urun luräna, alaxpacha, akapacha, qutanaka, kunanakatix ukanakan utjki ukanaka; paqallqüri urunsti samaränwa. Ukat Tatitux paqallqür urur aski waxt'äwimp phuqt'äna, qullan urüñapatakiw arsurakïna.

Éxodo 6:8

Jumanakarusti kawkha uraqtix Abrahamaru, Isaacaru, Jacobur churañ arskäyät ukaruw irpapxäma, ukatsti Naya Tatituw jumanakar uka uraqi churxapxäma” sasa.

Ezequiel 20:15

“ ‘Wasaran jupanakarux juramentompi arsurakta, jupanakar churata uraqir jan mantayañataki, yaqha uraqinakat sipan wali suma uraqiru, kawkhantix leches, misk'is umjam jalaski uka uraqiru.

Ezequiel 20:23

Wasaransti jupanakarux juramentompiw arsurakïyäta, taqi markanak taypiru ananukuñataki,

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Ezequiel 20:42

“ ‘Ukatsti kunapachatix nayax Israel uraqir puriyxapxäma, nayra awkinakamar churañatak arsuta uraqiru, ukapachaw jumanakax nayan Tatitütax yatipxäta.

Ezequiel 20:5

Jupanakar sarakim: ‘Tatitux akham siwa: Israelar ajlliskäyät ukapachasti, wawanakapatakix mä juramento lurta, Egipto uraqin jupanakar uñstarakta. Ukansti amparaxa aytasaw juramento lurta: Nayätwa Tatitu Diosamaxa, sasa.

Ezequiel 36:7

Uka laykuw naya Tatitux jichhax juramentompi arsta, jumanak jak'ankir markanakax p'inqachjataw uñjasipxani.

Ezequiel 47:14

Nayasti jumanakan nayra awkinakamaruw aka uraqi churañatak juramentompi arsüyäta. Jichhax taqinis mä ukch'akamak jaljasipxam. Aka uraqisti jumanakan uraqimäniwa.

Daniel (hebreo) 12:7

Lino isimp isthapit chachasti, alaxpachar amparap luqtasaw, jakkir Diosan sutipxar juramentompi arsüna akham sasa: ‘Kimsa mara chikatanita, kunapachatix Diosan markapax jan juk'amp t'aqhisiyat uñjaskxani ukapachaw taqi akanakax tukusxani’ sasa.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Hechos 17:23

Ukawjanak sarnaqkasin nayax uñjta jumanakan walja diosanakar yupaychapxatama, wilañchanak luqtasipxirïktas ukawjan mä altar jikxatta akham qillqatani: ‘Jan uñt'at Diosaru’ sasa. Jan uñt'kasin yupaychapktas uka Diosatpï nayax jumanakar yatiyapxsmaxa.

Romanos 1:20

ukampis Diosat jan yatiñjamäki ukxa jupan luräwinakap tuqikiw uñt'sna. Ukhamasti, aka uraqix luratäkän ukkhatpach Diosätapax qhanpach uñacht'ayasi, ch'amapasti janipuniw tukuskaniti. Ukat ñanqha jaqinakax jupat jan jaltapkaspati.

Deuteronomio 32:40

Alaxpacharuw amparax aytta, wiñay jakañax laykuw juramento lurarakta,

Hebreos 6:13

Kunapachatix Diosax Abrahamar “Churämaw” siskän ukapachaxa, jupa pachpatakiw juramento luräna, janiw jupat juk'ampi yaqha jilïrix juramento lurañatak utjkänti,

Apocalipsis 1:18

jakaskaraktwa. Nayax jiwatäyätwa, jichhasti wiñayatakiw jakaskta. Nayaw jiwampina, manqha pachampin jist'arañanakap katuskta.

Apocalipsis 10:2

Amparaparusti jist'arat mä jisk'a qillqat apt'atänwa. Ukatsti kupi kayup jach'a qutxaruw takt'asïna, ch'iqa kayupsti uraqxarurakiw takt'asïna.

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 16:17

Paqallqür angelasti saman thayarurakiw qirupankir waranuküna, ukatsti mä jach'a aruw ist'asini, qullan utjäwinkir qhapaq qunuñatpacha, uka arusti sarakïnwa: “¡Jichhax luratäxiwa!” sasa.

Apocalipsis 4:11

“Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.

Apocalipsis 4:9

Uka pusi jakaskirinakasti, sapa kuti khititix qhapaq qunuñan qunt'atäki, wiñayan wiñayapatak jakaski ukar jach'añchapki, yuspagarapkaraki ukkhaxa, uka pä tunka pusin jilïrinakax jupa nayraqatan killt'asisin jupar yupaychapxäna, ukatsti qhapaq qunuñan nayraqatapar pillunakap liwnuqasin sapxarakïna: