Apocalipsis 1:6 - Qullan Arunaka DC

⁶ ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

Aymar Bibliia 1986

⁶ Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Qullan Arunaca

⁶ Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Apocalipsis 1:6 Jak'a apnaqawi uñst'ayäwi

Éxodo 19:6

Jumanakax nayar luqtir sacerdotenakäpxätawa, nayatak yaqhachat suma markarakïpxätawa.” Taqi ukanak israelitanakar yatiyam —sasa.

Isaías 61:6

Jumanakarusti: “Tatitun sacerdotenakapa” sasaw sutichapxätam, Tatitun luqtirinakapa sasaraki. Yaqha markanakankir qamir yänakapampiw kusisipxäta, uka k'ajkir yänakapampiw k'achachasipxäta.

Daniel (hebreo) 4:34

34 (31) “Kunapachatix uka juchañchäwi urunakax phuqhasxäna ukapachasti, naya Nabucodonosor reyix alaxpacha uñtta, ukatsti luqhi kankañaxat qullatätaxa amuyasirakta, ukat nayax alaxpachankir Diosar jach'añchta, aka arunakampiw wiñayatak jakiriru yupaycharakta: “ ‘Ch'amapax wiñayatakipunïniwa; jupan marka apnaqañapax wawanakansa wawanakapatakïniwa.

Daniel (hebreo) 7:14

Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Juan 5:23

kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.

Romanos 11:36

Taqi kunas Diosat juti, jupïpan utji, jupatakirakiwa. ¡Diosax wiñayatak jach'achatäpan! Ukhamäpan.

Romanos 15:6

ukhamat taqinis Jesucristo Tatitusan Dios Awkipar yupaychañasataki.

Filipenses 2:11

ukatsti taqi jaqirakiw yatipxañapa: Jesucriston Tatitütapa, Dios Awkir jach'añchañataki.

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

1 Pedro 5:11

¡Diosax wiñayatak ch'amapamp apnaqpan! Ukhamäpan.

2 Pedro 3:18

Ukampis Qhispiyiri Tatit Jesucristosar uñt'apxam, munasiñapan jiltapxarakim. ¡Jupasti jach'añchatäpan, jichhasa, wiñayataki! Ukhamäpan.

Apocalipsis 1:9

Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.

Apocalipsis 20:6

¡Nayrïr jaktäwin jaktirinakax kusisiñanïpxiwa, ajllita qullan markankirïxapxiwa! Payïr jiwasti janiw jupanakxarux kuna ch'amanïkisa, jan ukasti, jupanakax Diosampin, Cristompin sacerdotepäpxaniwa, waranqa maraw jupampi reyit qunt'asipxani.

Apocalipsis 4:11

“Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.

Apocalipsis 5:10

Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.