Apocalipsis 1:4 - Qullan Arunaka DC

⁴ Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Aymar Bibliia 1986

⁴ Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Qullan Arunaca

⁴ Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Apocalipsis 1:4 Jak'a apnaqawi uñst'ayäwi

Salmos 90:2

Qullunak janïr utjkipana, akapachas janïr utjkipana, wiñayan wiñayapatakiw jumax Diosätaxa.

Éxodo 3:14

Diosasti sarakïnwa: —NAYÄTWA KHITÏKTIX UKAXA. Israelitanakarusti sätawa: “NAYÄTWA sataw jumanakan ukar khithanitu” sasa.

Isaías 11:2

Tatitun ajayupaw jupxankani, yatiñampi, ch'ikhi kankañampi, suma amuyt'a chuymamp churani, mä jach'a ch'aman reyïniwa, Tatitur uñt'asax suma ist'asirïniwa.

Isaías 41:4

¿Khitis taqi ukanak ukham luri? ¿Khitis qalltatpach taqi kunsa ukham sarayi, kunjämarutix sarañapäki ukhamaru? Naya sapa Tatitu Diosakiw ukham lurta, nayarakïtwa qalltasa, tukuyasa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Miqueas 5:2

2 (1) Jumasti, Belén Efrata, Judá uraqinkir markanakatxa jisk'akïtawa, jumat Israel markar mayni apnaqirix mistuni, ukasti nayra wila masinak taypit saraqiriwa.”

Zacarías 3:9

Nayasti Josué chachan nayraqataparux paqallqu k'achinakan mä qala uchta, naya pachparakiw uka qalarux mä aru qillqä. Ukatsti, mä urunak aka markan juchanakap apaqarakï.

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

Zacarías 6:5

Angelasti sarakituwa: “Aka carronakax pusi tuqinkir alaxpach thayanakawa, akapach apnaqir Tatitun nayraqatapat taqi akapach muytiriw mistunipxi.

Juan 1:1

Arux qalltan utjapunïnwa, khä Arusti Diosampïnwa, uka Arusti Diosarakïnwa.

Hechos 19:10

Jupasti pä maraw ukham luräna, ukhamat Asia tuqin jakirinakax Tatit Jesusan arunakap ist'apxäna, judionakasa jan judionakasa.

Hechos 2:9

Taqi markanakat jiwasanakax akankapxtanxa. Yaqhipanakax Partia, Media, Elam uka markanakankirïtanwa. Yaqhanakax Mesopotamia, Judea, Capadocia, Ponto, Asia,

Hebreos 13:8

Jesucristox wasürusa, jichhürusa, wiñayas pachpakïskiwa.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

Apocalipsis 1:1

Diosaw Jesucristor uñacht'ayäna, kunatix jank'ak luraskani ukanakxata, ukhamat jupax luqtirinakaparu yatiyañapataki. Ukat Jesucristox aka uñacht'äwxa Juan luqtiripar mä angelap tuqi yatiyäna.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 1:17

Jupar uñjasasti, kayunakap nayraqataruw jiwatjam liwista. Ukampis jupax kupi amparapampi luqxatasaw nayar situ: “Jan axsaramti; nayätwa qalltasa tukuyasa,

Apocalipsis 1:20

Kupi amparaxan paqallqu warawaranak jumax uñjktas ukampi, qurit lurat paqallqu candelerompix akawa: paqallqu warawarax paqallqu iglesian angelanakapawa; paqallqu candelerosti paqallqu iglesianakarakiwa” sasa.

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 1:9

Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.

Apocalipsis 16:5

Ukatsti umanakar apnaqir angelar akham arsur ist'arakta: “Jumax chiqapapunïtawa, akham taripatamata Qullan Dios Tatay. Jumax utjasktawa, utjaskapunïyätawa, jichhas utjskapuntawa.

Apocalipsis 2:12

“Pérgamo iglesiankir angelarux qillqarakim: ‘Khititix purapar arini espada ayt'atäki ukax akham siwa:

Apocalipsis 2:18

“Tiatira iglesiankir angelarux qillqarakim akham sasa: ‘Diosan Yuqapax, khititix nina lawranakjam nayranïki, kayunakapas suma lliphipkir broncer uñtatäki ukax akham siwa:

Apocalipsis 2:8

“Esmirna iglesiankir angelarux qillqarakim: ‘Khititix nayrïrïki, qhipïrïki, jiwasin jaktirïki ukax akham siwa:

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”

Apocalipsis 22:8

Naya, Juanaw, ist'ta, taqi ukanak uñjarakta. Ukanak ist'asa, uñjasasti, uñacht'aykitu uka angelan nayraqataparuw jupar yupaychañatak killt'asta.

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.

Apocalipsis 3:14

“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa:

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa:

Apocalipsis 4:5

Uka qhapaq qunuñatsti uxutanakampi, lliju llijunakampi, q'ixu q'ixunakampiw mistunïna, uka qunuñ nayraqatansti paqallqu nina wiyanakaw aqarakïna, ukanakasti Diosan paqallqu ajayupawa.

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.

Apocalipsis 5:6

Ukatsti qhapaq qunuñ jak'an mä Cordero uñjta. Uka Corderosti, kharinukutäkaspa ukhamaw sayt'atäskäna, uka pusi jakaskirinakampi, pä tunka pusin jilïrinakampi muyuntata. Paqallqu waxranïnwa, nayranakapas paqallqurakïnwa. Uka paqallqu nayranakasti Diosan paqallqu ajayuparakïnwa, uraqpachar khithanitäki ukanaka.

Apocalipsis 8:2

Ukatsti paqallqu angelanakar Diosan nayraqatapankaskir uñjarakta, jupanakarusti paqallqu trompetanakaw churasïna.