Apocalipsis 1:16 - Qullan Arunaka DC

¹⁶ Kupi amparapansti paqallqu warawaranakaw utjäna, lakapatsti purapar arini espadarakiw mistusinkäna. Ajanupasti intin wali qhant'atapjamänwa.

Aymar Bibliia 1986

¹⁶ Cupi amparapansti pakallko warawaranacaw utjäna, lacapatsti purapar arini mä espadaraquiw mistusincäna; ajanupasti intejj wal khant'quis uqhamänwa.

Qullan Arunaca

¹⁶ Cupi amparapansti pakallko warawaranacaw utjäna, lacapatsti purapar arini mä espadaraquiw mistusincäna; ajanupasti intejj wal khant'quis uqhamänwa.

Apocalipsis 1:16 Jak'a apnaqawi uñst'ayäwi

Job 38:7

¡Jumax janiw ukankkäyätati, qhanjtanir warawaranakan q'uchuñapkama, alaxpacha angelanakaxan kusisiñapkamaxa!

Salmos 45:3

3 (4) Jan axsarir jaqi, espadam wak'ar uskuntasim, ukaw k'achachirimaxa, ukarakiw jach'añchirimasa.

Cantar de los cantares 6:10

¿Khitirak akasti willjta qhanjam uñstanisti? Phaxsir uñtat wali jiwakiwa, intir uñtat sum k'ajkiriwa, ¡warawaranakar uñtat sumapuniwa!

Isaías 11:4

Aynacht'atanakarux chiqa luräwimpiw uñjani, t'aqhin jakirinakarux arxatarakiniwa. Qhuru jaqinakarux mutuyaniwa, jan wali jaqinakarux jiwarayaniwa. Arunakapax mä kamachïkaspas ukhamäniwa.

Isaías 24:23

Kunapachatix taqi ch'aman Tatitux reyjama taqi kunsa lurkan ukkhaxa, Sión qullunsa, Jerusalén markansa, intis phaxsis ch'amakt'aniwa, markapankir jilïrinakasti, Tatitun qhapaq kankañap uñjapxani.

Isaías 49:2

Arunakaxsti mä ari espadäkaspas ukham tukuyi, amparapampiw imxatt'itu, mä ari mich'jam tukuyitu, mich'i imasiñaparuw imasxarakitu.

Daniel (hebreo) 12:3

Yatiñani jaqinakasti, waljaniru chiqa thakhinjam irpirinakasti, alaxpach qhanjamaw k'ajapxani; ¡warawaranakjamaw wiñayatak k'ajapxarakini!

Daniel (hebreo) 8:10

Sinti jilantatapatsti, alaxpach warawaranakkamaw purïna, uka warawaranaksti williranïnwa, takisirakïnwa,

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Mateo 17:2

Ukansti Jesusax jupanak nayraqatan qhankiriw tukuwayäna. Ajanupasti intjamaw k'ajäna, isipasti wali janq'ururakiw tukuwayäna.

Hechos 26:13

Agripa reyixay, thakhinjam sarkasinsti, chika urükipan mä jach'a qhanax alaxpachat qhant'anitu. Uka qhanasti intit sipan juk'amp jilt'atänwa, uka qhanaw nayar muyuntitu, nayamp chik saririnakarus muyuntaraki.

Efesios 6:17

Qhispiyasiñasti mä cascor uñtat p'iqir asxatasiñatakïpan, Diosan arupasti Qullan Ajayun churat mä espadar uñtatäpan.

Hebreos 4:12

Diosan arupax jakaskiriwa, ch'amanirakiwa. Purapar arini espadat sipan juk'ampi ariwa, ukasti jaqin ajayupkama, ch'akhapkama, parpapkama purir aruwa; lup'ïwinaksa, chuyma manqhan amtäwinaksa qhanstayiwa.

Apocalipsis 1:20

Kupi amparaxan paqallqu warawaranak jumax uñjktas ukampi, qurit lurat paqallqu candelerompix akawa: paqallqu warawarax paqallqu iglesian angelanakapawa; paqallqu candelerosti paqallqu iglesianakarakiwa” sasa.

Apocalipsis 10:1

Ukatsti ch'aman kankañan yaqha angelaruw uñjta, alaxpachat qinayan llawuntat saraqasinkiri; p'iqipxansti mä kürmiw utjäna, ajanupax intir uñtataw qhanäna, kayunakapasti nina lawranakar uñtatänwa.

Apocalipsis 12:1

Alaxpachansti mä jach'a chimpuw uñstäna: mä warmiw intin llawuntat uñstäna, phaxsisti kayunakapankänwa, p'iqiparusti mä pillumpi asxatatänwa, uka pillunsti tunka payan warawaranakaw utjäna.

Apocalipsis 19:15

Lakapatsti mä ari espadaw mistüna markanakar ukampi chhuxriñchjañataki. Uka markanakarusti wali qhuru kankañampiw apnaqani. Jupa pachparakiw vino ch'irwsuñatak uvanak takirani, ukasti taqi ch'aman Diosan q'apisiñapawa.

Apocalipsis 19:21

Mayninakasti janq'u caballonin lakapat mistkän uka espadampi jiwarayataw uñjasipxäna, taqi jamach'inakasti uka aychanakampiw sisarapxarakïna.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa:

Apocalipsis 2:12

“Pérgamo iglesiankir angelarux qillqarakim: ‘Khititix purapar arini espada ayt'atäki ukax akham siwa:

Apocalipsis 2:16

Ukhamasti, Diosar kutikipstam, jan ukasti, nayax mäkiw juman ukar jutä, ukatsti jupanakampix lakaxat mistki uka espadampiw nuwasï.

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.

Jueces 3:16

Ehud chachasti pä arini espada lurasitayna, ukasti niya chika metronïnwa, ukatsti isipa manqharuw kupi tuqi charaparu uchasiwayäna;

Jueces 5:31

“¡Tatay, taqpach uñisirinakamax ukham tukjatäpxpan, jumar munirinakasti qhanapxpan, kunjämtix intix chika urun qhanki ukhama!” Uka qhipatsti uka uraqinxa, pusi tunka maraw samarañax utjäna.