Apocalipsis 1:13 - Qullan Arunaka DC

¹³ uka paqallqu candeleronak taypinsti mä jaqjam uñjta, niyas Jaqin Yuqapar uñtata, isipasti kayukamänwa, jaraphipäki ukkharusti quri wak'ampi wak'antata.

Aymar Bibliia 1986

¹³ Uca candelabronac taypinsti mä jakjam uñjaracta, niyas Jaken Yokapar uñtata. Isipasti cayucamänwa, pechopäqui ucqharusti mä kori cinturonampi muytata.

Qullan Arunaca

¹³ Uca candelabronac taypinsti mä jakjam uñjaracta, niyas Jaken Yokapar uñtata. Isipasti cayucamänwa, pechopäqui ucqharusti mä kori cinturonampi muytata.

Apocalipsis 1:13 Jak'a apnaqawi uñst'ayäwi

Éxodo 39:5

Efod isxaru chint'asiñ wak'asti, qurita, wila morado telata, wila telata, lino k'anthita telat luratänwa; kunjämtix Tatitux Moisesar siskatayna ukhamarjama.

Isaías 11:5

Chiqapar uñjañampi, chiqa kankañampi isthapitäniwa.

Daniel (hebreo) 10:16

Ukatsti akatjamat jaqin yuqapar uñtatax nayar lakaxat llamkt'itu. Ukat khititix nayraqataxankkäna ukaruw sarakta: ‘Tata, aka unañchäwi uñjataxax wal llakisiyitu, jan ch'aman tukuyarakitu.

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Daniel (hebreo) 7:9

“Nayasti uñch'ukiskakïyätwa, reyi qunuñanak uchapxäna, ukatsti mä chuyman jaqiw qunt'asirakïna. Isipax khunjam janq'ünwa, ñik'utanakapasti t'axsit t'awrjamarakïnwa. Qunuñapasa, uka qunuñan muyurinakapas nina lawrakamakïnwa.

Levítico 8:7

Ukatsti Aaronarux sacerdote isimpiw isintayäna, mä wak'ampiw wak't'ayarakïna. Ukxarusti túnica sat isimpiw uskuntäna, uka patxarux pectoral sat isimpiw isintayäna, pachpa pectoralan chint'añapampiw uka túnica chint'arakïna.

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.

Apocalipsis 14:14

Ukatsti uñtasin mä janq'u qinay uñjta, uka qinayxansti mayniw qunt'atäskäna, jupasti Jaqin Yuqapar uñtatänwa. P'iqiparux quri pillumpi asxatatänwa, amparaparusti yawiñ ayt'atarakïnwa, uka yawiñasti wali arïnwa.

Apocalipsis 15:6

Uka qullan utjäwitsti paqallqu angelanakaw mistunïna, paqallqu mutuyäwinakas apt'ata. Uka angelanakasti suma q'uma qhankir lino isinakampi isthapitänwa, quri wak'anakampi wak'antatarakïnwa.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa: