2 Samuel 9:7 - Qullan Arunaka DC

⁷ Davidasti sarakïnwa: —Jan axsaramti, nayax Jonatán awkimat amtasitax laykuw jumarux wali sum uñjäma. Saúl achachilaman uraqinakap taqpach kuttayxäma, jichhat uksarusti naya chikapuniw manq'äwixan manq'asirakïta —sasa.

Aymar Bibliia 1986

⁷ Davidasti saraquïnwa: —Jan ajjsaramti, nayajj jumarojj wali sum uñjäma, Jonatán awquimat amtasitajj laycu. Saúl achachilaman orakenacapsti takwa cuttayayjjäma, ucatsti naya chicapuniw mesajjan mank'asiraquïta.

Qullan Arunaca

⁷ Davidasti saraquïnwa: —Jan ajjsaramti, nayajj jumarojj wali sum uñjäma, Jonatán awquimat amtasitajj laycu. Saúl achachilaman orakenacapsti takwa cuttayayjjäma, ucatsti naya chicapuniw mesajjan mank'asiraquïta.

2 Samuel 9:7 Jak'a apnaqawi uñst'ayäwi

Génesis 43:18

Ukampis jupanakax Josean utapar irpat uñjasisinxa, wal mulljasipxäna, ukatsti jupanakkamaw sasipxarakïna: —¡Akax janiw ukhamakïkiti! Kuna qullqtix nayrïr kutix costalanakasar uchapkatayna uka tumpampiw aka jaqix utapar irpanistu. Jichhax jutasin nuwjistaniwa, ukatsti t'aqhisiyat jaqirjamaw irnaqayistani, ukhamarak uywanakasarusa —sasa.

Génesis 43:23

Uka jilïr jaqisti sarakïnwa: —Suyt'apxakim, jan llakisipxamti. Jumanakampina, awkimampin Diosapaw uka qullqxa costalanakamar uchpacha, nayasti kuntix jumanakax churapkatäta uka qullqxa katuqtwa —sasa. Jilïr jaqisti Simeonaruw irpsuwayäna, ukatsti kawkhankkäntix jilanakapax ukkharuw irpäna.

2 Samuel 12:8

uywiriman jach'a utapampi, ukan utjir warminakapampi chursma, ukhamarus Israelana, Judá markan apnaqäwipampi churaraksma. Ukax juk'akïchisapän ukasti, juk'amp yänak yapt'iriskasamäna.

2 Samuel 19:28

28 (29) Awkixan wila masinakapax juma nayraqatan jiwarayatäñap wakiskchïn ukasa, nayarux jumamp chik manq'äwiman manq'asiñatakiw jawsayistaxa. Jichhasti, ¿kunat juk'ampirak juma reyit mayirismasti? —sasa.

2 Samuel 19:29

29 (30) Reyisti sarakïnwa: —Janiw jichhax kuna parlañas utjkxiti. Nayax niy saraktwa, Saúl reyinkkän uka uraqinakxa, jumampi, Sibampiw jaljasipxäta —sasa.

2 Samuel 19:33

33 (34) Reyisti Barzilai jaqirux sänwa: —Nayamp chika Jerusalén markar sarxam, ukan nayax jumar uñjäma —sasa.

2 Samuel 21:7

chuymapan Mefi-bóset chachat khuyapt'ayaskchïn ukasa, Tatit nayraqatan mä juramento Jonatanampi lurapxatap layku, uka chachax Jonatanan yuqapänwa, Saúl reyin allchhiparakïnwa

2 Samuel 9:1

Mä urusti, Davidax yanapirinakaparuw jiskt'äna: “¿Saúl reyin wila masinakapat maynis jakaskiti, nayan Jonatanat amtasisa yanapt'añaxataki?” sasa.

2 Samuel 9:10

Ukhamasti, jumampi, wawanakamampi, uywatanakamampix jupatakiw jichhax yapucharapipxäta, kunatix achkani ukanaksti sum imarapipxäta, ukhamat uywiriman utapan manq'ax jan pist'añapataki, Mefi-bóset allchhipax nayamp chika manq'äwixan manq'kchini ukasa —sasa.

2 Samuel 9:11

Sibá jaqix tunka phisqan yuqani, pä tunka uywatanïnwa, reyirusti akham säna: —Reyixay, taqi kuntix siskista ukarjamaw naya uywatamax phuqhä —sasa. Mefi-bosetasti Davidan manq'äwipatpun manq'asïna, reyin mayni wawapäkaspas ukhama.

2 Samuel 9:13

Ukampis Mefi-bosetax purap kayut suchütap laykux Jerusalenan jakäna, David reyimpipuniw manq'asirakïna.

2 Samuel 9:3

Ukat reyix jiskt'arakïna: —¿Saúl reyin wila masinakapat maynis jakaskiti, ukhamat Diosan sutipxar kunampis nayan yanapt'añaxataki? —sasa. Sibá jaqisti ukxaruw sarakïna: —Jonatanan mä yuqapaw jakaski, jupasti purap kayut suchuptatawa —sasa. Reyix jiskt'askakïnwa:

1 Reyes 2:7

Galaad chiqankir Barzilai jaqin wawanakaparusti suma chuymampiw uñjäta, manq'añamatsa manq'ayätawa, nayax Absalón jilamat jaltkäyäta ukapachax, jupanakaw yanapt'apxitu.

2 Reyes 25:29

Ukhamat Joaquín chachax carcelan uchasiñ isipa apsusxäna, ukat uksar jakäwipansti reyimp chikaw manq'asïna.

Salmos 41:9

9 (10) Nayan munat masixamppacha, khitirutix alkataskäyät ukamppacha, khititix nayamp manq'kän ukamppachaw nayarux ch'uxña luritu.

Jeremías 52:33

Ukhamasti Joaquín reyix carcelankañ isipxa apsusxänwa, ukatsti reyimpi chikarakiw manq'asxäna taqi urunakapana.

Zacarías 7:9

“Aksti nayaw arsta: Jumanakasti taripañanakamanxa chiqäpxapunim, maynit maynikam munasirïpxam, khuyapayasirïpxarakim.

Mateo 6:11

Sapüruy manq'añ churanipxita.

Lucas 22:30

qhapaq markaxansti, jumanakax nayan manq'añaxat manq'apxäta, umapxarakïta, ukatsti Israelan tunka payan ayllupar taripañatakiw qunt'asipxarakïta.”

Apocalipsis 3:20

Uñtam, nayax punkunkasktwa, jawsaskaraktwa; khititix nayan aruxa ist'asin jist'aritanixa, nayax jupan ukaruw mantä, jupampiw manq'asirakï.

1 Samuel 12:24

Jumanakax Tatiturukiw axsartapxañama, juparukiw chiqpach taqi chuymampi yupaychapxañama, jumanak layku muspharkañanak luratapata.

1 Samuel 20:15

wila masixar khuyapt'ayañ janipun armasimti. ¡Tatituy uñisirinakamarux luräwinakapat wayt'pan, jan mayampitak jupanakar tukjarakpan! —sasa. Ukhamwa Jonatanampi Davidampix mä amtäwir mantapxäna.

1 Samuel 22:23

Ukampis nayampi chika qhiparam, janirak axsaramti, jumar jiwayañ munirix nayarus jiwayañ munarakitu. Ukampis nayampïsax janiw kunas kamachkätamti —sasa.