2 Samuel 8:4 - Qullan Arunaka DC

⁴ Atipjasinsti Davidax waranqa paqallq patakan caballería soldadonak katuntanïna, pä tunka waranqa kayuk sarantir soldadonakampi; carronak qatatir caballonakat taqpacharuw kayunakap q'ala p'akiranïna, patak caballonakak jilt'ayanxäna.

Aymar Bibliia 1986

⁴ Jupanacatsti Davidajj waranka pakallk patacani caballería soldadonac apakanïna, pä tunca waranka infantería soldadonacampi; uqhamarusa caballonacan cayunacapsti k'alwa p'aquiraniraquïna, pataca caballonacaqui carronacapataqui jilt'ayanjjäna.

Qullan Arunaca

⁴ Jupanacatsti Davidajj waranka pakallk patacani caballería soldadonac apakanïna, pä tunca waranka infantería soldadonacampi; uqhamarusa caballonacan cayunacapsti k'alwa p'aquiraniraquïna, pataca caballonacaqui carronacapataqui jilt'ayanjjäna.

2 Samuel 8:4 Jak'a apnaqawi uñst'ayäwi

Génesis 49:6

¡Janipuniw kunäkipansa jupanakamp chik sarnaqañ munkti! Q'apisiñapan jaqinak jiwarayapxäna, munañanakapampikiw vacanakan kayunakapsa p'akirawayapxäna.

1 Reyes 10:26

Salomonax carronakampi, caballonakat sarir jaqinakamp tantachäna. Jupax waranqa pusi patakan carronïnwa, caballot sarir jaqinakapasti tunka payan waranqanïnwa. Yaqhipanakax nuwasïwir sarañ carronaka uchaña cuartelanakankänwa, mayninakasti Jerusalenan reyir uñjiritak uchatänwa.

1 Crónicas 18:4

Jupanakatsti, Davidax waranqa nuwasiñ carronak katuntasïna, paqallq waranqa caballería soldadonaka, pä tunka waranqa kayuk sarantir soldadonak katuräna; ukhamarus nuwasiñ carronakankir caballonakapan kayunakap p'akiräna, ukampis kawkïr caballonakatix patak carrotakjamäki ukanakak jan kamachkänsa.

Salmos 20:7

7 (8) Yaqhipanakax nuwasiñ carronakanïpxiwa, yaqhanakasti walja caballonakanïpxiwa; jiwasanakasti Tatit Diosasan yanapt'apanïtanwa.

Deuteronomio 17:16

Ajllitäkani uka reyisti janiw walja caballonak alañapäkiti, janirakiw jaqinaksa Egipto markar khithañapäkiti caballeriap yapxatañatakixa; Tatitusti jumanakarux sapxtamwa: ‘Jan mayampis uka thakhinjam kuttapxamti’ sasa.

Josué 11:6

Ukampis Tatitux Josué chacharux sänwa: “Jan jupanakarux axsaramti, nayaw qharüru aka pacharux jupanak jumanak nayraqatan jiwarat uñjasiyä. Jumasti caballonakapan kayunakap p'akiräta, nuwasiñ carronakapsa ninampirakiw phichkatäta” sasa.

Josué 11:9

Josué chachax Tatitun arsutaparjamaw phuqhäna, uñisirin caballonakapan kayunakap p'akiräna, nuwasiñ carronakapsa phichhantarakïnwa.