2 Samuel 8:2 - Qullan Arunaka DC

² Moabita jaqinakarux atipjarakïnwa, ukatsti uraqir siqiki liwirtayasaw jupanakar mä ch'ankhampi tupt'äna, khitinakatix pä tupu taypinkapkän ukanakarux jiwayänwa, mä tupu taypinkirinakarusti jakayänwa. Ukhamaw moabita jaqinakax Davidan apnaqat uñjasipxäna, qullqsa churapxarakïna.

Aymar Bibliia 1986

² Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

Qullan Arunaca

² Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

2 Samuel 8:2 Jak'a apnaqawi uñst'ayäwi

2 Samuel 12:31

uka markan qhiparir jaqinakarusti, ananukusin wali ch'ama lurañanakan jupanakar irnaqayäna, serruchonakampi, piconakampi, hierro hachanakampi, ukatsti ladrillo lurañ hornonakan jupanakar irnaqayäna. Uka pachparak taqi amonita markanakarux luräna, ukatsti taqi soldadonakapampiw Jerusalén markarux kuttanxäna.

2 Samuel 8:6

Ukatsti Davidax Siria tuqin jank'akiw Damasco markarux uñjirinak uskurakïna, sirio jaqinakasti Davidan apnaqataw uñjasipxäna, juparuw qullqsa churapxarakïna. Tatitux Davidar ukham atipjayäna, kawkharutix sarkäna uka chiqanakana.

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

2 Reyes 1:1

Ahab reyin jiwxatap qhipatsti, Ocozías sat yuqapaw Israel marka apnaqxäna, ukapachasti Moab markax Israel markatakiw sayt'asïna.

2 Reyes 17:3

Ukatsti, Asiriankir Salmanasar reyiw jutasin Oseas reyir nuwantäna, juparusti atipjänwa, ukatsti qullqi churañapatakiw wayt'äna.

1 Crónicas 18:2

Moabitanakarus atipjänwa, jupanakax ukhamaw Davidan apnaqat uñjasipxäna, qullqsa juparuw churapxarakïna.

2 Crónicas 26:8

Amonita jaqinakax Ozías reyiruw qullqi churapxäna, jupan aytat kankañapax Egipto qurpakamaw purïna, jupan munañani kankañapax jilxatatap layku.

Salmos 108:9

9 (10) Moab uraqix jariqasiñ llataxawa, Edom uraqiruw wiskhunakax liwnuqä; ¡filisteonakar atipjasin q'uchü!” sasa.

Salmos 18:45

45 (46) yaqha markankirinakax llajllasipxiwa, khathatt'asisaw imantasïwipat mistunipxi.

Salmos 60:10

10 (12) Diosay, jumax apanukupxistawa, nuwasir tamaxampi chikax janiw mistkxtati.

Salmos 60:8

8 (10) Moab uraqix jarisiñ llataxawa; Edom uraq patxaruw wiskhunakax uchasï; ¡Filisteo jaqinakar atipjataxat arnaqasï!” sasa.

Salmos 83:6

6 (7) Edom, Ismael, Moab, Agar ukanakan wawanakapa,

Isaías 36:16

juparux jan ist'apxamti. Asiriankir reyix jumanakampi sumar mantiriw khithanitu, ukatsti atipjayasxapxam, ukhamat sapa maynis uva yapunakamata, higo quqanakamatsa manq'asisipkäta, ukhamarak pachpa uma phuch'umatsa umasisipkäta.

Números 24:17

Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.

1 Samuel 10:27

Ukampis jan wali parliri jaqinakax utjapunïnwa, jupanakasti sapxarakïnwa: “¿Jupat qhispiypachïstani?” sasa. Juparux wal jisk'achapxäna, janirakiw reyirjamas yäqapkänti; ukampis Saulux jan ist'iriw tuküna.

1 Samuel 14:47

Ukhamaw Saúl reyix Israel marka apnaqäna, ukatsti taqi chiqan uñisirinakapampix nuwasïna, uñisirinakapasti: Moab, Amón, Edom, Sobá markan reyipa, filisteonaka ukanakänwa. Kawkirutix sarkäna ukkhansti atipjakipunïnwa.

1 Samuel 22:3

Uka chiqatsti Davidax Moab tuqina Mispá siski ukkharuw sarxäna. Ukat Moab uraqin reyiparux sarakïna: —Awkixampiru, taykaxampirux jumanakampi qhiparañapatakiy katuqt'arapita, kuntix Diosax nayampi lurañ munki uk yatisiñaxkama —sasa.

1 Samuel 22:4

Ukhamaw Davidax awkiparu, taykaparux Moab reyin ukaru irpxäna. Jupanakasti uka reyimpiw jakapxarakïna, Davidax imantaskäna taqi uka urunakana.