2 Samuel 7:7 - Qullan Arunaka DC

⁷ Taqi uka maranak jupanakamp sarnaqasasti, janipuniw nayax jupanakat khiti jilïr irpirinakaparusa, Israel markaxar apnaqañapatak utt'aykta ukanakarux maykti, cedro lawat mä uta nayatak utachañapataki.’

Aymar Bibliia 1986

⁷ Take uca maranaca jupanacampi sarnakasasti, janipuniw jupanacat cawquïr jilïr irpirinacaparus maycti, qhitinacarutejj nayajj Israel marca apnakapjjañapataqui utt'aycta ucanacarusa, cedro maderat mä templo utacharapipjjeta” sasajja.

Qullan Arunaca

⁷ Take uca maranaca jupanacampi sarnakasasti, janipuniw jupanacat cawquïr jilïr irpirinacaparus maycti, qhitinacarutejj nayajj Israel marca apnakapjjañapataqui utt'aycta ucanacarusa, cedro maderat mä templo utacharapipjjeta’ sasajja.

2 Samuel 7:7 Jak'a apnaqawi uñst'ayäwi

2 Samuel 5:2

chiqpachansa Saúl reyix nanakan reyixäkchïna ukasa, jumaw Israel markarux nuwasïwinakapan sarayaskäyätaxa. Ukhamarus Tatitux jumaruw arsuwaytam Israel markapar sarayañamataki, apnaqañamatakiraki” sasa.

1 Crónicas 11:2

chiqpachansa Saúl chachax reyikchïna ukasa, jumaw Israel markan irpiripäyäta. Ukhamarus Tatitu Diosamaw saraktam, jumaw Israel markapar irpäta, apnaqarakïta” sasa.

1 Crónicas 17:6

Jupanakamp sarnaqkäyät ukkhasti, janipuniw jilïrinakamar maykti, kawkïr irpirinakarutix markaxar apaqañapatak uchkäyät jupanakarux cedro lawat mä uta lurarapit sasaxa.’

Isaías 40:11

Kunjämatix mä awatirix ovejanakap sum uñjasixa, ukhamarakiw jupax amparapar ovejanak ichxart'asi, jichha wawachat ovej qallunakarus sum uñjaraki.

Isaías 66:1

Tatitux siwa: “Alaxpachax nayan qunuñaxawa, uraqisti kayunakaxan takt'añapawa. Nayan samart'añaxatakix janiw khitis mä uta nayatak lurkaspati.

Jeremías 23:4

Awatirinak jupanakar awatiñapatak uskurapï, jan kunsa axsarapxañapataki, janirak maynis chhaqhañapataki. Naya, Tatituw uk arsta.”

Jeremías 3:15

Kawkïr marka apnaqirinakatix nayatakjamäkani ukanak churarakï, ukanakasti ch'ikhi kankañampiw apnaqapxätam, suma amuyt'a chuymampiraki.

Ezequiel 34:15

Naya kipkaw ovejanakaxan awatiripäyä, naya kipkarakiw jupanakar samart'ayir irpxä. Naya, Tatituw uk arsta.

Ezequiel 34:2

“Jumasti Ezequiel, Israel markan jan wali awatirinakapatak nayan sutixampi aka arunak parlam, jupanakarusti sarakim: ‘¡Ay kunakïkani Israel markar awatirinakatakixa, jupanakpachakiw sum uñjasipxi! Uka awatirinakax oveja tamanak awatipxañapawa.

Ezequiel 34:23

David luqtirixaruw kuttayanxä, jupa saparukiw ovejanakaxa awatiñapatakix uskt'ä, jupaw uñjani. Jupaw awatiripäni.

Miqueas 5:4

4 (3) Reyisti markapar awatiñatakiw sartani, Dios Tatitupan ch'amapampi, jach'a kankañapampiw awatini. Jupanakasti samart'atarakiw jakasxapxani, Tatitux taqi akapachan jach'ar aptatätap layku.

Mateo 2:6

‘Judea uraqinkir Belén marka, wali aytat markanak taypinxa, janiw sinti jisk'äktati; jumat mä jilïrix mistuni, jupaw Israel markaxarux irpani’ sasa.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

Hechos 21:28

jach'at arnaqasisa: “¡Israelitanaka, yanapt'apxita! ¡Aka jaqiw taqi chiqan markasataki, Moisesan kamachipataki, Tatitun utapatak jan walinak yatichas sarnaqi! Jichhasti jan judío jaqinakaruw Tatitun utapar irpantaniraki, qullan Chiqäwja q'añuchayasa” sasa.

Deuteronomio 23:14

14 (15) Jumanakan Tatit Diosamax jumanak taypin campamenton sarnaqi, jumanakar imañataki, ukhamat uñisirinakamar atipjayañataki, ukhamasti, jumanakan campamentomax qullan chiqäñapawa, ukhamat jan kuna q'añunak Diosan uñjañapataki; janitix ukhamäkaspa ukasti, Diosax janiw jumanakampïkaspati.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.