2 Samuel 7:20 - Qullan Arunaka DC

²⁰ ¿Kunat juk'ampirak sirisma? Tatituxay, jumaw aka luqtirimar sum uñt'taxa.

Aymar Bibliia 1986

²⁰ ¿Cunampiraqui jichhasti säma, Tatitu, jumatejj aca sirvirimarojj suma uñt'sta ucapachasti?

Qullan Arunaca

²⁰ ¿Cunampiraqui jichhasti säma, Tatitu, jumatejj aca sirvirimarojj suma uñt'sta ucapachasti?

2 Samuel 7:20 Jak'a apnaqawi uñst'ayäwi

Génesis 18:19

Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa.

1 Crónicas 17:18

¿Naya luqtirimar jach'ar aptatamatsti kamsarakirismasti? Jumax luqtirimarux sum uñt'taxa.

Salmos 139:1

Tatay, jumaw uñakipista, ukat nayarux sum uñt'ista;

Juan 2:25

Janiw jupax uka jaqinakat khitin arsuñapas wakiskänti, jan ukasti jupa pachpaw jaqin chuymap uñt'äna.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

Josué 5:14

Uka chachasti sänwa: —Janiw kawkirïktsa. Nayax Tatitun ejercitopan jilïripätwa, ukat jutta —sasa. Ukat Josué chachax p'iqip uraqir puriyañkam alt'äna, juparusti jiskt'arakïnwa: —¿Kamsis Tatituxax naya luqtiripatakixa? —sasa.

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.