2 Samuel 5:9 - Qullan Arunaka DC

⁹ Uka qhipatsti Davidax suma utt'ayat markan utjantasïna, ukarusti “Davidan Markapa” sasaw sutichäna, ukatsti uka markarux anqa thakhita, reyin utapkam pirqanakampiw uyuchrantayäna.

Aymar Bibliia 1986

⁹ Uca khepatsti Davidajj uca sayt'asiña chekaruw utjantasïna, ucatsti Davidan Marcapa sasaw suticharaquïna. Ucat uca marcarojj mä jach'a perkampiw muyuntayaraquïna, Milo sisqui uca chekata, palaciocama.

Qullan Arunaca

⁹ Uca khepatsti Davidajj uca sayt'asiña chekaruw utjantasïna, ucatsti Davidan Marcapa sasaw suticharaquïna. Ucat uca marcarojj mä jach'a perkampiw muyuntayaraquïna, Milo sisqui uca chekata, palaciocama.

2 Samuel 5:9 Jak'a apnaqawi uñst'ayäwi

2 Samuel 5:7

Ukampis, Davidax Sión suma utt'ayat marka katuntäna, jichhasti uka chiqax Davidan Markapat uñt'atawa.

2 Samuel 5:8

Uka urusti Davidax akham satayna: “¡Jebuseonakar katuntirinakax uma canalanjam mantapxpan, ukatsti juykhunakampiru, kayu wixchunakampir jiwaraypan, nayax jupanakar walpun uñista!” sasa. Ukat uka säwix utjaraki: “Janiw juykhunakasa, kayu wixchunakasa Tatitun utaparux mantkaniti.”

2 Samuel 6:10

Ukat Davidax Jerusalén markar Tatitun arcap jan apañ munkxänti, ukhamasti Gat chiqan jakir Obed-edom sat jaqin utaparuw jaytayanxäna.

1 Reyes 11:27

Jeroboam chachan reyitak sayt'asitapax akanakat utjäna: Salomonax laq'ampiw markar makhatañ phuqhantaskäna, ukatsti awkipan David Markapa pirqanakapan utjir k'ajllanak pirqantaskarakïna.

1 Reyes 2:10

Davidax jiwxänwa, juparusti nayra awkinakap jak'aruw imt'xapxäna, Davidan Markapa satäki uka markana.

1 Reyes 9:15

Salomón reyix markaparuw lurañatak wayt'äna, Tatitun utap lurayasa, jupan reyi utapa, markar makhatañapa, Jerusalenan pirqapa lurayasa, ukhamaraki Hasor, Meguido, Guézer markanak wasitat askichayasa.

1 Reyes 9:24

Faraonan phuchhapasti Davidan markapat sarxänwa, Salomonax jupataki jach'a uta lurkatayna ukaru. Ukatsti reyix inti jalsu tuqit markar makhatañatakix laq'ampiw phuqhantäna.

2 Reyes 12:20

20 (21) Mä urusti, jupan pachpa yanapirinakapaw jupatak jan wali amtasin jiwayapxäna, Bet Miló sat utana, Silá chiqaru saraqaskäna ukapacha.

2 Reyes 12:21

21 (22) Jupar jiwayapkäna uka yanapirinakasti, Simat chachan Josacar yuqapampi, Somer chachan Jozabad yuqapampïnwa. Joás reyix jiwxäna ukkhasti, Davidan Markapan jupar imt'xapxäna. Uka qhipatsti Amasías yuqapaw jupa lantix reyïxäna.

1 Crónicas 11:8

Davidasti muytpacharuw markanak sayt'ayi, laq'amp phuqhantatäki uka chiqat marka muyt'pacharu. Joab chachasti yaqhip markanak machaqat sayt'ayäna.

2 Crónicas 32:5

Ezequiasasti ch'amañchasïnwa, ukatsti markan tukjata pirqapa askichayäna, uka pirqa patxarusti pukaranak lurayäna, ukatxa anqäxan yaqha pirqampi lurayarakïna. Ukxarusti Davidan Markap thiyankki uka q'awanaksa laq'ampiw phuqhantayäna, ukatsti lanzanaka, jark'aqasiñanak waljpun lurayäna.

Nehemías 3:15

Uma Jalsu punku satäkis ukxa, Mispá suyun Colhozé apnaqiripan Salum yuqapaw askichäna, utachxatarakïna, ukatsti jach'a punkunakaparux cerrojonakampi, barranakapampiw uchantarakïna. Ukatsti Siloé uma estanquen pirqap askicharakïna, ukasti reyin panqar uyup jak'ankänwa, Davidan markapat saraqankis uka makhatañanakkama.

Salmos 122:3

Jerusalén markax suma sayt'ayatawa, wawanakapan tantachasiñapataki.

Isaías 29:1

¡Ay Jerusalén, Davidan markapa! Phunchhäwinakam lurasipkakim sapa maras lurasipkakim,

Jueces 9:20

jan ukhamäkaspa ukasti, ¡Abimélec chachat mä ninax mistpan, ukatsti Siquem, Bet-miló chiqankirinakar nakhantpan, jan ukax uka pä markanakat, ninax mistusin Abimélec chachar nakhantarakpan!” sasa.

Jueces 9:6

Uka qhipatsti Siquem chiqankiri, Bet-miló chiqankir jaqinakax, taqpachaniw Siquem chiqan utjkäna uka encina sat quqa jak'ana, axsarat qala jak'an tantacht'asipxäna, ukatsti Abimélec chacharuw reyit utt'ayapxäna.