2 Samuel 3:29 - Qullan Arunaka DC

²⁹ ¡Taqi juchas Joab jaqin p'iqipxar puriskpan, ukhamaraki taqi wila masinakapxarusa, utapansti utjapunpan wila apa usumpi t'aqhisirixa, lepra usunisa, wixchutirisa, jan ukax jaqin jiwayatasa, manq'atjam t'aqhisirisa!” sasa.

Aymar Bibliia 1986

²⁹ Take juchasti Joab jaken p'ekepjjaru puriscpan, uqhamaraqui take familiapjjarusa, utapansti utjaquipunpan maynisa wila apa usunejja, lepra usunisa, jan ucajj cojosa, jan ucasa jaken jiwayatasa, mank'ata pist'ayasiñasa” sasa.

Qullan Arunaca

²⁹ Take juchasti Joab jaken p'ekepjjaru puriscpan, uqhamaraqui take familiapjjarusa, utapansti utjaquipunpan maynisa wila apa usunejja, lepra usunisa, jan ucajj cojosa, jan ucasa jaken jiwayatasa, mank'ata pist'ayasiñasa” sasa.

2 Samuel 3:29 Jak'a apnaqawi uñst'ayäwi

2 Samuel 1:16

Davidasti sarakïnwa: —Juma pachpaw jiwañamatak juchanïsktaxa, juma pachparakiw Tatitun ajllit reyipar jiwayatamsa arsusisktaxa —sasa.

2 Samuel 16:8

¡Tatituw jumarux mutuyasktam Saúl reyin wila masinakapar jiwarayatamata, jupa lanti marka apnaqañ munatam layku! ¡Jichhasti Tatitux Absalón wawamaruw markar apnaqañam katuyxi, juman pachpa ñanqha luratamatjamaw t'aqhisiskaraktaxa, jaqi jiwayirïtam layku! —sasa.

2 Samuel 3:28

Uka qhipatsti, Davidax uk yatisin säna: “Nayampi, markaxampix Tatitu nayraqatan janiw kuna juchanïpktsa, Ner jaqin Abner yuqapan jiwatapatxa.

2 Reyes 5:1

Mä chachaw utjäna Naamán sutini, jupasti Siria marka apnaqir reyin ejercitopan jilïripänwa, ukhamarus wali aytat jaqirakïnwa, reyisti juparux wal munasïna, jupa tuqiw Tatitux Siria markar atipjayatayna. Ukampis uka chachax lepra usunïnwa.

2 Reyes 5:27

Ukhamasti, Naamán chachan churäwip katuqasitamatxa, lepra usupax jumaruw wiñayatak makhatätam, ukhamarak jumat saraqiri wawanakamarusa —sasa. Guehazí uywatasti Eliseon jak'apat mistuwayxäna, lepra ususti janchipan khunur uñtat janq'ünwa.

Salmos 7:17

17 (18) Nayasti, Tatituruw chiqapar uñjatapat jach'añchä, alaxpachankir Tatitun sutiparuw q'uchunak q'uchü.

Éxodo 21:19

chhuxriñchjirix janiw juchañchatäkaniti, chhuxriñchjat jaqitix ikiñat sartxas thujrut yanapan sarnaqxani ukkhaxa, ukampis chhuxriñchjirix usutäki ukarux qullayañapawa, usutäki uka urunakatsa qullqi churañapa.

Levítico 15:2

“Israelitanakarux akham sapxam: Kunapachatix mä chachax usutäkasin chhuxurasiñapat aliqak jathap aywiyxani ukkhax, uka jaqix q'añut uñt'atäxaniwa.

Números 35:33

“Jakapkäta uka uraqirux jan jaqi jiwayañanakamp q'añuchapxamti, jaqi jiwayañax uraqi q'añuchi, janiw kunampi kuttsuyasiñas mä jaqi jiwayatat utjkiti, jan ukasti jiwayirix jiwañapapuniwa.

Hechos 28:4

Uka wat'an jakirinakasti Pablon amparapan katari warkusir uñjasinxa, jupanak puraw sasipxäna: “Aka chachax jaqi jiwayirïpachawa, qutan jiwañat qhispinkchi ukasa, juchapat jiwañapapunïpachawa” sasa.

Deuteronomio 21:6

Ukatsti markan jilïr jaqinakapax uka jiwat vaca qallxan amparanakap jariqasipxani,

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.

Jueces 9:24

ukhamat Abimélec chachax Gedeón awkipan paqallq tunka yuqanakapa jiwarayatapata mutuyäwi katuqañapataki, ukhamaraki Siquem chiqankirinakasa yanapapxatap layku, mutuyäwi katuqapxañapataki.