2 Samuel 3:14 - Qullan Arunaka DC

¹⁴ Ukhamarus Davidax Is-bóset jaqin ukarux jaqinak khitharakïna, akham sasa: “Mical warmixar kutt'ayxita, jupampisti filisteonakan chhuxurasiñanakapat patak lip'ichinak churasaw jaqichasta” sasa.

Aymar Bibliia 1986

¹⁴ Uqhamarusa Davidajj Is-boset jaken ucarojj mayni qhitanaca qhitaraquïnwa aqham sasa: “Mical warmi catuyita, jupajj warmejjawa, jupampisti filisteonacan chhojjorasiñanacapat pataca lip'ichinac apanisaw casarasta” sasa.

Qullan Arunaca

¹⁴ Uqhamarusa Davidajj Is-boset jaken ucarojj mayni qhitanaca qhitaraquïnwa aqham sasa: “Mical warmi catuyita, jupajj warmejjawa, jupampisti filisteonacan chhojjorasiñanacapat pataca lip'ichinac apanisaw casarasta” sasa.

2 Samuel 3:14 Jak'a apnaqawi uñst'ayäwi

2 Samuel 2:10

Kunapachatix Is-bóset jaqix Israel marka apnaqañ qalltkän ukapachax, pusi tunka maranïnwa, pä marakiw apnaqawayäna. Ukampis Judá ayllunkirinakakiw Davidarux reyipat uñt'asipxäna.

2 Samuel 3:15

Mical warmix Lais chachan Paltiel yuqapampiw jakäna, Is-bóset jaqisti jupat irparanipxañapatakiw jaqinak khithäna.

2 Samuel 6:16

Tatitun arcapax Davidan Markapar purxän ukapachasti, Saúl reyin Mical sat phuchhapax ventanat uñtasinïna; David reyir Tatitun nayraqatapan t'isktiri, thuqt'iri uñjasinsti, chuymapan walpun Davidarux jisk'achäna.

Mateo 1:18

Jesusan yurïwipax akhamänwa: María taykapax Joseampi jaqichasiñatak parlatänwa; ukampis janïr chikthapkasin Qullan Ajay tuqi usur jaqiptäna.

1 Samuel 18:25

Saúl reyisti jupanakarux sarakïnwa: —Davidarux sapxam: ‘Nayax janiw phuchhax lanti kun churañapsa munkti. Jan ukasti, filisteonakan chhuxurasiñapat patak lip'ichinak apaniñapak munta. Nayax jupanakat phuqsusiñ munta’ —sasa. Chiqpachansa, Saúl reyix Davidar filisteo jaqinakan jiwayañap munäna.

1 Samuel 18:27

Davidax jaqinakapampi sarasax pä pataka filisteo chachanak jiwarayäna, ukatsti kuntix Saúl reyix maykäna uk aparapïna. Ukatsti Saúl reyix Mical sat phuchhapa Davidarux warmipäñapatak churxäna, ukhamat Davidax reyin wila masip taypinkxäna.

1 Samuel 25:44

Saúl reyisti, Davidan Mical warmipxa, Lais jaqin Paltí yuqapampi jaqichasiñapatakiw churxatayna, jupasti Galim tuqinkirïnwa.