2 Samuel 22:3 - Qullan Arunaka DC

³ Jumaw Diosaxätaxa, jumaw nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa ¡Nuwasiñanakat nayar qhispiyista!

Aymar Bibliia 1986

³ Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Qullan Arunaca

³ Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

2 Samuel 22:3 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

2 Samuel 22:31

“Tatitun thakhipax chiqapawa, Tatitun arsutanakapax taqi chuymampi iyawskayawa, ¡Tatitux jupar taqi chuymampi alkatirinakarux imaskapuniwa!

2 Samuel 22:47

“¡Tatitux jallallatäpan! ¡Arxatirixax qullanäpan! ¡Qhispiyir Diosaxax jach'añchatäpan!

2 Samuel 22:49

Jupaw timanakaxan q'apisiñapat qhispiyitu, nayar qallkatir jaqinakat antutayitu. ¡Tatay, jumaw qhuru jaqinakat qhispiyistaxa!

2 Samuel 22:51

Jumaw ajllit reyimar nuwasïwinakan atipjaytaxa; Davidampiru, wawanakapampirusti munasiñampipuniw uñjtaxa.”

2 Samuel 23:3

Israelan Diosapaw arsu; Israelar arxatiriw sarakitu: ‘Khititix jaqinakar chiqa kankañamp apnaqkani, khititix Diosar axsartas apnaqkani ukaxa,

Salmos 14:6

Jan yäqat jaqin amtäwinakapat larusipxi, ukampis Tatituw jupanakarux imaski.

Salmos 140:1

1 (2) Tatay, ñanqha lurir jaqit qhispiyita, qhuru jaqit imita,

Salmos 140:11

11 (12) K'ari jaqix uraqin jan jakpati, qhuru jaqirusti chijix arktasin jiwaypan.

Salmos 140:4

4 (5) Tatay, ñanqha lurir jaqit arxatita, qhuru jaqinakat imita, tinkuñaxatak sipitanak wakichirinakat jark'aqita.

Salmos 142:4

4 (5) Kupi tuqiruw uñtasta, janiw khitis yanapt'ir jutkituti. ¡Janiw khitis arxatkituti! ¡Janiw khitis nayat llakirix utjkiti!

Salmos 144:2

jupaw nayan aski luririxaxa, arxatirixasa, jupaw jach'a imantasiñaxaxa, qhispiyirixasa; jupaw jark'aqasiñaxasa, ukampiw imt'asta; juparakiw markanakar nayamp apnaqayirisa.

Salmos 18:2

2 (3) Jumaw arxatirixätaxa, imantasiñaxätasa, jumaw qhispiyirixätaxa, Diosaxätasa, nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa.

Salmos 27:5

Jan walt'añ urunak purinkan ukapachaxa, Tatituw utapan imantitani; ch'iwipampiw imxäsitani. ¡Mä qarqa patxarjamaw sayt'ayitani!

Salmos 28:7

Tatituw jach'a ch'aman arxatirixaxa; juparuw taqpach katuyasta, jupasti yanapt'ituwa. Chuymaxax kusisitawa, Tatituruw q'uchü, yuspagararakï.

Salmos 3:3

3 (4) Ukampis Tatay, jumaw nayan arxatirixätaxa, jumaw jach'ar aptirixätaxa, jumarakiw ch'amañchirixätasa.

Salmos 32:7

Jumaw imantasiñaxätaxa: jan walt'añanakat qhispiyista, atipjäwi q'uchunakampiw muyuntayista.

Salmos 46:1

1 (2) Diosaw imantasiñasaxa, juparakiw ch'amañchirisasa, jupaw chijinakan arxatirisaxa.

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Salmos 46:2

2 (3) Ukat jan axsarapkañäniti, uraqis khathatiskpan, qullunakas lamar qutar tinkuntaskpan,

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Salmos 5:12

12 (13) Tatay, jumaw chiqa jaqirux askinak churtaxa, khuyapayasiñamax jark'aqasiñar uñtataw muyuntaski.

Salmos 55:9

9 (10) Tatay, jupanakarux tukjam, amtäwinakapsa t'unjam, nuwasiñampi uñisisiñampik jupanak taypin uñjta,

Salmos 59:16

16 (17) Nayasti willjtaw jumarux q'uchüma; munasiñamampita, ch'amamampit yatiyä. Jumaw nayan arxatirixätaxa, jumaw llakisiñaxan imantasiñaxätaxa.

Salmos 61:3

3 (4) jumaw nayan imantasiñaxätaxa. ¡Jumaw timasirixat jark'aqir ch'aman pukarätaxa!

Salmos 71:7

Waljaniw sarnaqäwixampix muspharapxäna, jumakiw nayan arxatirixätaxa.

Salmos 72:14

Jupaw t'aqhisiñ taypit waysuni, jakañanakapan jila alanïtap layku.

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Salmos 84:9

9 (10) Nanakar arxatir Diosay, juman ajllit reyirux khuyapayasiñampiy uñtanim.

Salmos 86:14

Diosaxay, jach'a jach'a tukurinakaw nayatak sartapxi, qhuru jaqinakaw nayar jiwayañatak thaqhapxitu, janiw jumarus axsarapktamti.

Salmos 9:10

10 (11) Tatay, jumar uñt'irinakax jumaruw katuyasipxtam, jumar thaqhirinakarus janipuniw apanukktati.

Salmos 9:9

9 (10) T'aqhisiyat jaqinakarux Tatituw arxataski, jupaw llakisiñ pachanakan imaski.

Éxodo 15:2

Q'uchuxax Tatitutakiwa, jupaw ch'amañchirixaxa, qhispiyirixasa. Jupaw Diosaxaxa, juparuw yupaycharakï; jupaw awkixan Diosapaxa, juparuw jach'añcharakï.

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Proverbios 30:5

Tatitux jupar iyawsirinakarux imiwa; jupan arsutanakapasti chiqapawa.

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Isaías 32:2

Uñisirinakapar arxatañatakiw sayt'asipxani, jan wali urunakat imañataki, ñanqha luräwinakat imañataki.

Isaías 45:21

Parlapxam, arsusipxarakim, munapxsta ukapachax jumanakpura jiskt'asipxam: ¿Khitis nayratpacha taqi akanak arsünxa? ¿Khitis nayra urunakatpach yatiyänxa? ¿Janit naya Tatitu ukanak lurktxa? Janiw yaqha Diosax nayat sipan utjkiti. Nayat sipan yaqha atipjiri, qhispiyiri Diosax janiw utjkiti.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 16:9

Naya, Israelan taqi ch'aman Dios Tatitupasti sistwa: Nayaw aka markan phunchhäwinaka, kusisiñanaka, jaqichasiñ q'uchunaksa q'al chhaqtayä. Taqi ukanaksti jumanak pachpaw uñjapxarakïta.

Lucas 1:47

chuymaxasti Qhispiyir Diosaxan kusisi.

Lucas 1:69

Mä ch'aman Qhispiyir khithani, David luqtiripan wawanakap taypita.

Lucas 1:71

jupaw jiwasarux timanakasat qhispiyistani, taqi khitinakatix uñisipkistu ukanakat qhispiyarakistani,

Deuteronomio 32:37

Ukat uñisirinakasarux sani: ‘¿Kawkinkarak uka diosanakamasti, iyawsapkäyäta uka arxatir diosanakasti?

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

Deuteronomio 33:29

Israel marka, kusisim; Tatit Diosam kipkaw qhispiytam, jupaw imasktam, yanapaskaraktam. ¡Jupaw atipt'ayir arxatirimaxa! Jumaw uñisirinakamarux jisk'achjäta, kayumampiw takxatarakïta” sasa.

Tito 3:4

Ukampis kunapachatix Qhispiyir Tatitux khuyapayasiñapa, munasiñapsa taqi jaqinakar uñacht'ayistuxa,

Tito 3:6

Qhispiyir Jesucristo tuqiw Diosax Qullan Ajayu jilarkir churistu,

Hebreos 2:13

Sarakiwa: “Nayax Diosaruw katuyasï” sasa. Ukatsti wasitat saskakiwa: “Akankasktwa, Diosax churkitu uka wawanakampi” sasa.

1 Samuel 2:1

Ukatsti Anax akham Tatiturux q'uchüna: “Tatay, nayasti taqi chuymaw juman kusista, jumax nayar ch'ama churatamata. Jichhakuchaw uñisirinakatakix arsusïxa, jumaw nayarux yanapt'ista uka layku. ¡Wali kusisitätwa!

1 Samuel 2:2

¡Tatay, jumjam qullanax janiw khitis utjkiti! ¡Nanakan Awkixa, jumjam arxatirix janiw khitis utjkiti! ¡Jumat juk'ampix janiw khitis utjkiti!