2 Samuel 2:18 - Qullan Arunaka DC

¹⁸ Seruiá jaqin kimsa yuqanakapax ukankapxänwa: Joab, Abisai, Asael jupanaka. Asaelax pampa tarujar uñtataw wal jalirïna,

Aymar Bibliia 1986

¹⁸ Ucancapjjaraquïnwa Sarvia jaken quimsa yokanacapajja: Joab, Abisai, Asael ucanaca. Aca khepäqui ucasti mä pampa cabritjamaw wali jaliriraquïna,

Qullan Arunaca

¹⁸ Ucancapjjaraquïnwa Sarvia jaken quimsa yokanacapajja: Joab, Abisai, Asael ucanaca. Aca khepäqui ucasti mä pampa cabritjamaw wali jaliriraquïna,

2 Samuel 2:18 Jak'a apnaqawi uñst'ayäwi

2 Samuel 1:23

“¡Saúl, Jonatán! Munat jaqinaka! Jakañansa, jiwañansa, janiw jaljtapxirïkiti. ¡Jach'a pakanakat sipan juk'amp jaltirïpxänwa! ¡Leonanakat sipan juk'amp ch'amanïpxänwa!

2 Samuel 14:1

Seruiá chachan Joab yuqapax, David reyin Absalón yuqapat llakisitap yatïna,

2 Samuel 2:19

jupasti Abneraruw arktäna, jan kawksarus jaltxañapataki.

2 Samuel 22:34

tarujan kayunakapjam jaltir kayunak churitu, alax chiqawjanakan kayunakaxar sum thuruñchitu,

2 Samuel 23:24

Uka kimsa tunka jan axsarir chachanak taypinsti akanakaw jikxatasïna: Asael, Joab chachan jilapa; Elhanán, Belenankiri Dodó jaqin yuqapa;

1 Reyes 2:5

“Ukhamarusa, jumax sum yattaxa, kuntix Seruiá jaqin Joab yuqapax lurkitu ukxa, Joab jilïrix Ner jaqin Abner yuqaparuw jiwayäna, Jéter jaqin Amasá yuqaparus jiwayarakïnwa. Uka pani jaqisti Israel ejerciton jilïrinakapänwa, ukampis Joab chachax sumankañ urunakan jupanakar jiwayäna, nuwasïwin jiwayatanakat phuqsusiñataki. Uka jiwayatanakatsti nayarukiw juchañchitu.

1 Crónicas 11:26

Jan axsarir chachanakax akanakänwa: Asael, Joab chachan jilapa; Elhanán, Belenankir Dodó chachan yuqapa;

1 Crónicas 12:8

8 (9) Gad ayllunkirit yaqhipanakax Davidaruw jaqkattapxäna, jupax wasaran utjki uka imantasiñ chiqankkän ukkha. Jupanakax jan axsarir nuwasirinakänwa, nuwasiñatakis suma yatichata, jark'aqasiña, lanza apnaqañatakis wakicht'atäpxänwa. Uñnaqanakapas leonanakar uñtatänwa, tarujanakjamaw qullunakan jalnaqapxäna.

1 Crónicas 12:9

9 (10) Jupanakasti: Éser, jupax nayrirïnwa; payïrix Abdías; kimsïrix Eliab;

1 Crónicas 27:7

Pusïr tamarux pusïr phaxsin uñjañax wakt'äna: jilïripax Asael chachänwa, jupax Joab chachan jilapänwa. Jupa lantisti Zebadías yuqapäxänwa.

Salmos 18:33

33 (34) jupaw tarujan kayupjam jaltir kayunak churitu, alax chiqawjanakan kayunakaxar sum thuruñcharakitu,

Eclesiastés 9:11

Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i.

Cantar de los cantares 2:17

Nayan munasitaxay, uru janïr tukuskipana, janïr chhapthapkipan kutt'anxam; tarujar uñtata, taruj qallur uñtatay, quntu patanakanjam t'iskunxam.

Cantar de los cantares 8:14

¡Munasitaxay, jank'akiy jalanim, mä tarujar uñtat jaltanim, taruj qallur uñtat t'ijtanim! Qullu patanakax suma q'apkir alinakampi phuqhantatäxiwa.

Amós 2:14

Qawqhsa jaltasipkätawa, janiw atipapkätati; wali ch'aman jaqirusa ch'amax pist'aniwa, ch'amamp atipt'irïki uka jaqis qhispkaniti.

Habacuc 3:19

Tatitukiw ch'am churitu, kayunakaxarusti tarujan t'ijtañap churitu, alay chiqanakanjamarak irpitu, ukan qhispitäñaxataki.

1 Samuel 26:6

Ukat Davidax Ahimélec hitita jaqimpi, Joab sata Abisai jilapampi, Seruiá jaqin yuqapäki ukanakampi parläna, jupanakarusti jiskt'arakïnwa: —¿Khitis nayamp chika Saúl reyin campamentopar sarañ muni? —sasa. Abisai jaqisti sänwa: —Nayaw jumamp chika sarä —sasa.