2 Samuel 19:1 - Qullan Arunaka DC

^1-2 1-2 (3) Jaqinakasti reyin, Absalón yuqapatjam wali jachatap ist'asinxa, Joab chachan ukaruw yatiyir sarapxäna. Ukhamaw uka urux nuwasïwin atipjañax llakisiñ urur kipstäna.

Aymar Bibliia 1986

^1-2 Jakenacasti uqham reyin, Absalón yokapat wali jachatap ist'asinsti, Joab chachan ucaruw sarapjjäna, sapjjaraquïnwa. Uqhamaw uca urojj nuwasïwin atipjañajj llaquisiñ ururu cutiquipstawayäna.

Qullan Arunaca

^1-2 Jakenacasti uqham reyin, Absalón yokapat wali jachatap ist'asinsti, Joab chachan ucaruw sarapjjäna, sapjjaraquïnwa. Uqhamaw uca urojj nuwasïwin atipjañajj llaquisiñ ururu cutiquipstawayäna.

2 Samuel 19:1 Jak'a apnaqawi uñst'ayäwi

Génesis 37:35

Yuqanakapasa, phuchhanakapas chuymachasipkarakïnwa, ukampis Jacobux janiw chuymachaskänti, jan ukasti wawapat walpun jachäna, sarakïnwa: “Wawaxat llakiskäwiw sarnaqä, jiwatanak taypin jupampi jikisiñkama” sasa.

2 Samuel 18:12

Uka jaqisti Joab chachar sarakïnwa: —Waranqa qullqi churkitasamän ukasa, janipuniw nayax reyin yuqaparux jiwaykiriskäyätti; nanakax ist'apxtwa kuntix reyix jumaru, Joabaru, Abisai jaqiru, Itai jach'a jilïrimpir sapktam ukxa, Absalonar sum uñjañataki.

2 Samuel 18:14

Joab chachasti ukxaruw sarakïna: —¡Inamayaw jumamp parlaskta! —sasa. Ukspachaw Joabax encina quqäkis ukar saräna, kawkhantix Absalonax warkusiskän ukkharu, ukatsti kimsa mich'inak katusin Absalonan chuymapat jakaskiriruw chhuqhuntäna.

2 Samuel 18:20

Ukampis Joab chachax sänwa: —Janiw wakiskit jichhpacha uka yatiyäwi reyir yatiyañamaxa, wawapan jiwatätap layku, yaqha uruw yatiyaskäta —sasa.

2 Samuel 18:33

33 (1) Uk ist'asasti, reyix chuymap ch'allxtayasïna; ukat punku patankkän uka utar makhatasin walpun jachäna, sarakïnwa: “¡Ay, Absalón, wawaxay! ¡Wawaxay, Absalón wawaxay! ¡Nayakis juma lanti jiwiriskäyäta! ¡Wawaxay, Absalón wawaxay!” sasa.

2 Samuel 18:5

Ukhamarus reyix Joabampiru, Abisai jaqimpiru, Itai jilïrimpirux iwxt'arakïnwa, reyi layku Absalonar sum uñjapxañapataki, taqpach soldadonakarakiw kuntix reyix Absalonxat jilïrinakar siskäna uk ist'apxäna.

Proverbios 17:25

Jan amuyt'asir wawax awkipataki, taykapatakix jachañak utjayi.

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.