2 Samuel 15:26 - Qullan Arunaka DC

²⁶ Ukampis Tatitutix sitani: “Janiw nayatakjamäktati” sasaxa, ukapachasti jupan khuyapayasiñap suyä, kuntix nayampi lurañ munkani uk luraskakpan —sasa.

Aymar Bibliia 1986

²⁶ Ucampisa Tatitutejj: “Janiw nayatacjamäctati' sitani ucapachasti acanctwa nayajj, jupasti cuntejj nayampi muni uca luraracpan.

Qullan Arunaca

²⁶ Ucampisa Tatitutejj: ‘Janiw nayatacjamäctati’ sitani ucapachasti acanctwa nayajj, jupasti cuntejj nayampi muni uca luraracpan.

2 Samuel 15:26 Jak'a apnaqawi uñst'ayäwi

2 Samuel 10:12

Ch'am katxatam, markasar arxatañ layku, Diosasan markanakap arxatañ layku jan axsaras nuwasiñäni. ¡Tatituy jupan amtataparjam lurpan!” sasa.

2 Samuel 11:27

llaki urunak phuqhasxipansti, Davidax uka warmir irptayanïnwa, ukatsti reyi utaparuw katuqxäna, jupampiw jaqichasirakïna, uka qhipatsti uka warmix mä yuqall wawa wawachasïna. Ukampis Davidan uka luratapax janiw Tatitutakix askïkänti.

2 Samuel 19:28

28 (29) Awkixan wila masinakapax juma nayraqatan jiwarayatäñap wakiskchïn ukasa, nayarux jumamp chik manq'äwiman manq'asiñatakiw jawsayistaxa. Jichhasti, ¿kunat juk'ampirak juma reyit mayirismasti? —sasa.

2 Samuel 22:20

qhispiñ thakhiruw irpsutu, ¡nayar munatap laykuw qhispiyitu!

1 Reyes 10:9

¡Tatit Diosamax jach'añchatäpan, jupasti jumarux askiruw uñjtam, Israel marka apnaqäwipsa katuyaraktam! ¡Tatitux Israel markar wiñay munasitap laykuw reyit uchtam, chiqa aski kankañampi apnaqañamataki!” sasa.

1 Crónicas 21:7

Tatitutakix taqi uka luratax janiw askïkänti, ukat Israel markarux mutuyäna.

2 Crónicas 9:8

¡Tatit Diosamax qullanäpan, jupax suma chuymampiw uñjtam, reyi qunuñaparuw qunt'aytam reyipäñamataki! ¡Diosamax Israelaru munatap layku, markapan wiñayatak utjañapatakiw jumarux reyit utt'aytam, jupanakar chiqa kankañampi, aski kankañampi apnaqañamataki!” sasa.

Salmos 39:9

9 (10) Nayasti amutuw tukta, janiw lakax jist'arkti, jumaw taqi kuns luraskta.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Isaías 62:4

Janirakiw mayampsa: “Apanukut marka” sasax siskxapxätamti, jan ukasti sutimaxa: “Nayan ajllisita” satäniwa, uraqimarus janirakiwa: “Tukjat uraqi” sasax siskxapxaniti, jan ukasti: “Tatitun munat warmipa” satäxaniwa.

Jeremías 22:28

¿Joaquín reyix mä p'akjat chatumpi sasiti, jan kunatak inamaya jan khitin munata jaqtatati? ¿Kunatarak jupasa, wawanakapasa jan uñt'at jaya markar apanukut uñjasipxisti?

Jeremías 32:41

Taqi chuymaxampiw aka uraqin jupanakarux utjasiyxä, markaxan suman jakasxatapaw nayarux kusisiyitani” sasa.

Números 14:8

Tatitutix khuyapayasistanixa, uka uraqir mantañ yanapt'istaniwa, jiwasanakaruw churarakistani. Uka uraqin leches, misk'is umjamaw jalsuski.

Mateo 1:10

Ezequiasax Manasesan awkipänwa, Manasesasti Amonan awkipänwa, Amonasti Josiasan awkipänwa.

Josué 9:25

Jichhasti nanakax juman amparamankapxtwa, nanakampisti kunjämtix munkta ukhamar luram —sasa.

Jueces 10:15

Israelitanakasti Tatiturux sapxänwa: “Nanakax jucha lurapxta, kunjämarutix munkta ukhamaruy nanakampix luram, ukampis jichhax qhispiyapxakitaya” sasa.

1 Samuel 3:18

Samuelusti, kuntix Tatitux parlawaykatayna ukanak jan kuns imt'asaw yatiyäna, ukat Elí sacerdotex jach'at arsüna: —¡Jupax Tatituwa! ¡Munañapax luratäpan! —sasa.