2 Samuel 15:27 - Qullan Arunaka DC

²⁷ Reyisti Sadoc sacerdoterux sarakïnwa: —Ist'ita, jumampi, Abiatarampix jan axsarasak pani yuqanakamampi markar kuttxapxam. Jumax Ahimaas yuqamampi, Abiatarasti Jonatán yuqapampiraki.

Aymar Bibliia 1986

²⁷ Reyejj Sadoc sacerdoterojj sascaquïnwa: —Ist'ita, jumampi, Abiatarampejj uqhamaraqui pani yokanacapampi, marcaru jan cuna llaquini cuttjjapjjam. Jumajj Ahimaas yokamampi Abiatarasti Jonatán yokapampiraqui.

Qullan Arunaca

²⁷ Reyejj Sadoc sacerdoterojj sascaquïnwa: —Ist'ita, jumampi, Abiatarampejj uqhamaraqui pani yokanacapampi, marcaru jan cuna llaquini cuttjjapjjam. Jumajj Ahimaas yokamampi Abiatarasti Jonatán yokapampiraqui.

2 Samuel 15:27 Jak'a apnaqawi uñst'ayäwi

2 Samuel 15:34

Jerusalenaruk kuttxam, ukatsti Absalonaruw säta: “Reyixay, uywatamätwa, kamisatix nayrax awkimar luqtawaykta ukhamarakiw jumar luqtäma” sasa; ukhamat nayarux Ahitófel chachan amtatanakap t'unjañ yanapt'itäta,

2 Samuel 15:36

Jupanakan Ahimaas, Jonatán yuqanakapas ukankasipkarakiwa, jupanak tuqiw yatiyanitäta, kuntix yatkäta, ist'karakïta taqi ukanaka —sasa.

2 Samuel 17:17

Ukchañkamasti, Jonatán, Ahimaas sacerdotenakax Roguel uma jalsu chiqan suyasipkäna, jupanakax janiw khitimpis markar mantir uñjayasiñ munapkänti, mä uywat tawaquw jupanakar yatiyir saratayna, ukatsti jupanakax jank'akiw David reyir yatiyir mistupxarakïna.

2 Samuel 18:19

Ukatsti, Sadoc jaqin Ahimaas yuqapax Joab chachar sänwa: —Jichhpach reyin ukar aka suma yatiyäwi yatiyanï, Tatitux chiqaparuw jupar uñji, uñisirinakapatsa qhispiyarakiwa —sasa.

2 Samuel 24:11

Qhipärmanthisti, Davidax sartasiskän ukapachaw, Tatitux Davidan yatiyiripa Gad profetar säna:

1 Reyes 1:42

Ukham parlaskäna ukkhaw Abiatar sacerdoten Jonatán yuqapax purinïna. Adoniasasti sänwa: —Mantanimaya, suma yatiyäwinak apanpachäta, jumax wali aytat jaqïstaxaya —sasa.

1 Reyes 4:15

Ahimaas, jupasti Neftalí uraqinkir jaqinak apnaqäna. Ahimaasax Salomonan Basemat sutini phuchhapan chachapänwa;

1 Crónicas 25:5

Taqi jupanakaw Hemán chachan wawanakapänxa, reyin amuyt'ayir luqtiripänwa, kunjämtix Tatitux jupar wali ch'aman tukuyañat arskatayna ukhamaru; ukatsti Tatitux Hemán chachar tunka pusin yuqall wawampi, kimsa imill wawamp churäna.

1 Crónicas 6:8

8 (34) Ahitob jaqix Sadoc chachan awkipänwa, Sadoc jaqisti Ahimaas chachan awkipänwa,

1 Samuel 9:6

Uywatasti ukxarux sarakïnwa: —Aka markan mä profetaw utji, taqi jaqinakaw juparux wal yäqapxi, kuntix jupax yatiyki ukanakasti phuqhasipuniwa. Ukhamax sarañäni, inampis jupax kawkirutix sarañasäki uksa uñacht'aychistaspa —sasa.

1 Samuel 9:9

(Khä urunakanxa, israelit jaqinak taypin, maynitix Diosar jiskt'asiñ munirïna ukapachax sirïnwa: “Uñjirin ukar jiskt'asir sarañäni” sasa. Jichha urunakansti khititix “profeta” satäki ukax nayrapachax “uñjiri” satänwa.)