2 Samuel 15:12 - Qullan Arunaka DC

¹² Ukatsti, Absalonax Davidan amuyt'ayiri jaqinakapat, Guiló sat markan jakasir Ahitófel sat chacharuw jawsayanïna, jupamp chika wilañchanak luqtañapkam ukankañapataki. Ukchañkamasti sapüruw Absalonar jaqkattir jaqinakax jilxattäna, Davidatak sayt'asiñ amtäwisti wali ch'amampiw jilxataskäna.

Aymar Bibliia 1986

¹² Uqhamaraquiw Absalonajj Davidan mayni amuyt'ayiriparuw jawsayaniraquitayna, uca amuyt'ayiripasti Ahitofel satänwa; ucasti Gilo sisqui uca pachpa marcapanwa jacaraquïna, jupampïñapataqui, sacrificio loktcän ucapacha. Uqhamasti David contra sayt'asiñajj wali ch'amampiw jiltascäna, walja jakenacaraquiw Absalonarojj niya jakcattasipcäna.

Qullan Arunaca

¹² Uqhamaraquiw Absalonajj Davidan mayni amuyt'ayiriparuw jawsayaniraquitayna, uca amuyt'ayiripasti Ahitofel satänwa; ucasti Gilo sisqui uca pachpa marcapanwa jacaraquïna, jupampïñapataqui, sacrificio loktcän ucapacha. Uqhamasti David contra sayt'asiñajj wali ch'amampiw jiltascäna, walja jakenacaraquiw Absalonarojj niya jakcattasipcäna.

2 Samuel 15:12 Jak'a apnaqawi uñst'ayäwi

2 Samuel 15:31

Ukatsti kunapachatix, Davidaru Ahitófel jaqin Absalonampi chika, Davidatak jan wali amtasipkatap yatiyapxän ukapachasti, Davidax Tatituruw achikt'asïna, Ahitófel jaqin amtatanakapan aynacht'ayañapataki.

2 Samuel 16:15

Ukchañkamasti, Absalonax Jerusalén markaruw mantaskäna, taqi israelita jaqinakampi, Ahitófel jaqimp chika.

2 Samuel 17:14

Absalonampi, taqpach israelitanakampisti sapxänwa: “Husai arquita chachan amuyt'atapax, Ahitófel jaqin amtäwipat sipan juk'amp sumawa” sasa. (Tatituw Ahitófel jaqin amtäwinakap t'unjatäñap munatayna, ukhamat Absalonan jan walt'añan uñjasiñapataki.)

2 Samuel 17:23

Ahitófel jaqisti jupan amtataparjam jan lurapxatap uñjasax, asnop wakicht'asisin yurïwi markapan utjir utaparuw sarxäna; ukatsti wila masinakapan jan walt'añanakap taqi kun sumar askicht'xasinsti, jaychkatasïnwa. Ukhamaw jupax jiwxäna, ukatsti awkipan amay imäwipar imt'atäxänwa.

2 Samuel 23:34

Maacá chiqankir Ahasbai jaqin Elifélet yuqapa; Siló chiqankir Ahitófel jaqin Eliam yuqapa.

1 Reyes 21:12

Jupanakasti ayuno lurapxañapatakiw markar yatiyapxäna, ukatsti Nabot chacharux jaqinak nayraqatan qunt'ayapxäna.

1 Reyes 21:9

Uka qillqatanakansti akham jupanakar säna: “Jaqinakar ayuno lurapxañapatak yatiyapxam, ukatsti Nabot chacharux markachirinak nayraqatan qunt'ayapxam.

1 Crónicas 27:33

Ukhamarak Ahitófel chachax reyin amuyt'ayiripänwa, arquita Husai chachax reyitakix wali yanapänwa.

Salmos 41:10

10 (11) Tatay, nayat khuyapt'ayasita; usuxat k'umaraptayita, ukat jupanakat phuqsusï.

Salmos 41:9

9 (10) Nayan munat masixamppacha, khitirutix alkataskäyät ukamppacha, khititix nayamp manq'kän ukamppachaw nayarux ch'uxña luritu.

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Proverbios 21:27

Tatitux ñanqha jaqinakan waxt'äwinakap uñisi, jan wali amtäwinakamp luqtapxatap layku.

Jeremías 6:20

¿Kunatakis jumanakax Sabá uraqit incienso apanirapipxista? ¿Kunatakirak jaya markanakat q'apkir alinak apanirapipxistasti? Janiw nayatakix uka luqtasitanakamax kuna askïkisa, janiw yaqha waxt'äwinakamas askïkarakiti.”

Números 23:1

Ukapachaw Balaamax Balac reyir säna: —Aka chiqar paqallqu altaranak sayt'ayarapita, ukatsti paqallqu vaca qallumpi, paqallqu urqu ovejampi wakicharapita —sasa.

Números 23:14

Ukatsti Balac reyix Sofim chiqaruw Balaamar irpäna, Pisgá sat qullu pataru. Uka patansti paqallqu altaranak sayt'ayäna, sapaqat altarxan mä vaca qallumpi, mä urqu ovejampi wilañcha luqtäna.

Números 23:30

Balac reyisti Balaaman aruparjamaw luräna, ukatsti sapa altaran mä vaca qallumpi, mä urqu ovejampi wilañcha luqtäna.

Juan 13:18

“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Josué 15:51

Gosen, Holón Guiló uka markanaka, taqpachax tunka mayan markanakänwa, jisk'a markanakapamppacha.