2 Samuel 14:2 - Qullan Arunaka DC

² ukhamasti, Tecoa markat mä sallqjir warmi irptayanïna. Ukat jupar sarakïna: “Jumax wali llakt'atäkasmas ukhamaw tuküta, llaki isimpi uchasim; janiw kuna q'apkir qullanaksa uskusïtati, walja urunak ukham llakit sarnaqkasma, wawamas jiwkaspa ukhamaw tuküta.

Aymar Bibliia 1986

² Uqhamasti Tecoa marcatjja mä wali ch'iqhi warmi irptayanïna. Ucat saraquïna: “Jumajj llaquinccasmasa uqhamaw tucüta, luto isimpi isthapisiwayam; janiraqui cuna k'apquir kollanacsa uscusimti, jan ucasti walja urunaca uqham llaquita sarnakcasma uqhamaw tucüta, mayni jakes jiwcaspa uqhama.

Qullan Arunaca

² Uqhamasti Tecoa marcatjja mä wali ch'iqhi warmi irptayanïna. Ucat saraquïna: “Jumajj llaquinccasmasa uqhamaw tucüta, luto isimpi isthapisiwayam; janiraqui cuna k'apquir kollanacsa uscusimti, jan ucasti walja urunaca uqham llaquita sarnakcasma uqhamaw tucüta, mayni jakes jiwcaspa uqhama.

2 Samuel 14:2 Jak'a apnaqawi uñst'ayäwi

Génesis 38:19

Ukatsti, ukspachaw uka chiqat sarxäna, velop ch'uqaqasxasinsti wasitat llaki isipamp uchasxarakïna.

2 Samuel 11:26

Uriasan warmipasti, chachapan jiwatap yatisin wali llakt'ataw uñjasïna;

2 Samuel 12:20

Ukspachaw Davidax uraqit sartäna, jariqasisinsti, suma q'apkir qullampiw jawsusïna, yaqha isimpiw uchasirakïna. Ukatsti Tatitun utapar mantasin jupat mayisïna. Utapar kuttasinsti manq'a mayïna ukat manq'arakïna.

2 Samuel 20:16

Ukatsti, akatjamat sallqantir ch'ikhi warmix marka pirqa patat art'asinïna: —¡Ist'apxita, ist'apxita, Joab chachar sapxam, aka pirqar jak'achasinpan, nayax jupampiw parlañ munta! —sasa.

2 Samuel 23:26

Bet-pélet chiqankir Heles; Tecoankir Iqués jaqin Irá yuqapa;

1 Reyes 14:2

Ukat Jeroboam reyix warmipar säna: —Yaqhat isthapisim, nayan warmixätam jan jumar uñt'apxañapataki, ukatsti Siló chiqar saram, Ahías profetax ukan jaki, jupaw nayar aka markan reyïñaxataki yatiyitu.

1 Reyes 14:5

Ukampis Tatituw juparux Jeroboaman warmipan jutañapxat yatiyatayna, usut wawapat yatxatañataki. Kunjämtix uka warmir sañapäki uk yatiyarakïnwa, yaqhat isthapit jutañapatsa. Warmisti purisin, yaqha warmïkaspas ukhamaw tuküna.

2 Crónicas 11:6

Ukanakasti: Belén, Etam, Tecoa,

2 Crónicas 20:20

Qhipärmanthisti wali willjtat sartasipxäna, Tecoa wasar tuqir sarañataki. Mistusipkäna ukkhasti, Josafat reyix sayt'asisin jupanakarux säna: “Jerusalenankirinaka, Judá uraqinkirinaka, ist'apxita: Tatit Diosamar iyawsapxam, ukatsti janiw axsarapxätati; profetanakapan arsutanakap iyawsapxam, ukatsti jumanakatakix taqi kunas walikïskaniwa” sasa.

Nehemías 3:27

Ukxar pirqäki ukxa, Tecoankir jaqinakaw askichapxäna, jach'a jilsuta torre nayräxata, Ófel pirqäkis ukkhakama.

Nehemías 3:5

Ukxarüki uksti Tecoankir jaqinakaw askichapxarakïna, ukampis uka markan jilïrinakapax janiw pirqa luririnakan sarayirinakaparux yanapañ munapkänti.

Salmos 104:15

ch'amanchir t'ant'a jikxatañapataki, chuymapar kusisiyir vino apsusiñapataki, ajanupas aceitjam lliphipiñapataki.

Eclesiastés 9:8

Janq'u isimpipun isthapisim; p'iqimarus q'apkir qullanakampipun uchasim.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Mateo 6:17

Kunapachatix jumax ayunkät ukkhax, ajanum jariqasim, ñik'utamsa sum askicht'asim,

Rut 3:3

Jichhasti akham luram: Jariqt'asim, suma q'apkir qullanakamp jawirt'asim, sumïr isimamp isthapt'asirakim, ukatsti, kawkhantix Booz chachax cebada khuysuski uka chiqar saram. Ukampis Booz chachampix janiw uñt'ayasïtati janïr manq'aña, umaña tukuykipanxa.