2 Samuel 12:9 - Qullan Arunaka DC

⁹ ¿Kunatarak arunakaxar jisk'achta, ukatsti kunatix nayatak jan walïki uk luraraktasti? Amonita jaqinakampiw Urías hitita jaqirux jiwayaytaxa, warmipsa katuntasiraktawa.

Aymar Bibliia 1986

⁹ ¿Cunatsa arunacajja jisc'achtajja, ucatsti cuntejj nayataquejj jan asquïqui uc luraractajja? Hitita Uriasarusti jiwayaractawa, amonita jakenacampiw juparojj jiwayayaractajja, warmipsa catuntasiractawa.

Qullan Arunaca

⁹ ¿Cunatsa arunacajja jisc'achtajja, ucatsti cuntejj nayataquejj jan asquïqui uc luraractajja? Hitita Uriasarusti jiwayaractawa, amonita jakenacampiw juparojj jiwayayaractajja, warmipsa catuntasiractawa.

2 Samuel 12:9 Jak'a apnaqawi uñst'ayäwi

2 Samuel 12:10

Jichhasti, nayar jisk'achatamata, ukatsti Urías hitita jaqir warmip irparatamatsa, janipuniw utamat jan walt'añanakax jayarst'kaniti.

2 Samuel 16:7

Simí jaqix kunayman arunakampiw Davidar ñanqhachäna: —¡Akat saram, jaqi jiwayir ñanqha jaqi!

1 Reyes 15:5

Davidax Tatitun nayraqatapan suma askin sarnaqatayna, janipuniw jakañapan Tatitun arsüwinakapat saraqkataynati. Davidan jan wali luratapax mayaw utjäna, ukasti Urías hitita chachar jiwayapxañapatak khitkatayna ukänwa.

1 Reyes 21:19

Juparusti sätawa: ‘Tatitux akham siwa: Jumax Nabot chachar jiwayasinxa, kunatix jupankkäna uk apartaxa, jichhasti kawkha chiqantix anunakax jupan wilap jallq'apki, uka pachpa chiqan anunakax juman wilam jallq'apxani’ ” sasa.

2 Crónicas 33:6

Ben-hinom qhirwa chiqansti, wawanakaparuw wilañcha luqtasa nakhantayäna, ukatsti ajayunakaru, yatirinakar jiskt'asisaw sarnaqäna, ch'amakaninaka, layqasiñanak utt'ayarakïna. Tatit nayraqatan uka luräwinakapax sinti jan walïnwa, ukham lurasaw Tatitur q'apisiyäna.

Salmos 51:14

14 (16) ¡Dios Tatay! Nayan qhispiyirixa, jiwañat qhispiyita, q'ucht'asisaw juman chiqätam qhanañchä.

Salmos 51:16

16 (18) Jumax janiw luqtanak munktati; wilañchanaksa luqtirismawa, ukampis janiw ukanakax kusisiyktamti.

Salmos 51:4

4 (6) Jumataki, jumatakiw juchachasta, jumax juchañchkta uka juch lurta. Ukat juchañchatamax chiqapa; taripäwimas jan kamskayaraki.

Salmos 90:8

Jucha luratanakaxaxa, ñanqha luratanakaxasa juman nayraqataman uñsti.

Proverbios 14:2

Chiqa sarnaqir jaqix Tatituruw axsarti, jan wali thakhin sarnaqir jaqisti, jisk'achiwa.

Isaías 5:24

Israelan Qullan Diosapan yatichäwinakapxa, janiw katuqapktati; chiqpach mä sapa Tatitun kamachinakapsa jisk'achapxtawa. Ukatpï jichhax, kunjamtix ninax wichhurux q'al nakhantkixa, ukhamarakiw jumanakax q'ala tukjatäpxäta, kunjämatix alinakax saphitpach ñusjkix ukhama, panqaranakapas laq'ar tukuwaykix ukhama.

Jeremías 18:10

Ukampis uka markatix ñanqhanakak luraskaspa, nayan arunakaxarus janirak ist'kaspa ukapachaxa, janiw nayax kuna askinakatix jupanakatak wakichatäki ukanak apayankiristti.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

1 Samuel 15:19

¿kunatarak jumasti Tatitun arsutanakapar jan ist'asin kuntix uñisirimat aparapkta uk jumatak katuntastasti? —sasa.

1 Samuel 15:23

Jupar kutkatirixa, layqasiñanak luririmpi sasiwa; jan ist'asirïki ukasti, yaqha diosanakar yupaychirimpi sasiwa. Juman arunakapar jan jaysatamatsti, jupax janirakiw juman reyïñam munkiti” sasa.

1 Samuel 15:26

Samuelusti sarakïnwa: —Janiw jumamp chik sarkiristti, jumax Tatitun arunakapar janiw jaysktati, ukat jichhax Israelan reyipäñat jumar apanukxtam —sasa.