2 Pedro 2:12 - Qullan Arunaka DC

¹² Uka jaqinakax jan amuyt'asirïpxiwa, taqi kunsa munañaparukiw lurapxi, jan amuyt'asisaw kuns parlapxi; jupanakasti animalanakjam katurayasisin jiwarayatäñatakiw yuripxi.

Aymar Bibliia 1986

¹² Ucampis uca jakenacajj animalanacjam jan amuyt'asirïpjjewa, alekaquiraquiw jacasipqui catusin jiwayatäñataqui. Jan amuyt'asisaquiraquiw cuns parlapjje, ucampis animalanacar uñtataquiraquiw jiwarapjjani,

Qullan Arunaca

¹² Ucampis uca jakenacajj animalanacjam jan amuyt'asirïpjjewa, alekaquiraquiw jacasipqui catusin jiwayatäñataqui. Jan amuyt'asisaquiraquiw cuns parlapjje, ucampis animalanacar uñtataquiraquiw jiwarapjjani,

2 Pedro 2:12 Jak'a apnaqawi uñst'ayäwi

Salmos 49:10

10 (11) Uñjatakiwa, taqiniw jiwarapxi, yatiñaninakasa, pisi chuymaninakas pachpak jiwarapxi, yänakapasti yaqhanakatakiw qhiparxi.

Salmos 92:6

6 (7) ¡Jan amuyt'an jaqikiw ukanak jan amuyt'kaspati!

Salmos 94:8

¡Pisi amuyt'an jaqinaka! ¿Kunapacharak amuyt'asxapxätasti?

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Jeremías 10:21

Aka markar irpirinakax pisi chuymäpxiwa; janiw Tatiturux thaqtapkiti. Ukatpï aynacht'apxixa, jichhasti, jiwasanakax ananukut oveja tamar uñtatätanwa.

Jeremías 10:8

Uka markanakan utjasirinakapax t'axmar jaqikamakïpxiwa, jupanakan yatichirinakapasti, mä k'ullut khitsut diosanakakiwa.

Jeremías 12:3

Ukampis Tatay, jumax nayar uñt'istawa; jumax uñjistawa, jumatak amtatanakaxäki uksa yatirakistawa. ¡Uka jaqinakarux khariñ ovejanakarjam apasxam, khariñ urutak chimpt'awayarakim!

Jeremías 4:22

Tatitux siwa: “Markaxax q'ala luqhiratawa, janiw uñt'kxarakituti. Jan amuyt'asiri wawanakäpxiwa, janiw kun satas amuythapisipkiti. Ñanqhanak lurañatakisti, ch'amanakapax jilarkiriwa, ukampis janiw kunatix askïki uk lurañ yatipkiti.”

Jeremías 5:4

Nayasti amuyayätwa: T'aqhin jakasir jaqinakakiw pisi chuyman jaqjam sarnaqapxi, jupanakax janiw amuyt'apkiti kuntix Tatitux munki ukxa, janirakiw kuntix Diosapax arski uksa amuyt'apkiti.

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Marcos 7:22

lunthatasiña, jaqin yänakap munaña, ñanqha luraña, sallqjasiña, q'añu luraña, uñisiña, k'ari arunak apnaqaña, jach'a jach'a tukuña, jan amuyunjam sarnaqaña.

Juan 8:21

Jesusax wasitampiw jupanakar säna: —Nayax sarxäwa, jumanakasti thaqhapxitätawa, ukampis jumanakax juchanakaman jiwarapxäta. Kawkirutix nayax sarkä ukarux jumanakax janiw jutapkasmati —sasa.

Gálatas 6:8

Janchin munañaparjamatix arkaskakiñänixa, wiñayatakiw jiwañäni; ukampis Ajayun munañaparjamatix jaysañänixa, wiñay jakañ katuqañäni.

Colosenses 2:22

Taqi aka yatichäwinakasti tukusirikiwa, jaqin arsutapakïtap layku, jaqin yatichäwipakïtap layku.

2 Pedro 1:4

Ukanak tuqiw arsüwinakapsa churistu, uka arsüwinakapasti wali jach'anakawa, wali askirakiwa, ukhamat jumanakax Tatitun arsüwinakap tuqi, akapach q'añu luräwinakat jaltxasin Diosan aski kankañap katuqapxañamataki.

2 Pedro 2:19

“Qhispita sarnaqasiñ churapxäma” sapxiwa, ukampis jupanakpachaw juchan t'aqhisiyat sarnaqasipki; sapaqat jaqirakiw kuna juchampitix atipjayaski uka juchampi t'aqhisiyat sarnaqaski.

Judas 1:10

Ukampis uka jaqinakax kuntix jan uñt'apki ukanakxat jan wal parlapxi; ukampis yatipki ukanakatxa, kunjämatix uywanakax kuns yatipxi, ukat jan amuyt'apki ukhamäpxiwa, ukat jupanakpach tukjatäpxani.