2 Pedro 1:9 - Qullan Arunaka DC

⁹ Ukampis khitintix akanakax jan utjki ukaxa, mä juykhump sasiwa; nayra juchanakapat pampachatätapsa armxarakiwa.

Aymar Bibliia 1986

⁹ Ucampis qhitintejj acanacajj jan utjqui ucajja, mä juyqhump sasiwa; nayra juchanacapat perdonatätapsa armjjaraquiwa.

Qullan Arunaca

⁹ Ucampis qhitintejj acanacajj jan utjqui ucajja, mä juyqhump sasiwa; nayra juchanacapat perdonatätapsa armjjaraquiwa.

2 Pedro 1:9 Jak'a apnaqawi uñst'ayäwi

Levítico 13:55

“Uka isinak t'axsutat qhipatsti, sacerdotex wasitat uñxatani. Uka q'añun jan chhaqtataptix amuyani ukkhasti, jan walt'ayir q'añütap laykusti, uka yänakax phichkatatäñapawa.

Marcos 10:21

Jesusasti juparux munasiñampiw uñkatäna, ukatsti sarakïnwa: —May jan phuqktati: Saram, taqi utjirinakam aljaram, ukatsti jan kunaninakar churam. Ukhamat alaxpachan juman imasitamax waljäni. Ukatsti jutam, ukat nayar arkita —sasa.

Lucas 18:22

Jesusax uk ist'asin sänwa: —Ukampis may jan phuqktati: taqi kunatix utjktam ukanak aljaram, ukatsti jan kunaninakar churam, ukapachaw qamir kankañamax alaxpachan utjätam, ukatsti nayar arkita —sasa.

Romanos 6:11

Ukhamarakiy jumanakax juchatak jiwatäpxatam amuyasipxam, ukampis Diosatak jakapxam, Cristo Tatitump mayakïpxatam layku.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.

Apocalipsis 3:17

Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.