2 Pedro 1:10 - Qullan Arunaka DC

¹⁰ Ukatpï jilatanaka, Diosax jumanakar markapankirïpxañamatakiw jawsapxtam, ajllisipxaraktam, wiñaya ukankirïñ munapxsta ukaxa, sum sayt'apxañamawa; jumanakatix taqi akanak lurapxätaxa, janipuniw aynacht'apkätati.

Aymar Bibliia 1986

¹⁰ Ucatpï jilatanaca, Diosajj jumanacar jawsapctam, uqhamarac ajllipctam ucanjja sum sayt'apjjañamajja; jumanacatejj take acanaca lurapjjäta ucqhajja janipuniw aynacht'apcätati.

Qullan Arunaca

¹⁰ Ucatpï jilatanaca, Diosajj jumanacar jawsapctam, uqhamarac ajllipctam ucanjja sum sayt'apjjañamajja; jumanacatejj take acanaca lurapjjäta ucqhajja janipuniw aynacht'apcätati.

2 Pedro 1:10 Jak'a apnaqawi uñst'ayäwi

Salmos 112:6

aski jaqix janipuniw kunapachas aynacht'kaniti. ¡Aski jaqix aytatapunïniwa!

Salmos 121:3

¡Janipuniw jupax tinkuñam munkaniti! ¡Janipuniw jumar uñjirix ikkaniti!

Salmos 15:5

khititix qullqi mayt'asin jalaqtap jan apski uka, jan juchanir aynacht'ayañatak qullqi jan katuqaski uka. Khititix ukham lurasapun sarnaqki ukaxa, janipuniw aynacht'kaniti.

Salmos 37:24

liwisin ukasa, jank'akiw sarthapini, Tatituw juparux amparapat wayxäsiski.

Salmos 62:2

2 (3) Jupakiw qhispiyitu, arxatarakitu. Janiw pächaskäti, jupaw imantasiñaxaxa.

Salmos 62:6

6 (7) Jupakiw qhispiyitu, arxatarakitu. Janiw tinkkäti, jupaw imantasiñaxaxa.

Isaías 56:2

Khititix aka kamachinak taqi chuymampi phuqki ukax kusisiñaniwa, Sábado uru jan takisis sum imirix kusisiñaniwa, kuna jan walsa janirak lurkiti ukas kusisiñaniwa.”

Miqueas 7:8

Uñisir Babilonia marka, aynacht'ataxat jan kusiskamti, aynacht'atäkasinsa sartaskakïwa; laxa ch'amakas muyuntkitan ukasa, Tatituw qhanaxaxa.

Mateo 22:14

Waljaniw jawsatanakaxa, ukampis ajllitanakax juk'anikiwa.”

Romanos 11:29

Kuntix Diosax churki uk janiw aparaskiti, janirakiw jupan jawsatapsa mayjt'aykiti.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

Hebreos 6:11

Ukampis uka suma chuymax sapa maynin tukuykam utjañap munapxta, kuntix suyapkta ukan phuqhasiñapataki.

Hebreos 6:19

Uka suyt'äwiw ajayusarux sum katxäsi, kunjämatix anclax mä barcor katxäski ukhama. Uka suyt'äwix alaxpach qullan utan cortina qhipäxkamaw manti,

Santiago 2:10

Mä jaqitix Diosan kamachipar phuqkas mä kamachin pantjaschi ukkhaxa, taqpach kamachinakat juchaniwa.

Josué 7:3

kuttanisasti Josué chacharux sapxänwa: “Ai markax janiw jach'äkiti, uka markar katuntañatakix janiw taqpach ejercitor khithañax wakiskiti, paya, jan ukax kimsa waranqa jaqinakax jiläskaniwa, uka marka uñjir jaqinakasti juk'anikirakiwa” sasa.

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.

2 Pedro 1:3

Tatituw jach'a ch'amapampi churistu taqi kuntix jakañatak munktan ukanakxa, jupar munañsa churarakistu, khititix jach'a ch'amapampi, muspharkañ luräwinakapampi jawskistu ukar uñt'ayasa.

2 Pedro 1:5

Ukatpï ch'amacht'asipxañamaxa, iyawsatanakamar suma luräwinakamp yapxatañataki; suma luräwinakarusti amuyt'asiñampi;

2 Pedro 3:14

Ukatpï munat jilatanaka, akanak suyt'kasaxa, Tatitumpi sumankañatak ch'amachasipxam, taqi kunsa askpun lurapxam, ukhamat jupan jumanakar jan juchani, jan q'añucht'at jikxatañapataki.

2 Pedro 3:17

Ukatpï munat jilatanaka, niyakitix jumanakax akanak jichhatpach yatxapxstaxa, amuyasipxam, uka sallqjirinakampi jan apayasiñataki, ukhamat walïkasin jan aynacht'añataki.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.