2 Corintios 8:6 - Qullan Arunaka DC

⁶ Ukat nanakax Titor achikt'apxta, jumanak taypin aka munasiñ yanapt'a apthapiñapataki, jupaw janïr apthapkasax churañ qalltäna.

Aymar Bibliia 1986

⁶ Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

Qullan Arunaca

⁶ Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

2 Corintios 8:6 Jak'a apnaqawi uñst'ayäwi

Hechos 24:17

“Mä qawqha maranak yaqha markanakan sarnaqasinsti, markaxaruw kutt'xta, jan kunaninakar qullqi churiri, Tatitur waxt'äwinak luqtiri.

Romanos 15:25

Ukampis jichhax Jerusalenaruw sarä, ukankir jilatanakar yanap apasa.

2 Corintios 12:18

Titoruw jumanakar tumpt'ir sarañapatakix mayta, jupampi chikasti mayni jilataruw khithanirakta, ¿Tito jilatach jumanakar sallqjapxtamxa? ¿Janit nanakasti panpachani mä amtañanik jumanak nayraqatan sarnaqapktsti?

2 Corintios 2:13

Ukampis Tito jilataxampi jan jikisitax laykux chuymaxan wali llakitaw jikxatasïyäta. Ukat jupanakampi jikisiwayasin, Macedonia markaruw sarxta.

2 Corintios 8:10

Jumanakan askimatakiw ukxat sañ munapxsma. Jumanakax maymäratpachaw aka luräwxa sum qalltapxtaxa, janiw aliq apthapisakiti jan ukasti kusisiñampirakiw apthapipxtaxa.

2 Corintios 8:19

Ukhamarus juparux iglesianakaw ajllisipxi, nanakampi chika sarañapataki, taqi akanaksti Tatitur jach'añchañatakiw lurasipkta, ukhamarak yanapt'añ munatanakax uñacht'ayañataki.

2 Corintios 8:23

Titosti nayampi chik sarnaqiriw sañ munapxsma, jupasti jumanakan askimatakiw nayampi chika irnaqi. Maynïr pä jilatanakax iglesianakat khithanitawa, jupanakasti Cristoruw jach'añchapxaraki.

2 Corintios 8:4

nanakarux achikt'apxitäna, Diosan markapatak yanapt'a apthapipkta ukan yanapasiñataki.

2 Corintios 9:5

Ukat nayatakix waljamäna uka jilatanakan jumanakan ukar nayraqat jutañapaxa, ukatsti churañatak arsupkta uka yanapt'a phuqhachañ jumanakar yanapañapataki. Ukhamat jumanakan yanapt'a churatanakamax munasiña uñacht'äwïñapataki, jan mich'asiñampi churapxatam uñacht'ayarakini.

Filipenses 4:18

Epafrodito jilatampi apayanipkista uk taqpach katuqxta, jichhasti jilarkiriw utjitu. Kuntix apayanipkista ukax mä suma q'apkir inciensökaspas ukhamawa, uksti Diosax kusisiñampiw katuqi.

1 Pedro 4:10

Sapa mayniw Diosat kuna luräwinaksa katuqapxtaxa. Uka luräwimpix taqinir yanapt'apxam.