2 Corintios 8:5 - Qullan Arunaka DC

⁵ Nanakax suyapkäyät ukatsa juk'ampi yanapt'anak apthapipxäna, jupanakpachaw Diosar katuyasipxäna, ukxarusti nanakaruraki, Diosan munañaparjama.

Aymar Bibliia 1986

⁵ Cuntejj suyapcäyät ucat juc'ampsa lurasipcaquïnwa, jupanacpachaw nayrakata Diosarojj catuyasipjjäna, ucjjarusti nanacaruraqui Diosan munañaparjama.

Qullan Arunaca

⁵ Cuntejj suyapcäyät ucat juc'ampsa lurasipcaquïnwa, jupanacpachaw nayrakata Diosarojj catuyasipjjäna, ucjjarusti nanacaruraqui Diosan munañaparjama.

2 Corintios 8:5 Jak'a apnaqawi uñst'ayäwi

1 Crónicas 12:18

18 (19) Ukhamasti Amasai sat kimsa tunka jaqinakan irpiripax Tatitun ajayupan phuqhantatax akham sasaw art'asïna: “¡David, Jesé chachan yuqapa! ¡Sumankañax jumatakïpan! ¡Sumankañax jumampïpan! ¡Sumankañax jumataki, yanapirinakamampitakïpan, Diosamaw jumarux yanapasktam!” sasa. Davidasti jupanakarux katuqänwa, ukatsti jilïrinak taypin lurañanak churäna.

2 Crónicas 30:12

Diosax Judá uraqinkir jaqinakan chuymanakap unxtayäna, Tatitun arsutanakaparjam reyimpina, jilïr irpirinakapampin arunakapar phuqhañataki.

2 Crónicas 30:8

Jichhasti, janiy jumanakax nayra awkinakamjam jan ist'asiri tukupxamti; amparanakam Tatit tuqir luqtapxam, wasitat suma arust'äwir jupamp mantañataki, qullan utapar jutapxam, jupaw wiñayatak yaqhachasi. Tatit Diosamar yupaychapxam, jupasti janiw jumanakatak q'apisitäkxaniti.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Romanos 6:13

Janchimsti jucha lurañar jan katuyapxamti, jucha lurañ yäkaspas ukhama. Jan ukasti, Diosar katuyasipxam, jiwatat jaktir jaqinakjama, janchimsti jupa nayraqatan aski lurañ yäkaspas ukham katuyapxam.

1 Corintios 1:1

Corinto markan Diosan iglesiapankir munat jilatanaka, kullakanaka: Nayax Sóstenes jilatasamp chikaw jumanakar aruntanipxsma. Naya Pablox, taqi chuymaxampiw munta Dios Awkisampi, Jesucristo Tatitusampix munasiñapa, sumankañap jumanakar churañapataki. Diosaw nayarux Jesusan apostolupäñapatak ajllisitu, jumanakarusti jupamp chika jakapxañamataki, jupan ajllit markapäpxañamatakiw ajllipxaraktam. Ukhamat nanakampi, Jesucristo Tatitusar taqi akapachan yupaychapki, jach'añchapkaraki ukanakamp mayachatäpxäta.

2 Corintios 4:5

Janiw nanak pachpat yatiyasipkti, jan ukasti Jesucriston Tatitütap yatiyapxta; nanakax Tatitur munatanakax laykuw jumanakan yanapirimar tukupxta.

2 Corintios 8:1

Jichhax jilatanaka, kunjämtix Diosan munasiñapax Macedonia iglesianakan uñacht'ayaski ukxat yatiyañ munapxsma.

1 Samuel 1:28

Nayax Tatituruw aka yuqall wawa katuyta, jakañapkamasti jupar luqtat wawäñapataki —sasa. Ukatsti Elí sacerdotex Tatit nayraqatan uraqkamaw p'iqip alt'asïna.