2 Corintios 13:4 - Qullan Arunaka DC

⁴ Chiqpachansa pisi ch'aman jaqjamaw ch'akkatat uñjasïna, ukampis Diosan ch'amap laykuw jakaski. Uka kipkarakiw nanakax jupankasax pisi ch'ama kankañanïpxta, ukampis jupampi mayakïxasax Diosan ch'amap laykuw jakapxta, ukhamat jumanakar yanapt'añataki.

Aymar Bibliia 1986

⁴ Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

Qullan Arunaca

⁴ Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

2 Corintios 13:4 Jak'a apnaqawi uñst'ayäwi

Juan 10:18

Janiw khitis jakañax apaqkituti, jan ukasti naya pachpaw munañaxat jakañax churta. Jakañax churañatakisa, wasitat katuqañatakis munañanïtwa. Uk lurañatakiw Awkixat katuqta.”

Hechos 2:36

“Ukhamasti, Israel markpach yatipxam, jumanakax ch'akkatapkta uka Jesusaruw Diosax Cristo Tatitut utt'ayi” sasa.

Hechos 3:16

Jesusan sutipar iyawsatap laykuw aka jaqix ch'amañchat uñjasi, jumanakasti juparux uñjapxtawa, uñt'apxaraktawa, Jesusar iyawsatap laykux taqi jumanakan uñjkataw k'umarachat uñjasi.

Romanos 14:9

Ukatakiw Cristox jiwawayi, jiwatatsa jaktawayaraki: jiwirinakana, jakirinakan Tatitupäñapataki.

Romanos 6:4

Bautismo tuqiw Cristompix p'amp'achatäxtan, ukatsti jiwatäxaraktanwa, ukat jaktasin machaq jakäwin jakxañataki, kamisatix Cristox Dios Awkin qhapaq ch'amapamp jaktayatäkän ukhama.

1 Corintios 1:25

Diosan luqhi kankañapjam amuyaschi ukaxa, jaqin yatiñ kankañapat sipansa juk'ampi yatiñ kankañawa; Diosan jan chamanïtapjamak amuyaschi ukasa, jaqin ch'amapat sipansa juk'ampi ch'amaniwa.

1 Corintios 15:43

P'amp'antatäki uka janchix jan kunatak askiwa; jaktki uka janchisti wali jach'añchatawa. P'amp'antatäki uka janchix jan ch'amanikiwa; jaktki uka janchisti ch'amaniwa.

1 Corintios 2:3

Jumanak nayraqatansti jan ch'amanjama, axsarañatsa khathatisaw uñstapxäyäsma,

1 Corintios 6:14

Kunjämtix Diosax Cristo Tatitur jaktaykixa, ukhamarakiw jiwasarux ch'amapampi jaktayistani.

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 12:10

Ukat t'ukhasiñanakaxat kusista, jisk'achayasitanakaxata, pist'ayasiñanakaxata, Cristo layku arknaqat uñjasitaxata, jan walt'añanak t'aqhisitaxat kusista, kunapachatix wali t'ukha uñjaskta ukkhasti, juk'ampi ch'amaniw tukta.

2 Corintios 13:9

Ukat nanakax t'ukha kankañankasax kusisipxta, jumanakan ch'amanïpxañamax wakisipuniwa; nanakasti Diosat mayisipkakïwa, jumanakan aski jaqir tukupxañamataki.

Filipenses 3:10

Nayax Cristorukiw uñt'añ munta, jakatatäwipan ch'amap katuqañ munta, jupjam t'aqhisiñ munta; jupjam jiwañ munta,

Hebreos 5:7

Kunapachatix Cristox aka uraqinkaskän ukkhaxa, jupax jach'at arsusa, jacht'asisaw Diosarux achikt'asïna, khititix jiwañat qhispiyañatakix ch'amanïkän juparu; jaysirïtapatsti Diosax juparux ist'änwa.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Pedro 3:22

jupasti alaxpachar makhatxasaxa, Tatitun kupïxaparuw qunt'asxi, angelanakarusa, taqi jilïr ch'aman ajayunakarus jupaw apnaqxi.