2 Corintios 13:5 - Qullan Arunaka DC

⁵ Jumanakpacharak chuyma uñantasipxam, ukhamat iyawsäwiman ch'amanïpxatam yatiñataki. ¿Janit amuyasipkta Jesucriston jumanakampïskatapsti? ¡Yant'ampi atipjayasisakiw jan amuyasipkasmati!

Aymar Bibliia 1986

⁵ Jumanacpacharac yant'asipjjam, iyawsañanacamanjja suma ch'amanïpjjtati janicha uc yatiñataqui. ¿Janit jumanacasti amuyasipcta Jesucristojj jumanacampïtapsti? K'ari jilatanacäpcasmas ucqhaquiw Cristojj jan jumanacampïcaspatejja.

Qullan Arunaca

⁵ Jumanacpacharac yant'asipjjam, iyawsañanacamanjja suma ch'amanïpjjtati janicha uc yatiñataqui. ¿Janit jumanacasti amuyasipcta Jesucristojj jumanacampïtapsti? K'ari jilatanacäpcasmas ucqhaquiw Cristojj jan jumanacampïcaspatejja.

2 Corintios 13:5 Jak'a apnaqawi uñst'ayäwi

Salmos 119:59

Sarnaqäwixaruw uñakipasta, arunakamarusti wasitat jaysta.

Salmos 17:3

Jumaw taqpach amuyunakax yattaxa; arumanakaw chuymax uñaqir jutista; ninampjamaw yant'ista, janirakiw kuna ñanqhsa jikxatkistati. Lakaxax janiw k'ari arunak arskiti,

Salmos 26:2

chuymax uñantita, ¡yant'arakita!, ¡taqi amuyunakax yant'ita, chuymax manqhan amtatanaksa yant'arakita!

Jeremías 6:30

Jupanakarux “Apanukut qullqi” sasay sutichañächispa, juman jupanakar apanukutam layku.

Lamentaciones 3:40

Sarnaqäwinakasat sum amuythapisiñäni, ukatsti Tatitur wasitat kutkatxañäni.

Ezequiel 18:28

Jupatix sum amuyt'asini, ukat taqi ñanqha luräwinakap apanukxarakini ukkhasti, jupax jakaskakiniwa, janiw jiwkaniti.

Hageo 1:5

Naya, taqi ch'aman Tatituw sapxsma, ukham sarnaqatanakamat wal amuyt'asipxam.

Hageo 1:7

Naya, taqi ch'aman Tatituw sapxsma, sarnaqäwinakamat amuyasipxam.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

Juan 15:4

Jumanakax nayampipunïpxam, kamisatix nayax jumanakampi mayakïtxa ukhama. Mä laymi sapax janiw achkaspati, janitix uva alipampi mayakïkchi ukaxa; uka pachparakiw jumanakax janitix nayampi mayakïpkasma ukax janiw achu churapkasmati.

Juan 17:23

Nayax jupanakampïtwa, jumasti nayampirakïtawa, jupanakan mayar tukutäpxañapataki, ukhamat akapachankirinakax juman nayar khithanitam yatipxañapataki, ukatsti jupanakar wal munasitam yatipxani, kamisatix jumax nayar munaskista ukhama.

Juan 17:26

Jupanakarusti khitïktatix jumax uk uñt'ayta, uksti uñt'ayaskakïwa, nayar munaskista uka munasiñax jupanakamp chikäñapataki, nayasti jupanak chikäñaxatakiraki.”

Juan 6:56

Khititix nayan janchix manq'ki, wilaxsa umkaraki ukax, nayampix mayakiwa, nayasti jupampix mayakirakïtwa.

Juan 6:6

Uksti Feliper yant'añatakiw säna, Jesusax yatïnwa kuntix jupax lurkani ukxa.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 8:10

Cristotix jumanakan jakchixa, Ajayux jakarakiwa, Diosaw aski jaqinakar tukuyapxtam, janchix jucha layku jiwañatak satäskpasa.

1 Corintios 11:28

Ukalayku, janïr uka t'ant'a manq'kasa, uka qirut umkasax sapa mayniy chuymap uñantaspan.

1 Corintios 11:31

Jiwaspachpatix chuymas uñantasiñän ukaxa, Tatitux janiw juchañchkistaspati,

1 Corintios 3:16

¿Janit jumanakasti Diosan utapäpxatam yatipktasti? ¿Janit jumanakasti Diosan Ajayupan jumanakan jakatap yatipktasti?

1 Corintios 6:15

¿Janit yatipkta, janchinakamax Cristonkatapsti? ¿Criston janchipat apaqasin wachuq juchan sarnaqir warmirux churarakiristti? ¡Janiw ukhamäkaspati!

1 Corintios 6:19

¿Janit yatipktasti jumanakan janchimax Diosan churata uka Qullan Ajayun utapätapsti, Qullan Ajayus jumanakan jakatapsa? Jumanakax janiw jumanakpachat munañanïpktati,

1 Corintios 6:2

¿Janit jumanakasti yatipkta Diosan qullan markapankirinakan akapachar taripañapsti? Akapachar taripañatix jumanakar wakt'apxätam ukaxa, ¿janit uka jisk'a ch'axwanakamsti uñjapkasmasti?

1 Corintios 9:24

Jumanakax yatipxtawa, mä atipasïwinxa, taqiniw jalapxi, ukampis maynikiw churäwi katuqi, uka kipkarak jumanakax churäwi katuqañkam jalapxam.

1 Corintios 9:27

Jan ukasti, janchixarux mutuytwa, ukatsti jaysañapatakiw wayt'arakta, ukhamat yaqhanakar yatichkasin jan apanukutäñataki.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Gálatas 2:20

Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.

Gálatas 4:19

Wawanakaxay, wasitampiw t'aqhisiñan jikxatasta, kamisatix mä taykax wawachasiñatak t'aqhiski ukhama, Criston jumanak taypin sayt'añapkamasti t'aqhisiskakïwa.

Gálatas 6:4

Sapa mayniw sarnaqäwip uñjasiñapa, luratapatix walikïskchixa, jupa pachpaw ukat kusisini, ukampis janiw mayninakatakïkiti.

Efesios 3:17

Cristox chuymanakaman iyawsañ tuqi jakpan, munasiñasti jakäwinakaman saphipäpan, utt'äwiparakïpan.

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.

Colosenses 2:19

Jupanakax khititix p'iqïki uka Cristompix janiw mayachatäpkiti, Cristow ch'am churas iglesiarux apnaqi, juparakiw iglesiarux wakiskirinak churi, ukatsti iglesiankirinakarux Diosan amtataparjam mayarukiw tukt'ayi.

Colosenses 2:7

jupxan saphintata, iyawsäwi layku jupxan suma utt'ata, kunjämatix yatichatäpkäyät ukhamaru, ukatsti Diosar yuspagarasaraki.

1 Timoteo 2:15

Ukampis warmix wawanïsina, lurañanakapa phuqhasin qhispiyasini, jupatix iyawsañampi, munasiñampi, q'uma kankañampi suma amuyt'ampirak sarnaqani uka.

2 Timoteo 3:8

Kunjämatix Janes, Jambrés uka jan wali jaqinakax Moisesar saykatapkatayna, uka pachparakiw uka jaqinakax Tatitun chiqa arunakapar saykatapxi. Uka jaqinakasti ñanqha lurañar jichuntat jan wali amtanïpxiwa, iyawsäwin aynacht'at jaqinakäpxarakiwa.

Tito 1:13

Ukax chiqapunïskiwa, jupanakarusti iyawsäwipan chiqäñapatakix wal tuqinuqam.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Tito 2:2

Chuyman jilïrinakasti jan kamskayäpxpan, axsart'añani, suma amuyuni, suma iyawsañani, munasiñani, yant'anakar saykatañatakis ch'amañcht'ata.

Hebreos 12:15

Janiy khitirus Diosan munasiñapax pist'pati, ukhamat jan maynis mä k'ask'a qurar uñtat jaqinakar jan walt'ayaskañapataki.

Hebreos 4:1

Ukhamasti, Diosan samarañapar mantañatak arsüwi utjkipan wal amuyasiñasawa, inampis jumanakat kawkïris jan mantkaspa.

Hebreos 6:8

ukampis ch'aphinakaki, jan wali quranakak achuskchi ukaxa, janiw kunatakis walïkiti; Diosasti ñanqhachiwa, tukuyarux ninar phichhantatäniwa.

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.

1 Pedro 5:9

Iyawsañanakaman uka supayatakix wal sayt'asipxam, maynïri jumanakjam Cristor arkirinakan taqi chiqan t'aqhisitanakapsa yatipxtawa.

Apocalipsis 2:5

Amuythapisim, nayra pachan kunjämäyätas ukat amtasim, ukatsti Tatitur kutikipstam. Jan wali luräwinak apanukum, kunjämtix qalltan sarnaqkäyätas ukham sarnaqam. Janitix ukham lurkätaxa, nayax jumar mutuyiriw jutä, ukatsti candeleromxa uchañapat apaqarakï.