2 Corintios 12:9 - Qullan Arunaka DC

⁹ ukampis Tatitux situwa: “Munasiñaxampix phuqhatakïtawa; ch'amaxax t'ukhasiñan qhanpach uñsti” sasa. Ukhamasti t'ukhasiñaxat jach'añchastwa, ukhamat Criston ch'amapax nayan uñstañapataki.

Aymar Bibliia 1986

⁹ ucampis Tatitojj situwa: “Munasiñajjaquiw jumataquejj waquichatajja, nayan ch'amajjasti juc'ampi sumaw uñsti cunapachatï jakejj t'uqha jicjjatasqui ucqha” sasa. Uqhamajj nayajj cusistwa, Criston ch'amapajj nayan t'uqhasiñajjan uñstañapataqui.

Qullan Arunaca

⁹ ucampis Tatitojj situwa: “Munasiñajjaquiw jumataquejj waquichatajja, nayan ch'amajjasti juc'ampi sumaw uñsti cunapachatï jakejj t'uqha jicjjatasqui ucqha” sasa. Uqhamajj nayajj cusistwa, Criston ch'amapajj nayan t'uqhasiñajjan uñstañapataqui.

2 Corintios 12:9 Jak'a apnaqawi uñst'ayäwi

2 Reyes 2:15

Jericó markankir profetanakax Eliseor jawir khurkatankaskir uñjasax sapxänwa: “¡Jichhax Eliasan ajayupax Eliseompïxiwa!” sasa. Ukatsti jupanakax Eliseor jikxatiriw sarapxäna, jupan nayraqatapan alt'asisinxa,

Salmos 8:2

2 (3) Uñisirinakaman utjatap laykux ñuñuskir wawanakan jach'añchatapampiw ch'amam uñacht'aytaxa, timasirinakampiru, qallasirinakampir t'unjañataki.

Isaías 11:2

Tatitun ajayupaw jupxankani, yatiñampi, ch'ikhi kankañampi, suma amuyt'a chuymamp churani, mä jach'a ch'aman reyïniwa, Tatitur uñt'asax suma ist'asirïniwa.

Isaías 43:2

Taqi jan walt'añanakamanxa, nayaw jumampiskä; jawiranaksa makhatawayaskätawa, janiw umampi axskatas jiwkätati; ninanjam sarakipañamächixa, janiw nakhantat uñjaskätati,

Sofonías 3:17

Tatit Diosamaw juma taypinkaski; ¡jupax taqi ch'amapampiw jumarux qhispiyätam! Tatitusti jumar uñjasin kusisiniwa. Munasiñapampiw machaq jakañ churätam; kusisiñapan q'uchuni,

Mateo 28:18

Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

1 Corintios 10:13

Jumanakan janiw kuna yant'as jan atipjkayax utjapktamti. Jumanakasti Diosaruw katuyasipxañama, jupasti janiw jumanakarux jan atipkay yant'anakamp t'aqhisiyapkätamti. Jan ukasti, kunapachatix yant'ax jutkan ukkhaxa, Diosaw jumanakarux kunjämat uka yant'ar atipjañsa yanapt'apxätam, ukhamat atipt'apxäta.

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

1 Corintios 2:3

Jumanak nayraqatansti jan ch'amanjama, axsarañatsa khathatisaw uñstapxäyäsma,

1 Corintios 2:5

jumanakan iyawsäwimax janiw jaqinakan yatiñ kankañapxar utt'atäñapäkiti, jan ukasti Diosan ch'amapxar utt'atäñapawa.

2 Corintios 11:30

Mä kunat jach'achasiñatix utjchixa, nayax uka t'ukha kankañaxat jach'achasirakï.

2 Corintios 12:1

Jach'achasiñax janiw wakiskiti. Ukampis Tatitut katuqat unañchäwinakata, qhanañchäwinakat arsuñaxawa.

2 Corintios 12:10

Ukat t'ukhasiñanakaxat kusista, jisk'achayasitanakaxata, pist'ayasiñanakaxata, Cristo layku arknaqat uñjasitaxata, jan walt'añanak t'aqhisitaxat kusista, kunapachatix wali t'ukha uñjaskta ukkhasti, juk'ampi ch'amaniw tukta.

2 Corintios 12:15

Nayax taqi chuymaw qawqhatix utjkitu ukamp sarnaqaskä, naya pachpas jumanakan askimatakiw katuyasï. Nayax jumanakar walpun munasipxsma, ¿kunatarak jumanakasti juk'ak munasipxistasti?

2 Corintios 12:5

Nayax ukham jaqit jach'achasiristwa, janiw naya pachpatxa, inas t'ukhachasitanakaxat jach'achasirista.

Efesios 3:16

Nayax Dios Awkiruw mayta, muspharkañ qamir kankañapat Qullan Ajayup tuqi jumanakar ch'am churañapataki,

Filipenses 4:13

Criston ch'amapampix taqi kunaruw saykatirista.

Colosenses 1:11

Diosax alaxpach ch'amapampi jumanakar ch'amañchañapatakiw mayipxta, ukampiw jumanakax wali ch'amañchata, llamp'u chuymampi sayt'asipxäta, ukatsti kusisiñampiw

1 Timoteo 1:14

Tatitun munasiñapasti nayatakix jilarkirïnwa, jupaw iyawsañampi, munasiñampi Jesucristonkatax layku churitu.

Hebreos 11:34

jan jiwarkay ninsa jiwarayapxänwa, espadampi jiwayatäñatsa jaltapxarakïnwa, jan ch'amanïkasas ch'am apsusaw nuwasiñatakix sayt'asipxäna, uñisirinakapan ejercitopar atipjasa.

Hebreos 4:16

Ukhamasti munasir Dios Awkisarux iyawsañasampi jak'achasiñäni, jiwasat khuyapt'ayasiñapataki, munasiñapan wakisir urun yanapt'añapataki.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.