2 Corintios 1:12 - Qullan Arunaka DC

¹² Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

Aymar Bibliia 1986

¹² Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

Qullan Arunaca

¹² Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 1:12 Jak'a apnaqawi uñst'ayäwi

2 Samuel 22:22

Nayax Tatitun thakhipanjam sarnaqta, ¡janipuniw Diosaxat saraqaskti!

Job 13:15

Jupax jiwaykitani ukasa, sayt'asiskakïwa, ajanuy ajanuw jupan nayraqatapan sarnaqäwixat arsusï.

Isaías 38:3

“Tatay, nayax achikt'assmawa, kunjämtix taqi chuymaxampi jumar arksma uk amtasimaya, kunjämarutix jumax munkta ukhamarjam lurkta uksa amtasirakimaya” sasa. Ukatsti Ezequiasax walpun jachäna.

Hechos 23:1

Pablox Jach'a Tantachäwinkir uka jilïrinakar uñkatasin säna: —Israelit jilatanaka, nayax Dios nayraqatan q'uma chuymampiw jichhürkam jakasiwayta —sasa.

Hechos 24:16

Ukat nayax Diosan nayraqatapansa, jaqinakan nayraqatapansa, q'uma chuyman jakasiñpun ch'amachasta.

Romanos 9:1

Cristor iyawsirjamasti chiqapak arsuskta, janirakiw k'ariskti. Ukhamarus nayan chuymaxax Qullan Ajayun irpatax kunatix chiqäki uk yatiyitu:

1 Corintios 1:17

Cristox janiw bautisir khithankituti, jan ukasti Diosan suma yatiyäwi arunakap yatiyiriw khithanitu, janiw yatiñ kankañampi arsut arunakampïkiti, ukhamat Criston cruzan jiwatapax jan ina ch'usar tukuskañapataki.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

1 Corintios 2:13

Taqi akanakatsti Diosan Ajayupax yatichapkitu uka arunakampiw parlapxta, janiw yatiñanakarjam yatiqapkta uka arunakarjam parlapkti. Ukhamat Dios chuyma jaqinakar ajay yatichäwinakat qhanañchasa.

1 Corintios 4:4

Chuymaxan janiw kunas nayar juchañchirix utjkiti, ukax janiw sañ munkiti nayan jan juchanïtaxa. Khititix taripkitani ukax Tatituwa.

1 Corintios 5:8

Ukhamasti jiwasax jan levaduran t'ant'ampiw Pascua uruyañasa, ukaw chiqapaxa, janiw nayra levadurampi janirakiw jan walinak lurañampis uruyañasäkiti.

2 Corintios 1:17

¿Jan sum amuyt'asisakit uk lurañ amtpachätsti? ¿Jan ukax, “jïsa, janiwa” sas pä amtäwimpi amtkirista ukhamcha amuyapxtaxa?

2 Corintios 11:3

Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

2 Corintios 8:8

Uksti janiw jumanakar mä kamachjam churapksmati; jan ukasti, mayninakan suma chuymampi apthapt'apxatap yatipxañamak munta, ukhamat jumanakan munasiñamax chiqat janich uk yatisiñapataki.

Gálatas 6:4

Sapa mayniw sarnaqäwip uñjasiñapa, luratapatix walikïskchixa, jupa pachpaw ukat kusisini, ukampis janiw mayninakatakïkiti.

Efesios 6:14

Ukhamasti ch'aman sayt'asipxam, chiqa kankañampi isintata, aski kankañampi isthapitaraki.

Filipenses 1:10

ukhamat kunatix askïki ukpun ajllipxañamataki. Ukapachakiw q'uma chuyman jakapxäta, Cristox jutkani ukkhasti, janiw khitis jumanakar juchañchapkätamti;

1 Tesalonicenses 2:10

Jumanakaw uñjasipkistaxa, Diosasti uñjasipkarakituwa, nanakasti qullan kankañana, chiqapana, jan kamskayaw jumanak Cristonkirinakampix sarnaqapxta.

1 Timoteo 1:5

Aka arunakan amtäwipax, maynit maynikam q'uma chuymat mistki uka munasiñampi, suma chuymampi, chiqpach iyawsañampi munasiñasawa.

Tito 2:7

Juma pachparaki mä suma uñtäwi taqi kunansa uñacht'ayam. Yatichañansti, chiqa kankañampi phuqhasarak yaticham,

Hebreos 13:18

Nanakatak Diosat mayipxam, nanakax suma chuymampi lurapxatax amuyasipxta, taqi kunansa suman sarnaqañ munapxarakta.

Santiago 4:6

Ukampis Diosax khuyapayasiñapampiw yanapistu, Qillqatasti siwa: “Diosax jach'a jach'a tukur jaqinakarux janiw munkiti, ukampis llamp'u chuymaninakarux khuyapt'ayiwa” sasa.

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,