1 Samuel 8:7 - Qullan Arunaka DC

⁷ Tatitusti juparux sänwa: “Kuntix markax mayktam ukarux jaysaskakim, ukampix janiw jumaruti jisk'achapktamxa, jan ukasti nayaruw jisk'achasipkitu, jupanakax janiw nayan apnaqatäñ munapkiti.

Aymar Bibliia 1986

⁷ Ucampisa Tatitojj saraquïnwa: “Cuna mayitanacapsa ist'ascaquim, cuntejj marcajj maycätam ucjja jaysascaquim, janiw jumaruti jisc'achapctamjja, jan ucasti nayaruw jisc'achasipquitu, jan nayan jupanacaru apnakañajj laycu.

Qullan Arunaca

⁷ Ucampisa Tatitojj saraquïnwa: “Cuna mayitanacapsa ist'ascaquim, cuntejj marcajj maycätam ucjja jaysascaquim, janiw jumaruti jisc'achapctamjja, jan ucasti nayaruw jisc'achasipquitu, jan nayan jupanacaru apnakañajj laycu.

1 Samuel 8:7 Jak'a apnaqawi uñst'ayäwi

Éxodo 16:8

Moisesasti saskakïnwa: —Jayp'thapiruw Tatitux manq'añatak aycha churapxätam, willjtarusti walja t'ant'a churapxarakïtam, sist'asiñkamaw manq'apxäta. Jupax jumanakan arusitanakam ist'iwa, ¿kunatarak nanakatak arusipxtasti? Janiw jumanakax nanakatak arusipktati jan ukasti Tatitutakiw tuqisipxtaxa —sasa.

Isaías 66:4

Nayarakiw jupanakatak t'aqhisiñ ajllï, kuntix jupanakax wal axsarapki ukanak apayanï. Kunapachatix jawskäyäta ukapachax janiw jaysapkitänti, parlataxsa janirakiw ist'apkänti; kuntix nayax jan munktxa uk lurapxäna, kuntix nayarux phiñasiykitu uk lurañ ajllisipxäna.”

Jeremías 34:14

Jupanakarux sarakïyätwa: Sapa paqallqu mara saraqatarusti, kawkïr hebreo jaqitix jupa pacha aljasi ukatsti suxta mara luqtaraki ukarux antutxapxätawa sasa. Ukampis nayra awkinakamax janiw nayarux ist'apkitänti, janirakiw jaysapkitänsa.

Ezequiel 2:3

akham siri: “Jaqin yuqapa, jumarusti israelitanakan ukaruw khithäma, uka israelita jaqinakasti nayatakiw sayt'asipxi. Jupanakasa, nayra awkinakapas naya tuqipuniw jichhürkam sayt'asipxi.

Ezequiel 3:7

Ukampisa, Israel markax janiw jumar ist'añ munkätamti, nayar jan ist'añ munatap layku. Taqi Israel markax k'ullu, jan amuyt'asirïpxiwa.

Números 22:20

Uka arumasti, Tatitux Balaamar uñstasin akham sarakïna: —Uka jaqinakatix jumar irptir jutapxchi ukaxa, jupanakamp chik saram, ukampis kuntix nayax siskäma ukak luräta —sasa.

Mateo 10:40

“Khititix jumanakar katuqapkätam ukanakax nayaruw katuqitu; khititix nayar katuqkitu ukax khithankitus ukaruw katuqi.

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Lucas 19:14

Ukampis markapankir jaqinakax juparux uñisïnwa, ukat jupan qhipapat khithanak khithapxäna markan jilïripar sapxañapataki: ‘Janiw nanakax aka jaqin nanakan reyïñap munapkti’ sasa.

Lucas 19:27

Khitinakatix nayan reyïñax jan munapkän uka uñisirinakaxar akar irptanipxam, ukatsti nayraqataxan jiwarayapxam’ ” sasa.

Juan 13:16

Qhanak sapxsma, janiw khiti uywatas uywiripat sipan juk'ampïkiti, janirakiw khiti khithatas khithiripat sipan juk'ampïkiti.

Jueces 8:23

Ukampis Gedeonax sänwa: —Janiw nayasa, wawaxasa jumanakarux apnaqapkirismati. Tatitukiw jumanakarux apnaqapxätam.

1 Samuel 10:19

Ukampis jichhax jumanakax Diosamarux jisk'achapxtawa, jupaw taqi jan walt'añanakatsa, llakisiñanakatsa qhispiyanipxtam, mä rey jumanakar apnaqañapataki mayisasti Diosaruw apanukupxtaxa. Uka layku, jichhax Tatitun nayraqatapar uñstapxam, ayllunakatkama, wila masi tamanakatkama —sasa.

1 Samuel 12:1

Ukat Samuelux taqi israelitanak nayraqatan akham säna: —Jumanakax uñjapxtawa, nayat kunanaktix mayipkista ukanak churapxsma, mä reysa uskurapipxaraksmawa.

1 Samuel 12:12

Ukampisa kunapachatix amonitanakan Nahas reyipax jumanakar nuwantir jutkän ukkhaxa, jumanakax mä rey mayipxäyätaxa, jumanakan reyimax pachpa Tatitu Diosäkchïn ukasa.

1 Samuel 8:22

Tatitusti juparux sarakïnwa: —Mayitanakapar ist'am, ukatsti mä rey jupanakatak utt'ayarakim —sasa. Ukatsti Samuelux israelitanakar kawki markanakattix jutapkatayna ukaruw khithanukxäna.

1 Samuel 8:8

Kuna urutix Egiptot apsunkta ukürut jichhakamax, kuntix nayar lurapkitu ukarak jumarux lurasipktamxa, nayarusti yaqha diosanakar yupaychañatakiw apanukupxitu.