1 Samuel 7:4 - Qullan Arunaka DC

⁴ Israelitanakasti Baal, Astarté uka diosanakar yupaychañ apanukxapxänwa, ukatsti Tatitu saparukiw yupaychxapxäna.

Aymar Bibliia 1986

⁴ Israelitanacasti chekapuniw Baal diosanacsa, Astarté diosanacsa apanucjjapjjäna, ucatsti Tatitu saparuquiraquiw yupaychapjjäna.

Qullan Arunaca

⁴ Israelitanacasti chekapuniw Baal diosanacsa, Astarté diosanacsa apanucjjapjjäna, ucatsti Tatitu saparuquiraquiw yupaychapjjäna.

1 Samuel 7:4 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 11:5

Salomonax sidonionakan Astarté sat diosapampiru, amonitanakan Milcom sat axtkañ diosapampiruw yupaychäna.

1 Reyes 8:48

ukatsti apatäpkani uka uñisirin markapan taqi chuymapampi, taqi jakañapampi jumar makhatxapxätam; ukatsti ukawjatpach jumar mayisipxätam aka uraqi tuqir uñtata, kawkïr uraqtix nayra awkinakapar churkta, juman ajllit markam tuqi uñtata, nayax jumatak lurkta uka uta tuqi uñtatarak mayisipxarakïtam ukapachaxa,

2 Reyes 23:15

Ukatsti Betel chiqan utjir altarampi, yupaychañ utanakapampi, kawkïrinaktix israelitanakaru juchar puriyiri Nabat chachan Jeroboam yuqapax lurkäna ukanakxa, Josías reyix laq'ar tukuyañkamaw tukjäna, ukatsti ninampiw nakhantayäna, ukhamarak Astarté diosan lantiparusa.

Oseas 14:3

3 (4) Asiria markax janiw qhispiyapkitaspati, janiw caballonakapar lat'xatasas jaltapkiristti. Amparaxampi lurasipkta ukanakarux, janirakiw ‘Nanakan Diosaxa’ sapkäti. Tatay, wajchax juma sapanak khuyapayasiñ jikxati.”

Oseas 14:8

8 (9) Israelitanakasti sarakiniwa: ‘Kunäskpas jichhax yaqha diosanakaxa’ sasa. ¡Nayaw uñjasta, markaxarus imasirakta! Nayax pino quqjam ch'uxñakipunïsktwa, markaxax nayanwa achup jikxatarakini.”

Jueces 2:11

Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.

Jueces 2:13

Jupanakasti Baal, Astarté diosanakan uñtasitanakapar yupaychasaw Tatitut armasipxäna,

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.

1 Samuel 7:5

Ukatsti Samuelux sarakïnwa: “Israelitanakar Mispá chiqar tantacht'apxam, nayax Tatituruw jumanakatak mayï” sasa.