1 Samuel 6:3 - Qullan Arunaka DC

³ Jupanakasti sapxänwa: —Jumanakatix Israelan Diosapan arust'äwi arcap kutt'ayañ munapxstaxa, jan ukhamak kutt'ayapxamti, jan ukasti, Tatiturux waxt'äwinak luqtapxam, khuyapayasiñapataki. Ukatsti jumanakax k'umarakiw jikxatasxapxäta, ukhamat amuyapxäta kunatsa uka jan walt'äwinakax juti ukxa —sasa.

Aymar Bibliia 1986

³ Jupanacasti sapjjaraquïnwa: —Jumanacatejj Israelan Diosapan arcapa cutt'ayañ munjjapjjstajja, jan uqhamacjja cutt'ayapjjamti, jan ucasti mä cunsa Tatiturojj churapjjam qhuyapayasiñapataqui. Uqhamatwa jumanacajj c'umarachatäjjapjjäta, amuyapjjaraquïta cunatsa uca jan walt'äwinacajj jutqui —sasa.

Qullan Arunaca

³ Jupanacasti sapjjaraquïnwa: —Jumanacatejj Israelan Diosapan arcapa cutt'ayañ munjjapjjstajja, jan uqhamacjja cutt'ayapjjamti, jan ucasti mä cunsa Tatiturojj churapjjam qhuyapayasiñapataqui. Uqhamatwa jumanacajj c'umarachatäjjapjjäta, amuyapjjaraquïta cunatsa uca jan walt'äwinacajj jutqui —sasa.

1 Samuel 6:3 Jak'a apnaqawi uñst'ayäwi

Job 10:2

¡Dios Tatay, janikiy nayar juchanit uñt'istati! Sitaya, ¿kunatarak juchañchistasti?

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Éxodo 34:20

Ukampis qachu asnon tayna qallup lantxa, mä oveja, jan ukax mä cabrito churapxäta; jan churapkäta ukasti, uka asno qallurux kunkat q'iwinukupxäta. Ukxarusti jilïr wawanakamat mä suma waxt'a churapxarakïta. Ukhamasti janiw khitis nayan ukarux ch'usa amparak jutañapäkiti.

Éxodo 8:15

15 (11) Ukampisa, faraonax taqi ukanak jan utjxipansti, chuymap qalarayasïna janiw Moisesampiru, Aaronampir ist'añ munkxänti, kunjämtix Tatitux siskatayna ukarjama.

Levítico 5:6

ukatsti jucha luratapat mä qachu oveja Tatitur wilañcha luqtani, jan ukax mä qachu cabräpasa, uka wilañcha luqtäwimpiw sacerdotex uka jaqin juchapat pampachatäñ jikxatani.

Levítico 6:6

6 (25) Tatitur luqtäwipasti mä jan kamacht'at urqu ovejäñapawa, uka ovejan alapsti jumaw qawqhänisa uk sisxäta, uka ovejsti oveja tamapat aptanini, ukat sacerdoten ukaruw jucha luratat wilañcha luqtañatak aparakini.

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

1 Samuel 5:11

Ecrón markankirinakax jiwañ wal axsarapxäna, ukat filisteonakan jilïrinakapar jawsayasin jupanakar sapxarakïna: “¡Uka arca akat apasipxam. Kawkhattix apanipkta ukkhar apapxam, jan ukasti taqiniw jiwarañäni!” sasa.

1 Samuel 5:7

Asdod chiqan utjasirinakasti ukanak uñjasinxa, sapxänwa: “Israel markan Diosapan arcapax janiw jiwasanak taypin qhiparañapäkiti, uka diosapax sintipuniw mutuyxistu, jiwasarusa, Dagón diosasarusa” sasa.

1 Samuel 5:9

Ukampis Tatitun arcapa uka markar puripansti, Tatitux uka markan kunayman jan walt'añanak sartayäna, jaqinakarusti taqiniruw kunayman ch'uphu usunakampi chhuxriñchjäna, jach'a jaqinakaru, ukhamarak wawanakarusa.

1 Samuel 6:8

Ukatsti Tatitun arust'äwi arcap carretxar apxatapxam, kuna yänaktix khuyapayasiñapatak qurit lurapkta ukanakxa mä cajonar uchapxam. Ukatsti uka carretarux sapak sarañapatak antutnukupxam.

1 Samuel 6:9

Ukampisa wal uñch'ukipxam: uka carretatix Bet-semes tuqir saranixa, Israelan Diosapax jiwasar mutuyatap yatiñäni, janitix uka uraqip tuqir sarkani ukkhaxa, mutuyäwisax Israelan Diosapat jan jutatap yatirakiñäni, jan ukasti mä jan walt'añaki jiwasxar jutatapa.