1 Samuel 6:11 - Qullan Arunaka DC

¹¹ Ukatsti Tatitun arust'äwi arcap carreta patxaruw apxatapxäna, qurit lurat yänaksti mä cajonar uskt'asaw apxatapxarakïna, ukatsti vacanakan uka carreta qatatiñapatakiw antutt'apxäna.

Aymar Bibliia 1986

¹¹ Ucatsti Tatitun arcapjja uca carretaruw apjjatjjapjjäna, uqhamarac mä cajarusti korit lurat achacunaca, uqhamaraqui tumoranacar uñtasitanacsa uchapjjäna.

Qullan Arunaca

¹¹ Ucatsti Tatitun arcapjja uca carretaruw apjjatjjapjjäna, uqhamarac mä cajarusti korit lurat achacunaca, uqhamaraqui tumoranacar uñtasitanacsa uchapjjäna.

1 Samuel 6:11 Jak'a apnaqawi uñst'ayäwi

2 Samuel 6:3

Tatitun arcapasti Abinadab sat jaqin utapankänwa. Uka utasti mä jisk'a qullu patankänwa. Uka utat arca apsusinsti, mä machaq carreta patxaruw uchapxäna, uksti Abinadaban Uzá, Ahió sat yuqanakapaw apapxäna. Ahió chachasti arca nayräx saräna.

1 Crónicas 13:7

Arcsti mä machaq carretxaruw uchapxäna, ukatsti Abinadab chachan utapat apasxapxäna. Uzá, Ahió chachanakaw uka carreta apasipkäna.

Deuteronomio 28:27

“Tatituw jumar egipcionakarjam llixti usunakamp mutuyätam, p'usu usunakampi, sarna usunakampi, jasi jasi usunakampi, janiw uka usunakat waliptkätati.

1 Samuel 6:10

Ukatsti filisteonakax ukham lurapxäna. Uka carreta qatatiñatakix pä vacanak irptanipxäna, jisk'a vaca qallunakapsti, vaca uyuruw jist'antapxäna.

1 Samuel 6:12

Vacanakasti Bet-semes sata thakhinjam warart'asisa chiqak sarapxäna, thakhit jan kawksarus saraqasa. Filisteonakan jilïrinakapasti qhipapat arkapxäna Bet-semes uka qurpakama.

1 Samuel 6:4

Filisteonakasti jiskt'apxarakïnwa: —¿Kuna waxt'äwirak khuyapayasiñapatak luqtapxiriststi? —sasa. Sacerdotenakasti sapxänwa: —Qurit lursupxam: janchi ch'uphunakar uñtata, ukasti phisqäñapawa, ukhamaraki phisqa achakunaka; ukanakasti qawqhanitix filisteo jaqinakan jilïrinakapax utjki ukhamarjama, niyakixay jumanakasa, jilïrinakamasa uka pachpa mutuyäwimpi t'aqhisipxstaxa.