1 Samuel 3:1 - Qullan Arunaka DC

¹ Samuelusti Elí sacerdoten arsutanakap phuqhasaw Tatiturux luqtaskakïna. Uka urunakansti Tatitux janiw kuna arunaksa aliqaki khitirus yatiyirïkänti, janirakiw khitis aliqaki kuna unañchäwinaksa uñjirïkänti.

Aymar Bibliia 1986

¹ Samuel waynasti Tatiturojj sirviscaquïnwa Elí sacerdoten arsutanacap phokhasa. Uca urunacansti janiraquiw Tatitojj cuna arunacsa alekaqui yatiyirïcänti, janiraquiw qhitis alekaqui cuna uñjañsa uñjirïcänti.

Qullan Arunaca

¹ Samuel waynasti Tatiturojj sirviscaquïnwa Elí sacerdoten arsutanacap phokhasa. Uca urunacansti janiraquiw Tatitojj cuna arunacsa alekaqui yatiyirïcänti, janiraquiw qhitis alekaqui cuna uñjañsa uñjirïcänti.

1 Samuel 3:1 Jak'a apnaqawi uñst'ayäwi

Salmos 74:9

Janiw qullan chimpunakax uñjatäkxiti; janirakiw profetas utjkxiti, janiw khitis kunapachkam ukhamäñapsa yatkiti.

Proverbios 29:18

Kawkhantix Diosan arunakapax jan yatichaski ukkhanxa, jaqinakax munañaparuw sarnaqi; ¡Diosan kamachip phuqhir markax kusisiñaniwa!

Isaías 13:12

Jaqinakasti q'alaw tukusini, Ofir sat chiqankir suma qurit sipansa juk'anikïxapxaniwa.

Ezequiel 7:26

Jan walt'añanakax mayat mayat jutani; jan wali yatiyäwinakasti may mayaw purinini. Inamayaw mä profetarus thaqhasipkani kuntix Tatitux siski uk qhanañchañapataki; janiw jupanakar yatichir sacerdotex utjkxaniti, janirakiw jupanakar iwxt'iri jilïr jaqis utjkxaniti.

1 Samuel 2:11

Ukatsti, Elcaná chachax utaparuw kuttawayxäna Ramá sat chiqaru, ukampis Samuel wawax Elí sacerdotempiw Tatitur luqtañatak qhiparäna.

1 Samuel 2:18

Samuel waynasti efod sat lino isimpi isthapt'ataw Tatitun nayraqatapan luqtaskäna.

1 Samuel 2:35

Ukatsti, nayax mä suma sacerdote utt'ayä, chiqapar apnaqiri, nayan munañax phuqhiri, ukhamarak nayan amtäwixarjam luriri; wila masinakaparusti walja maranak jakayä, ukatsti nayan ajllit reyiru luqtir tukt'ayarakï.

1 Samuel 2:36

Ukapachasti, qawqhanitix utamankirinakat jakasipkani ukanakasti, jupa nayraqataruw killisir jutapxani, mä juk'a qullqi, jan ukax mä jisk'a t'ant'a layku, ukatsti achikt'asisaw sapxarakini: sacerdotenak taypin kuna lurañaksay churapxita manq'asipxañaxataki” sasa.

1 Samuel 3:15

Ukanak ist'asinsti, Samuelux ikintxänwa, willjtanipansti, sartasin Tatitun utapan punkunakap jist'aräna. Samuelusti kuntix Tatitux unañchäwin siskatayna ukanak Elí sacerdoter yatiyañ axsaränwa,

1 Samuel 3:21

Tatitusti wasitat Siló chiqan uñstäna, ukan Samuelurux taqi arunakapa yatiyarakïna.