1 Samuel 20:3 - Qullan Arunaka DC

³ Ukampisa Davidax saskakïnwa: —Awkimax askiw yati jumax nayar munatamxa, juman jan llakisiskañamatakisti janiw yatiñam munkaniti. ¡Ukampis nayax Tatitun sutipxaru, ukhamarak juman sutimxarus juramentompiw arsuraksma, jiwañaxas niyaw jak'anki! —sasa.

Aymar Bibliia 1986

³ Ucampisa Davidajj sascaquïnwa: —Awquimajj asquiw yati nayajj jumat yanapa catokatajj-jja, ucampis jichhajj janiw yatiycätamti, juman jan llaquisiñamataqui. ¡Ucampisa juramentompiw arsuracsma, Tatitun sutipjjaru, uqhamarac juman sutimjjarusa, nayataquejj jiwañajj sinti jac'ancapuniwa! —sasa.

Qullan Arunaca

³ Ucampisa Davidajj sascaquïnwa: —Awquimajj asquiw yati nayajj jumat yanapa catokatajj-jja, ucampis jichhajj janiw yatiycätamti, juman jan llaquisiñamataqui. ¡Ucampisa juramentompiw arsuracsma, Tatitun sutipjjaru, uqhamarac juman sutimjjarusa, nayataquejj jiwañajj sinti jac'ancapuniwa! —sasa.

1 Samuel 20:3 Jak'a apnaqawi uñst'ayäwi

2 Samuel 15:21

Itai chachasti reyir sarakïnwa: —Tatitun sutipxaru, juma reyin sutimxaruw juramentompi arsta, kawkhantix juma reyix jikxatasïtaxa, ukan nayax jikxatasirakï, jiwañansa jakañansa jumamp chikapunïyäwa —sasa.

2 Reyes 2:2

Eliasasti Eliseorux sänwa: —Akawjaruy jumax qhiparam, Tatitux Betel markaruw khithaskitu —sasa. Eliseosti ukxaruw säna: —Nayax Tatit layku, juma laykuw juramento lurta, janiw nayax sapak saraykämati —sasa. Ukhamasti panpachaniw Betel markakam sarapxäna.

2 Reyes 2:4

Ukatsti Eliasax Eliseoruw säna: —Aka chiqaruy jumax qhiparam, Tatitux Jericó markaruw khithaskitu —sasa. Eliseosti ukxaruw säna: —Nayax Tatit layku, juma laykuw juramento lurta, janiw nayax jumar sapak saraykämati —sasa. Ukatsti panpachaniw Jericó markar sarapxäna.

2 Reyes 2:6

Ukatsti Eliasax Eliseor sarakïnwa: —Akawjaruy jumax qhiparam, Tatitux Jordán jawiraruw khithaskitu —sasa. Eliseosti sänwa: —Nayax Tatit layku, juma laykuw juramento lurta, janiw nayax jumar sapaki saraykämati —sasa. Ukat panpachaniw sarapxäna,

Salmos 116:3

Jiwañ chinuñanakaw simpantitäna, mik'ayan sipitanakapaw katuntitäna, llakisiñan, ayquñan katuntataw uñjasïyäta.

Jeremías 38:16

Ukampis Sedequías reyix Jeremías profetatakix jamasat aka juramento lurarapïna: —Khititix jakañ churkistu uka Tatitun sutipxaruw juramentompi arsurapsma, janiw jiwaykämati, janirakiw khitinakatix jiwayañ munapktam ukanakan amparaparus katuykämati —sasa.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Deuteronomio 28:66

Jakañamax chijinakan muyuntataw jikxatasini, uruy arumaw axsarayasïta, jiwampis chikakïskätawa.

Deuteronomio 6:13

Ukhamasti, jumanakan Tatit Diosamar yupaychapxam, jupa saparukirak luqtapxam, ukatsti kunapachatix juramento lurapkäta ukkhaxa, Tatitun sutipxaruk lurapxam.

Hebreos 6:16

Jaqinakax juramento lurapki ukkhaxa, jupanakat sipan jilïr laykuw lurapxi, kunapachatix juramentompi arsupki ukkhasti, janiw juk'amp kuna arsuñas utjkxiti.

1 Samuel 1:26

Anasti sänwa: —Tatay, chiqpachansa jumax jakasktawa, kawkïri warmitix juma jak'an Tatitut mayiskäna ukätwa.

1 Samuel 17:55

Kunapachatix David waynax Goliat jaqimpi nuwaskäna ukkhaxa, Saúl reyix ejercitopan jilïripäkän uka Abneraruw jiskt'äna: —Abner, ¿khitis uka waynan awkipaxa? —sasa.

1 Samuel 20:2

Jonatanasti sarakïnwa: —¡Tatitux jan munpati! ¡Janiw jiwaykätamti! Awkixax nayar jan yatiyasax janiw kunsa lurkaspati. ¿Kunatarak jumar jiwayañ jan yatiyitaspasti? ¡Janiw ukax ukhamäkaspati! —sasa.

1 Samuel 20:4

Ukat Jonatanax jiskt'äna: —¿Kunsa jumatakix lurirista? —sasa.

1 Samuel 25:26

Chiqpachansa Tatituw jan munkiti juman jan juchan jaqinakar jiwarayir jutañamxa, ukhamata chiqa kankañ pachpa amparamampi uñacht'ayañamataki. ¡Tatitux munpan taqi uñisirinakamasa, ukhamarak ñanqha lurañ amtapktam ukanakasa, Nabalan puriñaparu puripxañapa!

1 Samuel 27:1

Ukampis Davidax lup'iskakïnwa: “Jichhasa, jan ukax akat qhiparus Saúl reyix jiwayakipunitaniwa. Nayatakisti filisteonakan uraqipar jaltxañaxakiw walïspa, ukhamat Saúl reyix Israel uraqin jan arkanaqkitaniti, ukatsti walikiw jakasïxa” sasa.