1 Samuel 2:12 - Qullan Arunaka DC

¹² Elí sacerdoten wawanakapax jan wali jaqinakänwa, janiw Tatiturux axsarapkänti,

Aymar Bibliia 1986

¹² Elí sacerdoten wawanacapasti jan wali jakenacäpjjänwa, janiraquiw jupanacajj Tatiturojj ajjsarapcänti,

Qullan Arunaca

¹² Elí sacerdoten wawanacapasti jan wali jakenacäpjjänwa, janiraquiw jupanacajj Tatiturojj ajjsarapcänti,

1 Samuel 2:12 Jak'a apnaqawi uñst'ayäwi

1 Reyes 21:10

Ukxarusti pani k'ari irkatir jaqinak jupa nayraqatan qunt'ayapxarakim, ukatsti jupar irkatapxpan akham sasa: ‘Nabot chachax Diosampiru, reyimpiruw ñanqhachi’ sasa. Ukatsti anqar irpsusin qalamp k'upjaskam jiwayapxam” sasa.

1 Reyes 21:13

Ukxarusti pani k'ari jaqinakaw purinïna, ukatsti taqi jaqinak nayraqatan Nabot chachar irkatapxäna: “Nabot chachax Diosampiru, reyimpiruw ñanqhachi” sasa. Ukatsti ukspachaw Nabot chacharux markat irpsusin qalampi k'upjaskam jiwayapxäna.

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 22:16

T'aqhisiyatanakarusa, jan kunaninakarus arxatarakïnwa, ukat taqi kunas jupatakix walt'arakïna. Ukapï nayar uñt'añaxa. Naya, Tatituw uk arsta.

Jeremías 9:3

3 (2) K'arisiñatakix jank'akïpxiwa, mich'inaksa antutt'apkaspa ukhama. Aka markansti k'arisiñakiw phuqt'atäski, janiw chiqapax utjkiti; jan walit juk'ampi jan walirukiw sarapxi, ukatsti pachpa Tatituw arsuraki: “Janiw nayar uñt'añ munapkituti” sasa.

Jeremías 9:6

6 (5) janirakiw kun yatiqañsa munapkiti. Tatitusti siwa: “¡Nuwasiñat nuwasiñaru, k'arisiñat k'arisiñaru, ukakiw utjaski! Markaxax janiw uñt'añ munkituti.

Ezequiel 22:26

Aka markankir sacerdotenakax, nayan yatichäwinakax maysaruw q'iwipxi, nayataki qullanäki ukanaksti takichasipxiwa; janiw jupanakax kunatix qullanäki, kunatix ñanqhäki uk amuyapkiti, janirakiw mayninakarus kunatix q'umäki, kunatix q'añüki uk amuyapxañapatakis yatichapkiti. Nayan samarañ sábado urunakaxarusa janiw yäqapkiti, janirakiw nayarux jach'añchapkituti.

Juan 16:3

Awkirus, nayarus jan uñt'apxatap laykuw taqi ukanak lurapxani.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 8:55

Ukampis jumanakax janiw uñt'apktati, nayasti juparux uñt'twa; nayatix: “Janiw jupar uñt'kti” siristxa, jumanakjam k'ari jaqïristwa. Chiqpachansa nayax jupar uñt'twa, kuntix jupax siski uk lurarakta.

Romanos 1:21

Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.

2 Corintios 6:15

Cristompi Supayampix janiw suman sarnaqapkaspati, janirakiw Cristor iyawsirimpi jan iyawsirimpix suman sarnaqapkaspati.

Deuteronomio 13:13

13 (14) Diosar jan jaysir jaqinakan uñstatapa, markachirinakar Diosat jithiqtayaskatapa, yaqha jan uñt'at diosanakar yupaychayaskatapa ukkhasti,

Deuteronomio 13:14

14 (15) ukanak ist'asin jumanakax sum yatxatapxäta, ukattix taqi ukanakan chiqätap yatipxäta, jumanak taypin jan wali luräwinak lurasitapsa,

Jueces 19:22

Ukhama kusisitäpkan ukkhawa, markankir jan wali jaqinakax utar muyuntasin punkut liq'intapxäna, ukatsti utani awkirux sapxänwa: —¡Utamar sart'ir jaqir irpsunim! ¡Nanakax jupamp ikintasiñ munapxta! —sasa.

Jueces 2:10

Josué chacha mita israelitanakax taqiniw jiwarxapxarakïna. Ukhamasti, uka qhipat yuriri israelitanakax janiw Tatitur uñt'apkänti, janirakiw Israel markatak jupan jach'a muspharkañ luratapatsa yatipkänti.

1 Samuel 10:27

Ukampis jan wali parliri jaqinakax utjapunïnwa, jupanakasti sapxarakïnwa: “¿Jupat qhispiypachïstani?” sasa. Juparux wal jisk'achapxäna, janirakiw reyirjamas yäqapkänti; ukampis Saulux jan ist'iriw tuküna.

1 Samuel 25:17

Ukampis juman chachamax wali qhurupuniwa, janiw parlxayañjamäkisa, jichhax jumax kunatix lurañamäki ukanakat amuyt'am, chiqpachansa jupatakisa, masinakapatakis jan walt'añaw jutani —sasa.

1 Samuel 3:13

Jupax kunjämtix wawanakapax nayar ñanqhachapkitu uk yatïnwa; janiw kunsa wawanakapar kamsaskiti. Ukat jichhax wila masinakapar mutuyäxa, janiw khitisa, janirakiw kunas jark'kitaniti.

1 Samuel 3:7

Samuelux janïraw Tatitur uñt'känti, janirakiw jupax kunjämatsa uñstkarakitaynati.