1 Samuel 19:5 - Qullan Arunaka DC

⁵ filisteo jaqir jiwayañatakix jakañapsa apt'asirpachänwa, ukhamat Tatitux taqi israelitanakar qhispiyi. Juma munañan reyix ukham uñjasax kusisïyätawa. Ukhamasti, ¿kunatarak juma munañan reyisti jan juchani Davidar jiwayasin juchañchjasiñ muntasti? —sasa.

Aymar Bibliia 1986

⁵ jiwañaru purirjamäcchïnsa, uqhampachasa filisteo jakenacarojj jiwarayascaquïnwa. Uqhamataracwa Tatitojj take israelitanacaru khespiyistu. Jach'a reyisti uca uñjasinjja cusisiraquïnwa. Uqhamasti, ¿cunatarac jach'a reyisti mä jan juchan Davidan jacañap contra jiwayañ amtasin juchañchasiñ muntasti?

Qullan Arunaca

⁵ jiwañaru purirjamäcchïnsa, uqhampachasa filisteo jakenacarojj jiwarayascaquïnwa. Uqhamataracwa Tatitojj take israelitanacaru khespiyistu. Jach'a reyisti uca uñjasinjja cusisiraquïnwa. Uqhamasti, ¿cunatarac jach'a reyisti mä jan juchan Davidan jacañap contra jiwayañ amtasin juchañchasiñ muntasti?

1 Samuel 19:5 Jak'a apnaqawi uñst'ayäwi

2 Samuel 23:10

ukampis Eleazarax ch'amampiw sayt'asïna, filisteonakarusti ampar t'ukjayasiñkamaw jiwarayäna, amparapas espadaruw lip'kattäna. Khä uruw Tatitux atipjayäna. Ukatsti ejercitox Eleazararuw arkäna kuntix uñisirinakat aparanipkatayna ukanak katuntasiñataki.

1 Crónicas 11:14

jupax yapu taypiruw sayt'asïna, ukatsti filisteonakar atipjasaw arxatäna. Ukhamaw Tatitux jupanakar atipt'ayäna.

1 Crónicas 11:18

Ukatsti kimspach jan axsarir chachanakaw filisteonakan campamentopar mantapxäna, ukatsti Belén markar mantañankki uka phuch'ut uma apsunisin Davidan ukaruw apanipxäna. Ukampis Davidax janiw umt'añ munkänti, jan ukasti, Tatitutakiw mä waxt'äwjam waranuküna,

Salmos 109:5

Aski lurataxatxa, ñanqhampiw kutt'ayapxitu, munasiñatsti uñisisiñampiw phuqhapxitu.

Salmos 119:109

Jakañaxax jiwañ chijir jalantañampiwa; nayasti janiw yatichäwinakamat armaskti.

Salmos 25:3

¡Jumar taqi chuymamp alkatirinakax janipun p'inqa tukupxpati! ¡Ina ch'usat jumar qallasir jaqinakay p'inqa tukuñarux puripxpan!

Salmos 69:4

4 (5) Ina ch'usat uñisirinakaxax ñik'utanakaxat sipansa juk'amp jilawa; ina ch'usat nayar uñisipxitu, jiwayañpun munapxitu; jan lunthataskta ukanak kutiyañatakiw wayt'apxitu.

Salmos 94:21

aski jaqir ñanqha lurañ amtirinakampi, jan juchan jaqir jiwayañatak juchañchirinakampi.

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Jeremías 26:15

Ukampis ak sum yatipxam: Jumanakatix nayar jiwayapxitätaxa, taqi aka markankir jaqinakasa, jumanakasa mä jan juchan jaqir jiwayapxatamatxa, juchañchatäpxätawa, chiqpachansa Tatituw nayarux khithanitu taqi akanak jumanakar yatiyiri.”

Mateo 27:24

Pilatosti jaqir inamay arxayatap amuyasïna, jaqinakan juk'ampi uxtatap uñjasasti, uma aptayanïna, ukatsti taqi jaqin uñjkañaw amparanakap uka umampi jariqasïna, akham sasa: —Aka jaqin wilap wartañatakix janiw nayax kuna juchanïktsa; jumanakaw juchanïsipkäta —sasa.

Mateo 27:4

akham sasa: —Jan juchan jaqir jiwayañatak katuyasaw juchan uñjasta —sasa. Jupanakasti sapxänwa: —¿Kamachapxarakï nanakasti? ¡Jumay kunarus tukuskamxa! —sasa.

Juan 15:25

Ukampis ukax phuqhasiskiwa, kunjämatix kamachin qillqatäki ukarjama: ‘Aliqatak uñisipxitu’ sasa.

Hechos 20:24

Uk yatiskasinsa, janiw llakisiykituti. Nayatakix janiw jakañaxas kuna jach'äkisa, nayax kusisitaw tukuykam jalañ munta, kuna lurañtix Tatit Jesusax churkitu uk kusisiñamp phuqhañakiw wakt'itu, ukatsti Diosan munasiñapat suma yatiyäwi arunak jaqinakar qhanañchaña.

Filipenses 2:30

jupasti Cristo layku irnaqasax niyapuniw jiwi, lurañanakaxan jumanak lanti irnaqasas niyapuniw jakañap apt'asi.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

Jueces 12:3

Jumanakan nanakar jan yanapt'ir jutapxatam uñjasin, jakañax apt'asirpachaw amonitanakampi nuwasir sarta, Tatitusti atipt'ayituwa. Jichhasti, ¿kunatarak jumanakasti nayampi nuwasir jutapxtasti? —sasa.

Jueces 9:17

Nayan awkixax jumanak layku nuwasisax, niyaw jakañapsa apt'asiwayi, kunapachatix madianitanakamp nuwasis amparapat qhispiyapktam ukkhaxa;

1 Samuel 11:13

Ukampisa Saúl waynax sarakïnwa: —Jichhürux janiw khitis jiwayatäkaniti, Tatituw Israel markar qhispiyi —sasa.

1 Samuel 14:45

Markasti Saúl reyirux sarakïnwa: —¡Janiw wakiskiti Jonatanan jiwañapaxa, jupaw Israel markarux mä jach'a atipjäwi churistu! ¡Janiw jiwkaspati! ¡Tatit layku, janiw mä ñik'utapas uraqirux jalaqtkaniti! Kuntix jichhüru lurki uksti Tatitun yanapapampiw luraraki —sasa. Ukhamat markax Jonatanarux jiwañat qhispiyäna.

1 Samuel 19:6

Saúl reyisti Jonatán yuqapar amuyumpi parlatap ist'asaxa, jach'at arsurakïna: —Tatitun sutipxaruw juramentompi arsta, janiw Davidax jiwkaniti —sasa.

1 Samuel 20:32

Jonatanasti sarakïnwa: —¿Kunatarak jiwaspasti? ¿Kuna jan walirak luristi? —sasa.

1 Samuel 22:14

Ukatsti Ahimélec sacerdotex reyirux sarakïnwa: —¿Khitirak juma jach'a munañan reyin jilïrinakam taypin Davidjam taqi chuymampi phuqhiristi? Jupaxa, juma jach'a munañan reyin tullqamawa, jach'a utam uñjirinakan jilïripawa, uka utansa aski jach'añchäwi katuqirirakiwa.

1 Samuel 28:21

Warmisti Saúl reyir wali mulljat uñjasinxa, jupar jak'achasisaw säna: —Naya, juman luqtirimaxa, mayitamarux ist'twa. Jakañaxsa niyapuniw apt'asta juman mayitamar jaysasaxa.