1 Samuel 17:4 - Qullan Arunaka DC

⁴ Akatjamat filisteonakat siqt'atäkän uka taypit mä nuwasir jaqix mistunïna, jupasti wali jach'a tansänwa, niya kimsa metronjama. Uka jaqix Goliat satänwa, jupasti Gat markankirïnwa.

Aymar Bibliia 1986

⁴ Uqhamaraqui acatjamatwa filisteonac taypitjja mä guerrero jakejj mistunïna, jupasti wali jach'a tansänwa, quimsa metronjamaraquïnwa sayt'arojja. Uca jakesti Goliat satänwa, Gat sisqui uca marcan jaquiriraquïnwa.

Qullan Arunaca

⁴ Uqhamaraqui acatjamatwa filisteonac taypitjja mä guerrero jakejj mistunïna, jupasti wali jach'a tansänwa, quimsa metronjamaraquïnwa sayt'arojja. Uca jakesti Goliat satänwa, Gat sisqui uca marcan jaquiriraquïnwa.

1 Samuel 17:4 Jak'a apnaqawi uñst'ayäwi

1 Crónicas 11:23

Ukhamarakiw mä jach'a tansa egipcio jaqirus jiwayäna, uka jaqix niya pä metro chikatanjamänwa, lanzapas mä telaran lawapjam wali jach'arakïnwa. Benaías chachax mä lawampiw jawq'antäna, lanzap aparasax pachpa lanzapampiw jiwayäna.

Amós 2:9

Nayasti, jumanak laykuw amorreonakarux q'alpun tukjta; cedro quqanakjam jach'anakäpkchïnsa, roble quqanakjam ch'ullqhïpkchïn ukasa.

Deuteronomio 3:11

(Og sat reyikiw refaíta sat jach'a tansa jaqinakat qhiparxäna. Ikiñapax hierrot luratänwa; sayt'urux pusi metronïnwa iranarusti pä metronïnwa. Uka ikiñasti jichhakamaw amonitanakan Rabá sat markapan utjaski.)

Josué 11:22

ukhamïpansti janiw Israel markanxa Anac sat jach'a tansa jaqit saraqir wawapax maynis qhiparkänti. Jan ukasti kawkïrinakatix Gaza, Gat, Asdod uka markanakan jakapkäna ukanakakiw qhiparapxäna.

1 Samuel 17:23

Jilanakapampi parlañkamax Gat markankiri nuwt'asiri Goliat filisteo jaqix filisteonak taypit mistunisax israelitanakarux arnaqasinkakïnwa, kunjämatix pasïri urunakan arnaqkatayna ukhama. Davidasti uk ist'äna.

1 Samuel 17:3

Filisteonakasti mä qullu patankapxänwa, israelitanakasti maysa qullu patanaraki, jupanakarux mä qhirwa uraqiw jaljäna.

1 Samuel 17:5

P'iqiparusti broncet lurat cascompi asxatatänwa, janchipasti broncet lurat corazampi isintataraki, ukasti wali jathïnwa, phisqa tunk phisqan kilonïnwa.

1 Samuel 27:4

Saúl reyisti Davidan Gat tuqir jaltxatap yatisinxa, janiw arknaqkxänti.