1 Samuel 16:7 - Qullan Arunaka DC

⁷ Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.

Aymar Bibliia 1986

⁷ Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”

Qullan Arunaca

⁷ Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”

1 Samuel 16:7 Jak'a apnaqawi uñst'ayäwi

Génesis 4:5

ukampis Tatitux janiw Caín chachan waxt'aparux sum uñtankataynati, ukat Cainax wal phiñasïna, uñnaqapas mayjt'awayarakïnwa.

2 Samuel 14:25

Taqpach Israel markan janiw Absalonjam wali suma uñnaqt'ani chachax utjkänti; ukham wali suma waynätapatsti wali jach'añchatarakïnwa; kayut p'iqikamax janiw kuna jan walis jupan utjkänti.

2 Samuel 7:20

¿Kunat juk'ampirak sirisma? Tatituxay, jumaw aka luqtirimar sum uñt'taxa.

1 Crónicas 17:18

¿Naya luqtirimar jach'ar aptatamatsti kamsarakirismasti? Jumax luqtirimarux sum uñt'taxa.

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

Job 10:4

¿Jumasti janchi nayranïtati, jaqinakjam uñjañamatakisti?

Job 35:5

Alaxpach uñtam, sum amuyarakim; qinayanakax jumat sipan juk'amp alayankiwa.

Salmos 139:2

jumaw qunt'ataxsa, sartataxsa yattaxa; lup'itanakaxsti jayatpach amuytaxa.

Salmos 7:9

9 (10) Chiqapar uñjir Tatay, jumaw amtäwinak uñakiptaxa, chuyma manqha amtäwinaka, ¡juchararanakan ñanqha lurañanakap tukusiyam, aski jaqirusti thuruñchat sayt'ayam!

Proverbios 15:11

Tatitutakix amay imäwisa, jiwañas janiw jamasankkiti ¡ukat juk'amp jupax jaqinakan chuymap uñt'i!

Proverbios 16:2

Jaqitakix taqi kun luratapas walikjamakiwa, ukampis Tatituw chuymanakap yati.

Proverbios 24:12

“Janiw kuns yatkäyätti” siskäta ukasa, Tatitux chuymam uñt'iwa, jupasti sapa mayniruw lurataparjam churani.

Proverbios 31:30

Suma uñnaqan warmix k'arikiwa, jiwakïñas inamayakiwa, Tatitur axsartir warmiw jach'ar aptkañaxa.

Jeremías 11:20

Ukampis jichhax taqi ch'aman Tatitu, jumax chiqapa uñjirïtawa; jumax jaqin amtatanakapsa yattawa. Kunjämtix uka jaqinakar mutuykäta uk uñjayarakita, nayasti amparamaruw taqi akanak katuyaraksma.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 20:12

Taqi ch'aman Tatitu, jumax taqi kunsa chiqaparuw uñjtaxa, jumax jaqin chuymapsa sum uñt'taxa, kunjämtix uka jaqinakar mutuykäta uk jichhax uñjayita, nayasti juman amparamaruw taqi kun katuysma.

Lucas 16:15

Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Juan 7:24

Janiy aliq uñkatasak taripapxamti. Taripapxät ukkhasti, kunatix chiqäki ukhamarjamay lurapxam —sasa.

Juan 8:15

Jumanakax jaqin amuyuparjamakiw juchañchapxtaxa. Nayasti janiw khitirus juchañchkti;

Hechos 1:24

Ukatsti taqiniw Tatitut mayisipxäna akham sasa: “Tatay, jumaw taqinin chuymap uñt'taxa, jupa paninit khitirus jumax ajllista, ukay uñacht'ayapxita

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 10:7

Jumanakax laqäxaki taqi kunsa uñjapxtaxa. Maynitix chuymapan Cristonkat amuyaschixa, nanakax jupjama Cristonkapxatanakax amuyañaparaki.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

1 Pedro 2:4

Jesucristor jak'achasipxam, jupax jaqinakan apanukut jakkir qalawa, ukampis Diosatakix mä suma ajllit wali jila alan qalawa.

1 Pedro 3:4

jan ukasti suma chuymanïpxam, ukaw jan tukuskiri, suma munkañaxa. Dios nayraqatansti ukax wali askiwa.

1 Samuel 2:3

Jan khitis jichhax jach'achasiñampi parlpati, janirak khitis sinti yatiñan tukpati, Tatitu Diosaw taqi kunsa yati, juparakiw jaqin luräwinakapsa uñjaraki.

1 Samuel 9:2

jupasti mä yuqanïnwa, Saúl sutini, jupax suma uñnaqt'an waynänwa. Israelitanak taypin janiw khitis jupjam uñnaqt'anix utjkänti, ukhamarus janiw jupjam jach'a tansa jaqix utjkänti.