1 Samuel 15:22 - Qullan Arunaka DC

²² Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.

Aymar Bibliia 1986

²² Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.

Qullan Arunaca

²² Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.

1 Samuel 15:22 Jak'a apnaqawi uñst'ayäwi

Génesis 4:4

Abelasti ovejanakapat suma lik'ïkis uk aparakïna, ukatsti Tatituruw luqtäna. Diosasti Abelan waxt'aparux sum katuqäna;

Éxodo 19:5

Ukhamasti, jumanakatix nayan arunakax sum ist'asin jaysapxitäta, arust'äwi lurataxsa phuqhapxarakïta ukaxa, jumanakax taqi markanak taypin nayan munat markaxäpxätawa, taqi uraqix nayankiwa.

Proverbios 21:3

Wilañchanaka, waxt'äwinak katuqañat sipana, Tatitutakix chiqa kankañamp uñjaña, axsartañ chuymamp sarnaqañaw juk'amp askixa.

Eclesiastés 5:1

1 (17) Kunapachatix Diosan utapar sarkät ukkhaxa, sarnaqäwim uñakipasim, ñanqha lurir jaqinakan wilañchap luqtañat sipansa, ist'añatak jupar jak'achasim.

Jeremías 11:4

Uka arust'äwsti, nayra awkinakapampiw lurta, kunapachatix Egiptot irpsunkäyät ukapacha, uka markasti jupanakatakix hierro umatatayañ hornjamänwa. Sarakïyätwa: Nayar ist'apxita, kuntix nayax sapkäma taqi ukanak phuqhapxam, ukhamat jumanakax nayan markaxäpxäta, nayasti jumanakan Diosamarakïyäwa.

Jeremías 11:7

Kunapachatix nayax awkinakamar Egiptot irpsunkäyäta ukapachax, nayaruk jaysapxita sarakïyätwa, ukatpacha jichhakamas uk saskakipuntwa.

Jeremías 26:13

Ukhamax sarnaqäwinakama, luräwinakamsa askichasipxam, jumanakan Tatitu Diosamaruk ist'apxam, ukatsti Tatitux janiw kuna jach'a t'aqhisiñanaktix arski ukanak apayanipkätamti.

Oseas 6:6

Jumanakax nayar munapxitasma uk munta, janiw jumanakan wilañchanakam munkti; nayarux Diosarjam uñjapxitasma uk munta, janiw jumanakan nakt'at luqtäwinakam munkti.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Mateo 12:7

Jumanakax janiw amuyapktati kuntix aka arunakax sañ munki uka: ‘Nayax jumanakan khuyapt'ayasirïpxañam munta, janiw wilañchanakam munkti’ sasa. Jumanakatix amuyapxasmänxa, janiw jan juchaninakarux juchañchapkasmänti.

Mateo 23:23

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax menta, anís, comino uka achunakat sapa tunkat maya churapxtaxa, ukampis kamachin yatichäwiparux janiw yäqapktati: chiqapar uñjaña, khuyapayasiña, chiqpach jaqïña. Ukanak lurapxañamaw wakisixa, jan mayanak lurañ jaytanukusa.

Mateo 5:24

uka luqtäwim altar nayraqatar jaytawayasin jilamampi sumankthapir saram. Ukat uka luqtäwim altaran churir kutt'anïta.

Mateo 9:13

Sarapxam, ukatsti kuntix aka arsüwix sañ munki uk amuyt'anipxam: ‘Nayax jumanakan khuyapt'ayasirïpxañam munta, janiw luqtanak munkti’. Janiw aski jaqinakar jawsir jutkti, jan ukasti juchararanakar jawsiriw jutta —sasa.

Marcos 12:33

Jupar taqi chuymampi munañasti, taqi amuyumpi, taqi ajayumpi, taqi ch'amampi, ukatsti jaqi masisar jiwas kipkarjam munañaxa, juk'amp askiwa, kuna wilañchatix altaran luqtatäki taqi ukanakat sipana —sasa.

1 Samuel 13:12

filisteonakax Guilgal chiqan niyas nuwantkitaspa ukham amuyäyäta, nayasti janïraw Tatitur mayt'askäyätti; ukat ukham jan wali jikxatasisin naya pachpa nakt'at waxt'äwi luqtañar uchasta —sasa.

1 Samuel 13:13

Samuelusti juparux sarakïnwa: —¡Luqhir uñtataw lurtaxa! Tatitux kuntix sisktam uka arunakarutix jaysasamänxa, juman Israel markar apnaqañamax wiñayatakïsapänwa.