1 Samuel 12:5 - Qullan Arunaka DC

⁵ Samuelusti akham arsurakïna: —Ukhamasti Tatitusa, jupan ajllita reyisa uñjaskiwa, jumanakax janiw kuna juchsa nayarux apsupkistati —sasa. Jupanakax sapxarakïnwa: —Ukhamäskapuniwa —sasa.

Aymar Bibliia 1986

⁵ —Uqhamajj Tatitusa, jupan ajllita reyisa ist'asquiwa, jumanacajj janiw cuna juchsa nayarojj apsupquistati —sasaraquiw Samuelojj khanañchasïna. —Uqhamäscapuniwa —sasaw jupanacajj sapjjaraquïna.

Qullan Arunaca

⁵ —Uqhamajj Tatitusa, jupan ajllita reyisa ist'asquiwa, jumanacajj janiw cuna juchsa nayarojj apsupquistati —sasaraquiw Samuelojj khanañchasïna. —Uqhamäscapuniwa —sasaw jupanacajj sapjjaraquïna.

1 Samuel 12:5 Jak'a apnaqawi uñst'ayäwi

Génesis 31:50

Phuchhanakaxarutix jan wal uñjäta, jan ukax jupanakxaru yaqha warminakamp jaqichasïta, janis khitis jiwas paninitakix qhanañchirix utjkani, ukapachax Tatit kipkaw qhanañchaskani —sasa.

Job 16:19

Alaxpachan maynis nayat arsurix utjapunpachawa.

Job 42:7

Tatitusti Job chachampi parlasin, Elifaz chacharuw parlarakïna, akham sasa: “Jumatakix wali q'apisitätwa, ukhamaraki uka pani masimatakisa; jumanakax janiw nayxatxa kunatix chiqapäki uk parlapktati; kunjämtix Job luqtirixax parlki ukhama.

Salmos 17:3

Jumaw taqpach amuyunakax yattaxa; arumanakaw chuymax uñaqir jutista; ninampjamaw yant'ista, janirakiw kuna ñanqhsa jikxatkistati. Lakaxax janiw k'ari arunak arskiti,

Éxodo 22:4

4 (3) “Lunthatat uywatix jakkirpach lunthatan amparapan jikxatatäni ukaxa, jupax mä ukkhampi churañapawa, vacatsa, asnotsa, ovejatsa.

Juan 18:38

Pilatox ukxarux sarakïnwa: —¿Kunarak chiqasti? —sasa. Uk arsusinsti, Pilatox wasitat mistuwayasin judionakar parläna, jupanakarusti sarakïnwa: —Janiw nayax aka jaqin kuna jucha luratapsa jikxatkti.

Hechos 23:9

Ukapachasti taqiniw jach'at arnaqasipxäna; kamachinak yatichir fariseonakat yaqhipanakax sayt'asisin sapxäna: —Aka jaqin janiw kuna jan wali luratapsa jikxatapkti. Inas jupar mä ajayus jan ukax mä angelas parlxaychi —sasa.

Hechos 24:16

Ukat nayax Diosan nayraqatapansa, jaqinakan nayraqatapansa, q'uma chuyman jakasiñpun ch'amachasta.

Hechos 24:20

Jan ukhamäkchi ukasti, akankirinakax sapxpanaya, judionakan Jach'a Tantachäwipankir jilïrinakacha kuna jan wali luratax nayar jikxatapxpachïtu.

1 Corintios 4:4

Chuymaxan janiw kunas nayar juchañchirix utjkiti, ukax janiw sañ munkiti nayan jan juchanïtaxa. Khititix taripkitani ukax Tatituwa.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

1 Samuel 12:4

Jupanakasti sapxarakïnwa: —Janipuniw kunapachas nanakarux t'aqhisiyapkistati, ñanqhachapkistasa, janirakiw qullqimpis chiqapar uñjatäñatakix chilltayasktati —sasa.

1 Samuel 26:9

Ukampisa Davidax sänwa: —Jan jiwaykamti, khititix Tatitun chhijllat reyir jiwayañ munki ukax mutuyatapunïniwa.