1 Samuel 12:3 - Qullan Arunaka DC

³ jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.

Aymar Bibliia 1986

³ Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

Qullan Arunaca

³ Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 12:3 Jak'a apnaqawi uñst'ayäwi

2 Samuel 22:22

Nayax Tatitun thakhipanjam sarnaqta, ¡janipuniw Diosaxat saraqaskti!

Nehemías 5:11

Jichhasti achikt'asipxsmawa, jichhpach uraqinakapa, uva yapunakapa, olivo yapunakapa, utanakapsa kutt'ayxapxam, ukatsti qullqi, grano, vino jan ukax, aceite manutxa, jan mayiskxapxamti” sasa.

Salmos 15:5

khititix qullqi mayt'asin jalaqtap jan apski uka, jan juchanir aynacht'ayañatak qullqi jan katuqaski uka. Khititix ukham lurasapun sarnaqki ukaxa, janipuniw aynacht'kaniti.

Éxodo 20:17

“Janiw jaqi masimankir utap munapayätati: janirakiw warmipsa, uywatapsa, vacapsa, asnopsa, kunanakapatix utjki ukanaksa munapayätati” sasa.

Éxodo 22:4

4 (3) “Lunthatat uywatix jakkirpach lunthatan amparapan jikxatatäni ukaxa, jupax mä ukkhampi churañapawa, vacatsa, asnotsa, ovejatsa.

Éxodo 23:8

“Qullqi chilltatax janipuniw katuqasïtati, uka qullqix amuyt'asir jaqinakaruw juykhuptayi; ukatsti jan juchaninakax juchañchataw uñjasipxi.

Proverbios 15:27

Walja yänak munapayirix pachpa utapankirinakaruw tukji, qullqi chilltañar uñisiristi, jakaniwa.

Levítico 6:4

4 (23) juchañchatäniwa. Ukhamasti kuntix lunthatkatayna, ch'amampis aparkatayna ukanak kuttayxañapawa, qullqi katuyatat lunthatatapatsa, mä kun jikxatasin jan arsutapata,

Levítico 6:5

5 (24) jan ukax, mä kunatsa k'ari juramento luratapata. Taqi ukanakxa khitittix aparkatayna ukarux chikatan chikatapamp kuttayxañapawa, kunapachatix jucha luratapat wilañcha luqtkani ukapacha.

Números 16:15

Moisesasti wali q'apisitaw Tatitur säna: —¡Jupanakan waxt'anakap jan katuqamti! Janiw nayax jupanakan mä asnopaksa mayirïkti, janirakiw jupanakat maynirusa jan walinak lurkti —sasa.

Mateo 22:21

Jupanakasti sapxänwa: —Cesarankiwa —sasa. Jesusasti jupanakarux sarakïnwa: —Cesarankki ukxa, Cesarar churapxam, Diosankkis uksti, Diosarurak churapxam —sasa.

Lucas 19:8

Ukatsti Zaqueox sayt'asisin Tatiturux säna: —Tatay, yänakaxat chikatpach jan kunaninakar churxä; maynirutix lunthatsta ukarux, pusi ukkhampi kuttayxä —sasa.

Hechos 20:33

Janiw nayax khitin qullqipsa, khitin isipsa munapayawaykti.

2 Corintios 12:14

Nayax jumanakar kimsïr kuti tumpañatakiw niy wakichasta, janirakikiw jichhas kunsa mayipkämati, janiw jumanakan utjki uksa thaqkti, jan ukasti jumanak pachparuw thaqhapxsma; janiw wawanakat awkitak qullqi jikxatañapäki, jan ukasti awkiw wawanakapatak qullqi jikxatañapa.

Deuteronomio 16:19

Chiqa kankañampiw markar taripapxani, apnaqapxarakini, janiw kuna qullqsa chilltayasipkaniti, qullqi chilltayasiñax jach'a amuyt'an jaqinakarux juykhu tukuyi, chiqa kankañampi parlir jaqinakan arunakapsa maysaruw uñtayi.

1 Tesalonicenses 2:10

Jumanakaw uñjasipkistaxa, Diosasti uñjasipkarakituwa, nanakasti qullan kankañana, chiqapana, jan kamskayaw jumanak Cristonkirinakampix sarnaqapxta.

1 Tesalonicenses 2:5

Kunjämtix jumanakax niy yatipxta, janiw kunapachas suma arunakampix sumachapksmati, janirakiw qullqi laykus parlapksmati. Diosaw taqi uk uñjaski.

1 Pedro 5:2

Diosan arkirinakaparux sum uñjapxam, jupanakasti jumanakar katuyatawa. Kunjämtix Diosax munki ukhamarjam taqi munasiñamp lurapxam, janiw ukham luram satakisa, qullqi munañ laykukisa, jan ukasti, taqi chuymapun lurapxam.

1 Samuel 10:1

Ukhamasti Samuel profetax aceiten wayucha katusinxa, Saúl waynan p'iqipxaruw warxatäna, jamp'att'asinsti sarakïnwa: —Tatituw jichhürux Israel markan apnaqiripat jumar ajllistam. Jumaw jupanakar apnaqäta, uñisirinakapan amparapatsa qhispiyarakïta. Tatitun jumaru Israel markap apnaqañamatak ajllisitapax akhamat yatisini:

1 Samuel 12:4

Jupanakasti sapxarakïnwa: —Janipuniw kunapachas nanakarux t'aqhisiyapkistati, ñanqhachapkistasa, janirakiw qullqimpis chiqapar uñjatäñatakix chilltayasktati —sasa.

1 Samuel 12:5

Samuelusti akham arsurakïna: —Ukhamasti Tatitusa, jupan ajllita reyisa uñjaskiwa, jumanakax janiw kuna juchsa nayarux apsupkistati —sasa. Jupanakax sapxarakïnwa: —Ukhamäskapuniwa —sasa.

1 Samuel 2:35

Ukatsti, nayax mä suma sacerdote utt'ayä, chiqapar apnaqiri, nayan munañax phuqhiri, ukhamarak nayan amtäwixarjam luriri; wila masinakaparusti walja maranak jakayä, ukatsti nayan ajllit reyiru luqtir tukt'ayarakï.

1 Samuel 24:11

11 (12) “¡Jach'a munañan rey, kunatix amparaxankki uk uñjam! Naya pachpaw isimat mä jisk'a khuchhuqta. Ukampix jumax munañan rey amuyxasmaw janiw nayax jiwayañ munksmati, janirakiw juma reyirux kuna jan walsa lurksmati. Ukampis jumax, jiwayañatakiw nayar arknaqista.

1 Samuel 24:6

6 (7) ukat jaqinakaparux sarakïna: —¡Tatitux nayan reyixatak amparax jan aytaykitpati! ¡Tatituw jupan reyïñapatak chhijllasi! —sasa.

1 Samuel 24:7

7 (8) Ukhamat Davidax jaqinakaparux jarkt'äna, janirakiw Saúl reyirux llamkt'aykänti, Saúl reyisti putut mistusin sarawayxäna.

1 Samuel 26:11

Tatitux jupan chhijllat reyir jiwayañat imitpan. Ukhamasti ch'ijmañapankki uka lanzapa, ukhamarak umañ wakullapsa apxarum, ukat sarxañäni —sasa.

1 Samuel 26:9

Ukampisa Davidax sänwa: —Jan jiwaykamti, khititix Tatitun chhijllat reyir jiwayañ munki ukax mutuyatapunïniwa.