1 Samuel 10:26 - Qullan Arunaka DC

²⁶ Saúl chachax Guibeá chiqankki uka utaparuw kuttxarakïna, Diosasti mä qawqha wali ch'amani chachanakaruw Saúl chachan qhipap sarapxañapatak mayïna.

Aymar Bibliia 1986

²⁶ Saúl waynas Gabaa sisqui uca utaparuw cuttjjaraquïna, Diosasti mä kawkha wali ch'amani chachanacaruw, chuymanacap onjjtayaraquïna Saúl waynampi chic sarapjjañapataqui.

Qullan Arunaca

²⁶ Saúl waynas Gabaa sisqui uca utaparuw cuttjjaraquïna, Diosasti mä kawkha wali ch'amani chachanacaruw, chuymanacap onjjtayaraquïna Saúl waynampi chic sarapjjañapataqui.

1 Samuel 10:26 Jak'a apnaqawi uñst'ayäwi

2 Samuel 21:6

uka jaqin wawanakapat paqallqunir nanakar katuyapxita, nanakasti uka wawanakaparux Guibeá chiqankir Saúl reyin markapan Tatitu nayraqatan warkkatapxä —sasa. Reyisti uka wawanakapar katuyañ iyawsänwa,

Esdras 1:5

Ukatsti Judänkirinakana, Benjaminankirinakan jilïrinakapasti, sacerdotenakasa, levitanakasa, khitinakatix Diosan ch'amañchatäpkän ukanakaxa, Jerusalenar sarañatakiw wakichasipxäna, Tatitun utap wasitat sayt'ayañataki.

Salmos 110:3

Markamax atipt'añam urunxa, jumaruw katuyasxätam. Qullan qullunak patxanxa, willjta sullar uñtataw wayna kankañamax sapür machaqaptani.

Isaías 10:29

k'ullk'u thakhi chiq sarakipanipxi, Gueba siski uka chiqaruw qurpachasipxi, Ramá markankirinakasti mulljasipxiwa, Saúl chachan Guibeá markapan jakirinakasti jaltxapxarakiwa.

Hechos 13:48

Uk ist'asinsti, jan judiöpkis uka jaqinakax kusisipxänwa. Sapxarakïnwa: “Tatitun arunakapax wali sumapuniwa” sasa. Ukatsti wiñay jakañ katuqañatak wakichatanakax iyawsapxarakïnwa.

Hechos 7:10

taqi t'aqhisiñat juparux imäna, ukatsti amuyt'a kankañ churäna, Egiptonkir faraón reyin nayraqatapan aski jaqit uñt'ayarakïna, uka reyisti Josearux Egipto marka apnaqirit utt'ayäna, jupan reyi utap apnaqirit utt'ayarakïna.

Josué 18:28

Selá, Élef, Guibeá, Quiriat, Jebús marka, qhiparusti Jerusalén sutimpi uñt'ata. Taqpachax tunka pusin markanakänwa, jisk'a markanakapamppacha. Uka uraqinakaw Benjamín ayllunkir wila masi tamanakaparux wakt'äna.

Jueces 20:14

jan ukasti, taqi markanakapat benjaminitanakax Guibeá chiqan tantacht'asipxäna, maynïr israelitanakampi nuwasiñataki.

1 Samuel 11:4

Khithanakasti kawkhantix Saúl waynax jakkäna uka Guibeá chiqaruw puripxäna; jaqinakarusti kunatix luraskatayna ukanak yatiyapxäna. Uka arunak ist'asasti taqiniw wal jachapxäna.

1 Samuel 13:2

Saúl reyix israelita jaqinak taypit kimsa waranqa soldadonak ajllïna. Pä waranqa soldadonakasti jupamp chikaw Micmás, Betel qullunak tuqin qhiparäna, waranqa soldadonakasti Jonatanampi chikarakiw Guibeá chiqan Benjamín uraqin qhiparäna, ukat jilt'iri jaqinakarusti Saúl reyix utanakaparuw khithanukxäna.

1 Samuel 15:34

Ukatsti Samuelux Ramá chiqaruw sarxäna, Saúl reyisti Guibeá chiqankir utaparuw kutt'xäna.