1 Samuel 10:27 - Qullan Arunaka DC

²⁷ Ukampis jan wali parliri jaqinakax utjapunïnwa, jupanakasti sapxarakïnwa: “¿Jupat qhispiypachïstani?” sasa. Juparux wal jisk'achapxäna, janirakiw reyirjamas yäqapkänti; ukampis Saulux jan ist'iriw tuküna.

Aymar Bibliia 1986

²⁷ Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.

Qullan Arunaca

²⁷ Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.

1 Samuel 10:27 Jak'a apnaqawi uñst'ayäwi

2 Samuel 20:1

Benjamín ayllun mayni qhuru jaqiw utjäna, Sebá sata, Bicrí jaqin yuqapänwa, jupasti Guilgal markan jikxatasïna. Uka Sebá jaqisti markachirinakaruw sayt'asiñatak amtayäna, akham sasa: “¡Jiwasan janiw Davidampi kuna lurañasas utjkiti! ¡Israelit jaqinaka, utanakamar kuttxapxam!” sasa.

2 Samuel 8:2

Moabita jaqinakarux atipjarakïnwa, ukatsti uraqir siqiki liwirtayasaw jupanakar mä ch'ankhampi tupt'äna, khitinakatix pä tupu taypinkapkän ukanakarux jiwayänwa, mä tupu taypinkirinakarusti jakayänwa. Ukhamaw moabita jaqinakax Davidan apnaqat uñjasipxäna, qullqsa churapxarakïna.

1 Reyes 10:25

ukatsti jupatakix taqiniw sapa mara mä churäwi aparapipxäna: qullqi, quri yänaka, isinaka, nuwasiñ yänaka, suma q'apkir qullanaka, caballonaka, mulanaka.

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

1 Reyes 5:1

1 (15) Tironkir Hiram sat reyix, Salomonar David awkip lanti reyit utt'ayapxatap yatisinxa, yatiyirinakap Salomonan ukar khithäna, Hiram reyix munasiñ chuymampipuniw Davidar uñjirïtayna.

2 Crónicas 13:7

Juparusti jan wali lurir jayra jaqinakaw jaqkattapxäna, ukatsti Salomón chachan Roboam yuqaparux atipjapxänwa, jupasti waynäskatap laykux janiw jupanakar saykatirjamäkänti.

2 Crónicas 17:5

Ukat Tatitux jupan markap apnaqañapatakix sum thuruñchäna. Judá uraqinkirinakasti taqiniw jupatak churäwinak apanipxäna, qamir kankañapasti jilarkirïnwa, wali aytatarakïnwa.

Salmos 38:13

13 (14) Janis ist'kiristxa ukham uqaraw tukta; amutükiristsa ukhamaw lakax jan jist'arkti.

Salmos 72:10

¡Tarsis markankir reyinakasa, quta wat'ankir reyinakasa, jupar qullqi churapxpan, Arabiankir reyinakasa, Etiopiankir reyinakasa churäwinak luqtapxpan!

Eclesiastés 7:21

Kunanaktix sapki ukanakar jan yäqamti, ukhamat luqtirimar jumxat jan walinak parlatap ist'kätati.

Isaías 36:21

Jupanakasti amukiw qhiparapxäna, janiw mä arsa arsupkänti, reyiw jupanakarux jan kunsa sapxañapatak arsutayna.

Mateo 2:11

Utar mantasinsti wawarux, María taykapampïskir jikxatapxäna; ukatsti killt'asisin wawarux yupaychapxäna. Imasiñanakap jist'arasinsti, quri, incienso, mirra uka churäwinak juparux katuyapxäna.

Hechos 7:35

“Diosax uka Moisesaruw jilïrita, qhispiyirit khithäna, israelitanakax jan yäqañ munapkchïn ukasa: ‘¿Khitirak jumar jilïrita, jan ukax nanakar taripirit uchtamsti?’ sasa. Diosax mä ángel tuqiw ch'aphi ali taypin jupar uñstäna.

Deuteronomio 13:13

13 (14) Diosar jan jaysir jaqinakan uñstatapa, markachirinakar Diosat jithiqtayaskatapa, yaqha jan uñt'at diosanakar yupaychayaskatapa ukkhasti,

1 Samuel 11:12

Ukatsti yaqhip jaqinakax Samuelur sapxänwa: —¿Khitinakas Saúl waynan jiwasan reyisäñapat pächasipxäna? Uka jaqinakar jiwarayañatak nayar katuyapxita —sasa.

1 Samuel 11:13

Ukampisa Saúl waynax sarakïnwa: —Jichhürux janiw khitis jiwayatäkaniti, Tatituw Israel markar qhispiyi —sasa.

1 Samuel 16:20

Ukat Jesé chachax David yuqaparux Saúl reyin ukaruw khithäna. Jupampi chiksti mä asno irpayarakïna, t'ant'as khumt'ata, mä lip'ichi wayaqa vinompi, mä cabritompi kuna.

1 Samuel 2:12

Elí sacerdoten wawanakapax jan wali jaqinakänwa, janiw Tatiturux axsarapkänti,

1 Samuel 25:17

Ukampis juman chachamax wali qhurupuniwa, janiw parlxayañjamäkisa, jichhax jumax kunatix lurañamäki ukanakat amuyt'am, chiqpachansa jupatakisa, masinakapatakis jan walt'añaw jutani —sasa.