1 Samuel 1:9 - Qullan Arunaka DC

⁹ Mä kutiwa, Siló chiqankkasina, Anax manq'añ tukutat Tatitun utapar mayisir saräna. Tatitun utapar mantañ punku jak'ansti, Elí sacerdotex mä qunuñan qunt'atäskänwa.

Aymar Bibliia 1986

⁹ Mä cutiwa, Silo chekanccasina, Anajj mank'a tucutat sartasïna. Elí sacerdotesti, Tatitun templopar mantaña puncun kont'atäscaraquïnwa.

Qullan Arunaca

⁹ Mä cutiwa, Silo chekanccasina, Anajj mank'a tucutat sartasïna. Elí sacerdotesti, Tatitun templopar mantaña puncun kont'atäscaraquïnwa.

1 Samuel 1:9 Jak'a apnaqawi uñst'ayäwi

2 Samuel 7:2

Davidax Natán profetaruw akham säna: —Amuyam, nayax cedro lawat lurat mä suma jach'a utan utjasta, Tatitun arcapasti cortinanak manqhanak jikxatasi —sasa.

Salmos 27:4

Tatitur mä mayisiñaxakiw utji, ukakirak munta: jakañaxkam utapan utjasiña, utapan jupar yupaychañataki, qhapaq kankañap uñjasin kusisiñataki.

Salmos 29:9

Tatitun arupax roble sat quqanak khiwiliyi, ch'uminaksti jan quqan tukusiyaraki. Qullan utapan taqiniw jupar jach'añchapxi.

Salmos 5:7

7 (8) Ukampis nayax jach'a munasiñam laykuw qullan utamarux mantä; qullan utam manqhansti, alt'at chuymampiw yupaychäma.

Éxodo 21:6

uywiripax Diosan nayraqataparuw irpani, ukatsti uta punkur irpkatasin mä p'iyañampiw uywat jaqin jinchup p'iysuni. Ukhamat uka uywat jaqix wiñayatak jupankxani.

1 Samuel 1:10

Anasti jacht'asisa, chuymapansa wali llakt'ataw Tatitut mayisiskäna,

1 Samuel 3:15

Ukanak ist'asinsti, Samuelux ikintxänwa, willjtanipansti, sartasin Tatitun utapan punkunakap jist'aräna. Samuelusti kuntix Tatitux unañchäwin siskatayna ukanak Elí sacerdoter yatiyañ axsaränwa,

1 Samuel 3:3

Samuelusti Tatitun utapan ikiskarakïna, kawkhantix Diosan arcapax uchatäki ukkhana, lamparasti qhanaskakïnwa.

1 Samuel 4:13

Kunapachatix uka soldadox purkän ukkhasti, Elí sacerdotex punku jak'an mä qunuñan qunt'ataw thakhi uñch'ukiskäna, jupasti Diosan arcapat wali llakt'atäskänwa. Uka jaqisti markar mantasin kunatix luraskatayna uk yatiyäna; ukanak ist'asinsti markachirinakax ukspachaw uxtapxäna.